الأخ محمد المسلمي أعرض عن رمي الناس بالباطل!

Quote: تعجبني جميع المداخلات التي تنتهي بي والله انا ما بعرف خدر لكن الحق يقال .. طيب البمنع الواحد يعرف خدر شنـو ؟؟ ما هنداك الارشيف .. وهنداك محرك البحث بتاع البورد اكتب خدر .. يا اكتب حركات خدر .. يا كمان اكتب خروف .. يجيك خدر الطيب ناطي .. خروف دي يا شباب ما مقصود بيها انو خدر في حد زاتوو خروووف .. المقصود بيها خدر قال انو اساسي صاحبنا دا خروف .. وانا القدامكم دا تامبيرة ااي والله .. .. بعدين تعالو هنا .. بالنسبة لي تدخيل الكلام جوه الاقتباس .. هل دا مبرر كافي لي انو خدر مقتبس الكلام دا .. ؟؟ وبعدما دخل الكلام دا في جوه مربع اقتباس . .. البمنع شنو انو يكتب الرابط المقتبس منو الكلام .. يعني بي صورة اوضح .. خدر دا شال الماوس بتاعو ومشي ناس قوقل او الدكان الجاب منو الاقتباس دا .. ولحدت ما فتش الحتة العاجباهو وما قدر يعبر عنها دي الا يدقها فتاشه في قوقل .. ويجي يكبها هنا .. كان ناقصو شنو لو قال ياخ والله الكلام دا من الموقع دا .. ومنها كان استفدنا في عضمنا دا من البكان الجاب منو الكلام دا .. على الاقل الواحد يعرف فايده جديدة من فوايد السفر من الموقع دا واحتمال تطلع ليهو تذكرة سفر مجانية .. زمان خالص كان في خلط لما اشتهرت مسالة السرقات دي .. قام بكري كتب ضمن اللائحة حقتو انو اي زول لافح ليهو كلام من بكان .. لابد من الاشارة ليهو ولو ما عرفو .. يدخلو بين قوسين ويخت نقط نقط .. دلالة على انو الكلام دا ما عارفو من ووين ولا لقى ليهو مصدر .. وبي كدا شكل المسالة كان واضح ومعروف .. علما انو احيانا كتيرة وللربكة الحاصلة في الموقع بتحصل اخطا تقنية الواحد بيدخل كلامو نفسو في داخل اقتباس نتاج ضغط اي من الايقونات من غير معرفة .. واحيانا الواحد بي نفسو .. بيقفل بوستيهو يا تلقى الصورة حقتو مدخله في اقتباس وبتتلولح جوه بطن البوست .. يعني زي ما تقول الواحد بشيل اصبعو ويطبظ بيهو عينو زي طبزان خدر دا الناس العايزة تجرم محمد المسلمي وبما فيهم السيدة اماني العجب يا تستنكر مطاردتو لي خدر .. حقو ما تتعب نفسها كتير .. لانو مسالة السارق والمسروق دي فيها ادبيات كتيرة جدا حصلت هنا دا .. خليكم من محمد المسلمي .. انا القدامكم دا بعتبر خدر ساااااااااااااااارق ولافح كلام زيو وزي اي واحد بيلفح من المنتديات ام ترتر ويجي يكب لينا الكلام دا هنا دا .. ويستعرض بيهو .. اهـــا انا بعرف خدر دا حق المعرفة .. مما كان قاعد معانا في السعودية دي .. بحب النجومية .. ويموت في الاستعراض والجلكسات .. والعندو اعتراض بجيب ليهو من ارشيف خدر لما كان بعتبر اوروبا كلها كفااار واهو بي قدرة قادر هو زاتوو بقى كااافر راسو عديل وحرامي كمان ..