أروع ثـــلاثـــة أيــام فــي السـعـــوديــة، و الـكـعـــبة اـلمـشـرفة،

Quote: ALazhary2 الأخ الزميل عز الدين السلام عليكم ورحمة الله وعمرتك مقبولة (التبريكات جات متأخرة شديد أرجو المعذرة) هي العمرة دي ليها أكتر من سنة صاح؟ ياعزيزي لدي بعض الملاحظات على مشاركاتك في المنبر لكن والله وبكل صراحة خايف أقولها تزعل مني والله متردد شديد لكن شايف إنه مهم الزول يقولها ليك من باب المؤمن مراءة أخيه (طبعاً مؤمن دي من باب حسن الظن بي نفسي وإلا ناس عماد ود موسى وإخوانه في الغي مابتعجبهم) ياعزيزي أروع ثلاثة أيام في ....... أروع ثلاثة أيام في ....... الخ .... أصبحت بوستات قديمة جداً ، لمناسبات أقدم ، والله أنا مستغرب تعتيلك ليها من ربع لي ربع ولو لاحظت مافي زول بيتداخل فيها والأغرب إنك ما ملاحظ الحكاية دي . أدب الرحلات أدب جميل وتستهويني بوستات المهندس هشام المجمر على سبيل المثال ، ولم أجد مايمكن وصفه بادب الرحلات في بوستاتك المشار إليها أعلاه . يوجد العشرات أو المئات من أعضاء المنابر يتنقلون بين دول العالم بشكل أسبوعي لدواعي العمل او الإستجمام ولو قام كل واحد منهم بنشر( أروع تلاتة أيام حقته) فقل على المنبر السلام . لك الشكر على مشاركتك لنا رحلاتك لكن يازميل (من وجهة نظري) لم يعد يوجد مايستدعي الاستمرار فيها فقد إنتهت مناسبتها منذ أمد بعيد . ولعلك لو ارجعت البصر إلى مجمل هذه البوستات فستلاحظ ذلك بوضوح حيث لايرفعها غيرك،وكذلك من ناحية عدد القراء مقارنة بالفترة الزمنية الطويلة . طبيعة هذه البوستات غير متجددة يازميل إنما هي وقتية والاستمرار في رفعها ونقلها من ربع لربع ثقيل على القلب . والله أنا في غاية الإحراج من الاسطر أعلاه لكن مكره أخاك . تقبل خالص التحية والتقدير والإحترام . .