|
Re: مرحبا بعودة عزام حسن فرح (Re: عزام حسن فرح)
|
ود زكريا
Quote: تجفل جحافل الحروف لنظمهم وتروع الايرع من رمي رصينا |
ياخ ما ترُص ساي.. الشي شنو؟! كيف تصِف الـ"رمي" بِالـ"رصينا" ده رمي ولا قاضي يا زول! ــــــــــــــ
Quote: هذا نذر ان تعزم يا عزام عزمك ان اعتذر والعذر نذر للعازمينا |
يِعْزِمو ليك في كدباس إن شاءالله... قول آمين ــــــــــــــ
أسمع.. إنت ما تجرِب الغُنا يا خوي.. الكِتابة دي خلا عليك الله
| |
|
|
|
|
|
|
Re: مرحبا بعودة عزام حسن فرح (Re: سارة علي)
|
Quote: شكرا للتقدير ..لكن معليش كلامي دا كلووووو ما راجية اعتذار ولا هو من عينة الناس البيعرفو اعتذار.. نلقاك في لفة تانية يا محمد..كفاية الخلعة الدخلا فيني بكري بسببك :)
|
عزيزتنا ساره على فقط اقول لك لا تيأسى منه لانه ان التقى بك وجهاً لوجه حدثينا بعدها
بخصوص الخلعه اولا الرحمة والمغفرة للمرحوم محمود زكريا ما براكى الاتخلع فى ناس اتصلوا وسكتوا مسافه يلا اتكلمو الحمدلله عرفت معزتكم لى ستجديننا دوماً وخيولنا الاصيله نمتطى صهوة صهيلها لنصل اليك قبل ان تصل هى بنفسها الى تلك اللفه التى تكونين عند ناصيتها
تحياتى
| |
|
|
|
|
|
|
Re: مرحبا بعودة عزام حسن فرح (Re: صبري طه)
|
ود زكريا
Quote: ان ركبوا اليك الصاهلينا |
كِده يعني فُرْسان رِكبو فُرْسان ــــــــــــ
Quote: ستجديننا دوماً وخيولنا الاصيله نمتطى صهوة صهيلها |
تِتْمط إتْ لامِن تبقى إتْنين.. يا زول "الصهيل" ده صوت بِحْكيهو "الخيل" شنو الدايِر تركبو.. ود زكرِيا إتْ ما جاد في ها الغزَوة ذات "الأصوات" دي يا خوي
طَيِب الغُنا خلو.. جربت مسرح
| |
|
|
|
|
|
|
Re: مرحبا بعودة عزام حسن فرح (Re: محمد زكريا)
|
ود زكرِيا
Quote: ابلاى بى اود هنا كتر بنخسى لجنى الدود فى خرقا ولا تحبذى لئب |
أُسُرْ وِرْجا فينا كاسِركا كاسِنا
ـــــــــــ إذا تسنى لك وقُام "مصَلَتْ" وترجمها لك، أرجو أن تنظُر إلى ما كان بَيْننا مِن وِد وإلى رصيدي منهُ لك، أو على الأقل لا تفجُر حين إدراكُك لِما جاء أعلاه، وتذكر حُبي لك، ولا حَول ولا قُوة إلا بِالله العلي العظيم.
| |
|
|
|
|
|
|
Re: مرحبا بعودة عزام حسن فرح (Re: عزام حسن فرح)
|
Quote: Quote: ان ركبوا اليك الصاهلينا
كِده يعني فُرْسان رِكبو فُرْسان ــــــــــــ
Quote: ستجديننا دوماً وخيولنا الاصيله نمتطى صهوة صهيلها
تِتْمط إتْ لامِن تبقى إتْنين.. يا زول "الصهيل" ده صوت بِحْكيهو "الخيل" شنو الدايِر تركبو.. ود زكرِيا إتْ ما جاد في ها الغزَوة ذات "الأصوات" دي يا خوي
|
والله يا عزام خزلتنى للمره التانيه ياخ انا كنت فاكر خيالك واسع وبتقدر تتخيل الصور فى الكلام من غير شرح بعدين انا لحدى هسه بهظر معاك ساكت وبالجد ما جادى وحتى الكلام (الشعرى) ده بس عشان اثبت ليك انه الكلام الخارم بارم القصدت بيهو ان تسخر ساهل
طيب نشرح ليك الصوره واللوحه يا تشكيلى ويالعيب يا حريف الحروف البين الكلام وتلوين المعانى نبداء لك من الاخر
ان ركبوا اليك الصاهلينا كلنا يعلم ان الصهيل هو صوت الحصان........من ما كنّا فى الروضه طيب البيصهلو ديل ح يكونوا الفرسان ولا الخيول ؟ قول لى الفرسان عشان اعضيك فى كنكوجك ده
طبعاً المقصود بالصاهلينا هم الخيل نسبه لما تصدره من صهيل اذن المعنى واضح ان ياتو اليك راكبين خيل وهى تصهل صهيلاً فنسميها الصاهلينا بدلاً عن الخيل ........وقع ليك؟؟
انتهينا؟
قول واحد
بالنسبه لى للكلام ده
Quote: ستجديننا دوماً وخيولنا الاصيله نمتطى صهوة صهيلها |
احسن نجيب الكلام كله عشان ما يخل بالصوره المرسومه ضمنياً كان ذلك رداً على الاخت ساره على حين عقبت لى فى مداخله بالاتى
Quote: نلقاك في لفة تانية يا محمد |
وفى خيالى مقوله الخيول الاصيله تظهر فى اللفه
رديت عليها
Quote: ستجديننا دوماً وخيولنا الاصيله نمتطى صهوة صهيلها لنصل اليك قبل ان تصل هى بنفسها الى تلك اللفه التى تكونين عند ناصيتها
|
ياخ بكل بساطه اقصد السرعه فى تلبيه النداء وهى صيغه مبالغه ظاهره ان نركب صوت صهيل خيولنا لنصل بسرعة لان مسمع صهيلها سيصل اليها قبل ان تصل الخيل بنفسها الى حيث تكون هذه الاخت وهى واقفه فى تلك اللفه هسه دى محتاجه شرح........والله جوزيف يفهمها وهى طايره
Quote: طَيِب الغُنا خلو.. جربت مسرح |
وانت قايل الانا بعمل فوقوا هنا ده شنو مانى بستعرض فيك وش يقهقه قهقةً حتى تقع سجارته وتنزلق سفة التمباك الى حنكه ههههههههههههههههههههههههههههههههههههههههههههههههههه
========================================= نجى للمداخله البعديها
Quote: ود زكرِيا
Quote: ابلاى بى اود هنا كتر بنخسى لجنى الدود فى خرقا ولا تحبذى لئب
أُسُرْ وِرْجا فينا كاسِركا كاسِنا
|
ودى طبعاً اكيد رد فعل للمداخله بتاعتى
Quote: شغل هنا ابلاى بى اود هنا كتر بنخسى لجنى الدود فى خرقا ولا تحبذى لئب |
الكلام عباره عن مثل شعبى من عند الاهل فى غرب السودان وواضح انك تحتاج لان تشرح لك مع انها كلام باللغة العربيه ومع ذلك لم تفهمها وساتبرع مره اخرى بالشرح نسبه لاعجميتك 1- شغل هنا = عمليه ال 2- ابلاى = نوع من القرود 3- بى اود هنا كتر = ب عود شجرة الكتر (السنط) 4- بنخسى = يطعن من الخلف ( ينخس) 5- ل جنى الدود = ل شبل الاسد 6- فى خرقا = فى مؤخرته 7- ولا تحبذى = لا تعتقد او لا تظن 8- لئب = لعب المعنى بالكامل عندما يطاعن القرد مؤخره شبل الاسد عليه ان لا يعتقد ان ذلك نوع من اللعب واللهو
اها كده كيف؟ قصرت معاك والله ما عارف ليه جبت المثل لكن والله ما قاصدك انك تكون قرد ولا ككو بس اتذكرت المثل وضحكت من جواى ساى كده بس عليك الله كن ما ضحكت خسمتك كن ما قهقهت لامن تتنفقل وجوزيف يحتار فيك وبت ابراهيم تضرب الكف بابتسامه تعجب
خلصنا؟
يلا نجى لكلامك الشين ده
Quote: أُسُرْ وِرْجا فينا كاسِركا كاسِنا
|
لانه كن ما شين ما كان قلت لى
Quote: ـــــــــــ إذا تسنى لك وقُام "مصَلَتْ" وترجمها لك، أرجو أن تنظُر إلى ما كان بَيْننا مِن وِد وإلى رصيدي منهُ لك، أو على الأقل لا تفجُر حين إدراكُك لِما جاء أعلاه، وتذكر حُبي لك، ولا حَول ولا قُوة إلا بِالله العلي العظيم. |
آآى استغفر استغفر لحدى ما اشوف كن بترجمها فى القوقل واجيك
| |
|
|
|
|
|
|
Re: مرحبا بعودة عزام حسن فرح (Re: محمد زكريا)
|
فتشت القوقل لقيتك انت الشخص الوحيد القائل لهذه الغباره وقد ذكرتها مرتين هنا فى سودانيزاونلاين مره بوست الشعبيه الشهير ومره بوست عزومه اقتس منه الاتى
عارف ما بلقى لى مصلت لان ناسك المعاى هنا ديل ختيتين ولا يترجمون لغير الناطقين بها
===== وليك على وحيات محبتى ل جوزيف ما بزعل منكQuote: Quote: طوال جلستنا لم اسمعه يقول وردي او زكي عبد الكريم .. اختنا"بت ابراهيم" انتزعته من اقصى الشمال لتزعه بارزا في قلب البطانة ..فرضت عليه ثقافتها بالحسنى..
يا خوي < الزول بِونِسوهو بِهمو > عاد يِجيني ضيف مِن شندي أقولو عبري ... يِقولي نحن أولاد جعل نقعُد ونقيف على كيفنا أقولو أُسر وِرّجا فينا كاسركا كاسينِّا
إتْ عارِف يا عادِل د. يوسُف فضل قال قبايِل الشِمال البِتقول بِأصلِها العربي القُح كُلها هجين عربي/نوبي ... والدِراسات العلمِية أكدت ده وقالت عرب في السودان ماف ونحنا أقرب إلى قبائِل غرب السودان وبِالتحديد الفلاته ... يا زول أقيف ... ما تهيج فوقي ... بقولك فحصو دُمومكُم ما لِقو فوقا عُقالاً واحِد ... أخير ترضو ساي بِنوبِيتكُم والعَود أحمد ... |
الخلاصه اتضح لى انه انا زول بالى طويل ومستعد اضيع وقت لمن اكون داير احكها الترجمه حاجه كده زى الطظ بتاعة الليبين ديك والله اعلم ياخ انا فترت من النضمى الكتير ده
========== نشوفك فى اللفه
| |
|
|
|
|
|
|
Re: مرحبا بعودة عزام حسن فرح (Re: محمد النيل)
|
محمد سلامات
Quote: عنده أخ عايش في أمريكا أسمو فرح حسن فرح |
والراجل دا وين فى القبل الأمريكية الاربعة علو يكون قريب مننا فى نيويورك
عشان نواصلوا ونتعرف عليهو والمثل بيقول اخو أخوك أخوك
| |
|
|
|
|
|
|
Re: مرحبا بعودة عزام حسن فرح (Re: عماد الدين عبدالله)
|
Quote: مرحباً بالاخ عزام صاحب القلم السلس بالرغم من اختلافي معه في كثير من كتاباته.. الأخ دينق الترحيب لا يعني الموافقة على كتابات الأخ عزام وليس نفاق.. لقد تعودنا في هذا المنبر أن نرحب بجميع الأعضاء بغض النظر عن إنتمائاتهم ونفرح معهم في أفراحهم ونشاركهم لا قدر الله أحزانهم .. شكراً الأخ محمد النيل .. دمتم جميعاً بالف خير ..
|
أستاذة أمانى العجب يا إمرأة يا تمام كلامك كلام كبير بل مداخلتك هذه والله شهادة براءة وقلادة الواحد يعتز بها
............
دا بالضبط المقصود ونبهت على الكلام دا من الاول لكن الأخ دينق مصر الناس تنظر للأمور حسب نظرته هو
نحن ضد التنعصر والعنصرية بل فتحت قبل كدا بوست عن سوءها
لكن المنتقدون بالترحيب هل يعلمون شروط عودة عزام؟؟؟؟؟؟؟
اكيد لو كان مصر على التعنصر او لم يقبل بعدم التعنصر اكيد بكرى ما كان ح يسمح ليه بالعودة
ودينق من شدة غبنه وغضبه عندما لم يجد شيئ يديننى به كعنصرى إفترض إنه لم يرانى أرد على بوستات التعنصر
انا فتحت بوست ضد التعنصر نا هيك عن مداخلاتى فى بوستات أخرى ضدها
لماذا لا نستقبله كتائب عما بدره منه
عودته للمنبر تعتبر مكسب لمن يعملون ضد التعنصر
وهو على كل حال قد أخذ الجزاء حسب اللوائح ما عايزن نزيد ليهو حطب فى النار
ونرحب به فى مجتمع سودانيزولاين الصغير فى عضويتو الكبير فى حيز الوطن
فهناك كتابات لهذا العزام غير السياسة جميلة
وأحلاها التركين
شكرا لتزيين البوست بحضورك أخت أمانى أم الاولاد العلماء
| |
|
|
|
|
|
|
Re: مرحبا بعودة عزام حسن فرح (Re: محمد النيل)
|
الأخ محمد ذكريا والله مبدع رغم إنتقادات عزام لمحاولاتك الجميلة
وحقيقة أديت البوست رونق وأثريته بمداعباتك ودفاعاتك عن البوست فى الأصل
إن شاء الله نردها ليك فى لفة خير او معترك خير
وحقيقة عندك الكتير من الكتابات السمحة فى سودانيزاونلاين وخاصة لما تتكلم عن غناء وردى بالله أدينا منها تانى
وأما عزام إذا خذلنا تانى بعد البوست دا وعاد العنصريات بتاعتو ديك وبعدما إستنفقونا بسببه فيسعرف حينها حاجة
لك وله ولكل المتداخلين الشكر
النيل
| |
|
|
|
|
|
|
Re: مرحبا بعودة عزام حسن فرح (Re: محمد النيل)
|
ود زكريا صباح/مساء الخير
Quote: الكلام عباره عن مثل شعبى من عند الاهل فى غرب السودان وواضح انك تحتاج لان تشرح لك مع انها كلام باللغة العربيه ومع ذلك لم تفهمها وساتبرع مره اخرى بالشرح نسبه لاعجميتك 1- شغل هنا = عمليه ال 2- ابلاى = نوع من القرود 3- بى اود هنا كتر = ب عود شجرة الكتر (السنط) 4- بنخسى = يطعن من الخلف ( ينخس) 5- ل جنى الدود = ل شبل الاسد 6- فى خرقا = فى مؤخرته 7- ولا تحبذى = لا تعتقد او لا تظن 8- لئب = لعب |
Quote: وواضح انك تحتاج لان تشرح لك مع انها كلام باللغة العربيه |
قُلت لي عربي.. طَيِب مُمْكِن نسميهو برااااحا <عربي غرِب> على وزن <عربي جوبا> وكِده!
يا ود زكرِيا أنا ما بشتِم ياخ.. الكلام الأنا كتبتو ليك بالرُطانة مو شتيمة.. معقول أشتِمك ياخ.. ده مثل برضو ردًا على "صهيلكُم" الدايرين تصْهلوهو ده ومعناهو حرم ماني قايلو.. قال قوقِل قال.. فتِسو كان دلْدا
| |
|
|
|
|
|
|
Re: مرحبا بعودة عزام حسن فرح (Re: عزام حسن فرح)
|
الامير بدر الدين الامير
Quote: بالرغم مِن إني شايِف إنو أنا العملت فوقك جميل، لأنك حتتبجح مِحِل تصنقِر وتقول: [أنا في الحقيقة إتصلت بِبكري ورجعت عزام فرح] وفي هذا رِفعهٌ لك وتمْجيد.. غايتو في جاه المُلوك |
غايتو لو بكانك بتصل تاني على الريس بكري ابوبكر واقول ليهو وديهو الخور المره دي
| |
|
|
|
|
|
|
Re: مرحبا بعودة عزام حسن فرح (Re: وليد عبد اللطيف)
|
وليد ود عم عبداللطيف كيف حالك؟ علك طَيِب
Quote: غايتو لو بكانك بتصل تاني على الريس بكري ابوبكر واقول ليهو وديهو الخور المره دي |
ما في صالحو الحِكاية دي.. فعلاً العربي الوهم ده مُمْكِن يِسَويها ومُمْكِن بكري يِجْبُر خاطرو.. بس ما في صالحو لأن بورداب قطر مَلَتْ تااااب مِن بخ نفس سيكارو الحايِم بيهو مِحِلْ قَبَلْ، أصبح دايِرْلو شيتًا تاني يِبقى بيهو محل نظر وأضواء، حأكون أنا ضحِيتو الجديدة: - [مِن مُنْطلق وحْدَوي/حقي ما قِبِلت إنو عزام فرح يِظل مَوْقوف.. إتصلت طوالي بِبكري في أمريييكا.. أنا ما عندي خط دِولي] - [ياخ بكري ده زول عسل خلاس، تخيلو أمُبارِح في أثناء ونسه كَدي، إتْذكرت عزام فرح، قلت لِبكري، عزام عاوزك ترجِعو] - [طبعًا.. طبعًاعزام كان لازِم ينْقرِص شوَية وكِده.. بس كفاية لحد كِده.. كلمت بكري في هذا الشأن، وقد إسْتجاب لي]
ياخ والله ده كتير علي يا ود عبداللطيف.. كتير.. إنت عارِف أنا مُفكِر أرُشلي أي كَكو مِن طرف وأرجع مَوْقوف، أخير من لوكان ود الأمير لإسمي ده ياخ.. أنا حقيقةً خايِف واحِد مِن ناس رابِطة السكود ياخُد خبر بِحِكاية العربي الوهم ده
| |
|
|
|
|
|
|
Re: مرحبا بعودة عزام حسن فرح (Re: عزام حسن فرح)
|
عِمادالدين عبدالله كيف حالك؟ علك طَيِب
Quote: الشوق بحر ومشتاقين لقهوة بت ابراهيم لها كل الاحترام والتقدير |
يا زول حبابك والله، الجبنه مِدَوِرة يوماتي على الله والجو ها الأيام والله نادِر والحوش القِدامي جَيهناهو تاااب بالسفايا.. أبقى مارِق..
كَدي خليني أونِسك بِالجبنه وجرورا... قبُلْ يومين كُنا (أنا وبِت إبراهيم) نرْتشِف التِلِت في الحوش الوراني حدا برج الحمام والونسه خرمت بينا جاي وجاي لِقينا رقبتنا فوق فريق الشدايدا ودي بتقع صباح مِن ود الرِكين، أهااا يا سيدي الآمنت ليك، حدثتني بِعِرِس أبوها إبراهيم ود علي لِـ"سِت أبوها بِت التوم ود الهبرو" والله العرب ديل جِنِس غريب وعجيب خلاس، قالت لي: أبوي مشا يِحدِث أمها الزينبِية، نان ياخُد "سِت أبوها" لِعباس ود عبدالرحيم الشدادي، الحديث ده بعد ما تم حول مِن موت أبوي التوم ود الهبرو والناس لمت مسورا، لِقتو الزينبِية بِبشاشا، ولامِن حدثا بِغرضو، وعلى الغبينه البينا بين السُره بِت عبدالله ود عِتْمان -أُم عباس ود عبدالرحيم- قالت لأبوي بِحدره ولعاما: [بسسسسم الله وإتْ مالك.. عيبك شنو يا شيخ الحِله؟] أبوي قالها: [بِتِك بدخُل عليها الليلة قبُل باكِر] وصافحا بعد دورين!
| |
|
|
|
|
|
|
Re: مرحبا بعودة عزام حسن فرح (Re: وليد عبد اللطيف)
|
Quote: غايتو لو بكانك بتصل تاني على الريس بكري ابوبكر واقول ليهو وديهو الخور المره دي |
ياوليد نعمل شنو بلوة ونتحملها الرطانى العكليته عاشرنا وناسبنا وكمان متحكر في دارجيتنا ويغنى بيها وفوق دا كلو جايب لينا المشاكل
| |
|
|
|
|
|
|
Re: مرحبا بعودة عزام حسن فرح (Re: عزام حسن فرح)
|
الامير بدر الدين الامير
Quote: ياوليد نعمل شنو بلوة ونتحملها الرطانى العكليته عاشرنا وناسبنا وكمان متحكر في دارجيتنا ويغنى بيها وفوق دا كلو جايب لينا المشاكل |
غلطانين تب لو كان بتنا كان قلعناها بالله شوف زي دا ... بتكم عملت ليهو نقله حضارية مفروض كل صباح جديد يديكم كل فروض الولاء والطاعة
| |
|
|
|
|
|
|
Re: مرحبا بعودة عزام حسن فرح (Re: وليد عبد اللطيف)
|
وليد ود عم عبداللطيف
Quote: بتكم عملت ليهو نقله حضارية |
حضارِية شنو ياخ.. أنا لامِن إسْتقريت هِناك أكانو بشْربو مِن عِدْ (بئر) سويت ليهُم إرْتِوازي.. ودخلت لأول مرة الإخْتِراع الإسمو "حنفِية" في البِيوت ووطنت "الداية" بعد ما كانو بِرازو ليها مِن حِله لِحله حين تصرُخ الحابِل. وجمعت مِن كُل خشُم بيت [3] شوالات ذُرة لمصاريف التهجين (أبقار/ماعِز/دِجاج/كِلاب).. يا زول بِقو بِأرِخو لِلحِله بِتاريخ مقدمي ليهُم.. حرم ظني لو قاعِد معاهُم لِيوم الليلة أكانو صلو عني الصلوات المكتوبة في اليَوم والليلة
قال حضارِية قال.. الحضره التفوتك
| |
|
|
|
|
|
|
|