الامن يعتدي علي اسرة زميل البورد معاوية عبيد( صاحب بوستات الفساد)

Quote: الاخ تبارك عند الثانية صباحا اذا طرق بابك اي شخص؟ ما هو موقفك او ما هي حالتك حينها؟ اذا فتحت الباب ووجدت ثمانية اشخاص ما هي حالتك؟ نازلين من عربة بوكس؟ سالوك عن معاوية وهواصلا ليس موجود؟ فتشوا المنزل سرير سرير يعني النايم ايقظوه ماذا تسمي هذا؟ وهل تقبل هكذا سلوك؟ وفي انتظارك لو عندك سوال تاني

Quote: ابو الحسين يؤس له الحسين والله : انت يبدو ما تامي راجل بالحليل تعرف كنت متخيل فاضي بس لكن يبدو إنك خريج السقوط زول شكل كلامك يؤكد بالجد جد إنك خايب يعني ما سيرة وبس

Quote: السيد/ ابوحسين لا ادري ماذا تفعل هنا؟

Quote: وعادة في بوست التضامن لا اورد انا تفاصيل في ظل الوضع الحالي لخطورة ما يمكن ان يحصل وهل اذا حدث شي هل هذا يسرك؟ لا اعتقد ذلك ولك كل الود

Quote: غايتو عادتك عادة السواد .... والحمدلله انها ما عوايد سودانيزاونلاين ... دايرنا نتضامن على المغتّى؟ ... قال "بوست التضامن" قال .... دا اخو "بنك التضامن"؟ ... وضع حالي شنو؟ انت فكّيت التهمة والهتاف والمظاهرة وكل الحاجات البتعرضك انت وغيرك "للخطورة" ... بس النصيحة دي الأبيت تمرقها وبقت ليك فيها "خطورة"؟ المرة الجاية لو عندك بوست بالفكرة دي اكتب العنوان كالآتي: بوست تضامن: الأمن يعتدي على اسرة زميل البورد معاوية عبيد (لا توجد تفاصيل!) ومسألة انو معاوية صاحب بوستات الفساد دي ما مهمة شديد عشان تكتبها في العنوان ... (بعدين من شدة اصرارك على الأسئلة الإستعطافية شايفك بقيت تسأل وتجاوب!)

Quote: يا ابو حسين معاوية عبيد موجود معاك في السعودية لو عاوز تسمع منه اذهب له وافتكر مافي داعي لما فعلت في هذا البوست

Quote: هذه ضريبة أن تكون شريفا فى زمن اللصوص .. وهى ضريبة مهولة يا معاويه .. معاوية لم يسرق من أحد .. وهم يسرقون فينا صباح مساء .. وبينما هم منهمكون فى السرقة .. نجد بعض المسروقين يتساؤلون عن المصدر .. المصدر يا ساده هو كل تلك العمارات التى استطالت .. والمليارات التى بالبنوك .. والجامعات المقامة على اراضى تقدر بالمليارات .. والسيارات الفارهات يقودها الاطفال فى شوارع الخرطوم .. وهناك مصدر آخر جيوش الفقراء والمرضى والمحزونين والمهاجرين فى شتى بقاع الارض .. وهناك مصدر ثالث .. الاقتصاد المدمر والمشاريع الزراعية التى دمرت والمصانع المعطله .. وهناك العديد من المصادر .. فانتقوا منها ما تشاؤؤن .. لا للاعتداء على الاسر الآمنه .. لا لترويع الناس ..