|
Re: ما بين تواضع الاطباء في بريطانيا وغطرسة الغالبية من الاطباء في الس (Re: محمد قرشي عباس)
|
تانى قام جاب سيرة البحر...
بح لسان العقلاء هنا. للمرة الالف المشكلة لا تكمن فى الاطباء المشكلة تكمن فى نظام صحى متهالك
يفقتقد اولا التنظيم,المحاسبة,والتمويل. يعنى يا فخر الدين هسا تفتكر الطبيب دا اتواضع وابتسم ليك
وقعد اتونس مع اطفالك عشان هو طبيب بريطانى وللا عشان هو طبيب شغال فى بريطانيا؟ تاكد انك حا تلقى
نفس المعاملة دى لو قابلك طبيب سودانى فى نفس الموقع دا. اصلا الحاجة دى جزء من واجبه زيو زى كتابة الروشتة
وللا العملية وللا الكشف البعمله ليك,جزء من واجبه انه يبتسم ليك ويشرح ليك بى التفصيل الممل ويصبر عليك لى
حد ما تفهم والا تانى يوم ممكن تكتب فيهو شكوى تمسحه من سجل المجلس الطبى.
التحامل غير المؤسس بدون سبب على الاطباء هو عبارة عن هروب من الطعن فى الفيل الكلنا شايفنه, دولتك يا عزيزى
الفاضل بتصرف اقل من 2% من الميزانية على الصحة يلا تعال قارن النسبة بى دولة زى ايرلندا
سكانها اقل من خمسة مليون الدولة بتصرف على الصحة 12 بليون يورو سنويا (ما يقارب ال25% من الميزانية).
نفس الاطباء السودانيين ديل اللى الناس بتاكل لحمهم النهار ما طال فى الجرائد والمنتديات هم نفسهم الاطباء الناجحين
فى الخليج وايرلندا وبريطانيا العاجباك دى ونيوزلندا واستراليا وامريكا واينما ولوا وجوههم هم اطباء ناجحين.
معز حجاز
محمد قرشى ازيك
|
|
|
|
|
|