الأستاذة / حليمة عبد الرحمن تحية واحتراما .... _____________________________________________________________
Quote: الاخوة عبد الناصر ومحمود اكن اعجابا كبيرا لعبد الناصر الكاتب الدرامي، وقلت لزوجي بالحرف الواحد.. عبد الناصر الخطيب دا اسامة انور عكاشة السودان.. كان طلعت ما انت
برضو ياك انت...
أين نحن من الكاتب الكبير / عبد الناصر الطائف أحمد أكيد شهادة بعتز بيها من صحفية قديرة بقامه حليمة عبد الرحمن
أكيد يا أستاذة لما الوحد يكتب في موضوع بهموا وماخد جوه محبة وتقدير ما عادية حيحاول يصل درجة من الاجادة تساعدوا على الاقل يوصل وجهة نظروا ...
Quote: كمال علي الزين.. واصل الامتاع يا رائع.. احسدك على اشياء كثيرة.. سلاسة الاسلوب.. جرأة الطرح.. المعاني الانسانية الرائعة التي تنداح من بين سطورك.. ما بين قصة الشابة الجارة ومحاولة فكفكة صوملة شائبات الدهر عن علاقتنا مع الاخوة الاعزاء في الجوار.. وقيادة دفة الموضوع منذ البداية، رغما عن السيناريوهات والمشاهد الجانبية التي كانت تطل بين الفينة والاخرى.. ومقدرتك الهائلة على تذكيرنا بقضة تلك الشابة..
وأضافة لما ذكرتي كمال الزين كان ماشي في (بوستوا) في امان الله جينا ومحمودأبوبكر أخدنا لحتات تانية ....
أكيد هنا حاسجل أعجاب برحابة صدروا وتقديروا لوجه نظر الاخر ... وحرفيتوا العالية يمشي في المتوازيين ( السرد الرواي ) .. ( التعرّيف ) بدون ما يطغي وأحد على التاني ... أكيد تحية أعجاب والتقدير لكمال على الزين
_______________ تقبلى صادق تقديري
كمال الزين الراجل الزين ,,,
Quote: دي معلومة مدهشة بالنسبة لي , (البني عامر) بتوعنا ديل هم نفسهم (التجري) ؟؟؟
برضوا بشكر محمود معاك كنت مفتكر البني عامر في أرتريا مجرد أمتداد
Quote: تعرفي يا(حليمة) معاك (حق) لكن على ما أعتقد إنو عبدالناصر بتاعنا ده بشتغل في مجال تاني
فعلا ياكمال ومجالى ما ليهوا أى صلة بالكتابة أو الابداع مغترب غلبان حالياً( أستشاري مبيعات ) على أخر الشهر ده ماشي لوظيفة (مساعد مدير تنفيذي ) والنشاط في مجال صناعات البناء ...
Quote: فحقيقة أخونا (عبدالناصر الخطيب ) ده , أحببته دون أن ألتقيه , وهو صاحب إسلوب جذاب ومبهر في طرح القضايا
حتى لو كانت بسخونة علاقتنا مع الأحباش والتي بها مابها من سوء فهم وظن وظلم ربما كان متبادلاً (بحسب شهادة) الأخ
(محمود)..
والله ياكمال أنت البتستحق المحبة والتقدير وكفاية أنك أتقبلتنا معاك بصدر رحب رغم أنوا جيناك ( متلبين ) وخلينا التداخل مع سردك الرواي يمشي في حتات تعريّف ( سيرة شعب جار ) بحق يستحق التقدير ,,, أكيد الموضوع نفسوا وجهات النظر فيهوا ( متباينة جداً) لانوا مبني على مغالطات ونظرات إجتماعية _ غير منصفه _ عندنا وعند ( الجيران ) ملانه انطباعية وأحكام معممة ... وبشهادة من كتار من ولاد وبنات (الجيران )أنو بوستك ده كان طرحوا عميق ومميز من بوستات كتيرة مروا عليها أتناولت نفس السيرة وللأسف كانت بترسخ لوجه نظر ( سلبية )أبتدت تتشكل عندهم ( بقوة ) عن السودانيون وفكرتهم عنهم
على أى حال ياكمال بتمني ( البوست ) يتواصل وأكيد حنمدد الاقامة فيهوا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة