|
Re: السودان يشيِّد مدينة "قلب العالم" بالبحر الأحمر (Re: صلاح غريبة)
|
الأخ صلاح سلامات
Quote: أفضل إستثمار عربي حقيقي في السودان كان في مجال الزراعة والصناعة المرتبطة بها وهي الإستثمارات الكويتية في السبعينات كالشركة الكويتية في مجال الزراعة والإنتاج الحيواني وسكر كنانة وكثير من المشاريع كفندق الهيلتون والعمارات الكويتية. دا الإستثمار الحقيقي بدل إستثمار الهشك بشك بتاع جزيرة مقرسم والحيكون مغسكم وأظن الموضوع لا يعدو أن يكون مصيره الفشل ومافي سعودي بغامر بي حاجة زي دي وبلاش دغدغة أحلام الغلابة |
والله يالبلال ياخوى كفيت وأوفيت
مليار واحد فوق مشروع الجزيرة يخلى الحكاية تولع
ومليار تانى فوق طريق الانقاذ الغربى يوقف نزيف الدم وازهاق الأرواح
والله الكيزان ديل غلبتن حيلة عديل وكلامن دا كلام تخدير للشعب المغلوب على امرو
عليكم الله كفانا حجى ، مره مترو انفاق ومره قلب العالم الله ينقلب بيكم قطر
وياهو زاتو عريان ولابسلو سديرى
والغربية زول زى أخونا صلاح غريبة بيصدق جنس كلام الطير فى الباقير دا
قال ايه قال 11 مليار قال وكمان وين على بعد 80 كيلو وله ميل من بورتسودان
وهسع دى الكثافة السكانية على بعد 80 ميل من بورتسودان دى كم
يعنى الواحد يقوم من الخرتوم عشان يتفسح جنب حلايب ويجى راجع
ياناس ارحموا عقولنا وشوفولنا حكاية الموية الملوثة دى شننو
بندور نشرب موية الله دى ساى من غير ماتجينا بلهارسيا وله بكتريا وفشل كلوى
|
|
|
|
|
|
|
|
|