|
Re: ما بين تواضع الاطباء في بريطانيا وغطرسة الغالبية من الاطباء في الس (Re: فخرالدين عوض حسن)
|
Quote: علمت ان سبب المشكلة اعلاه خطأ طبي تبعه استفزاز من الطبيب المعالج ..بلغة متغطرسة وجارحة ادت لتعميق الامر
|
كنفس تأكدك من خطأ طبيب العيون المشهور الذي إتهمته زورا و سحبت البوست لاحقا رغم تعلقه بأقرب الناس إليك !! عذرا .. فلا مصداقية لديك عندي ..
Quote: كما اعلم بحكم علاقتي بقياس اتجاهات الراي العام ان اضراب الاطباء لم يجد تعاطفا قويا من السودانيين .. لان صورة الطبيب ارتسمت في اذهان البعض بالغطرسة والتكبر والجشع .. ولعل هذا الصورة انعكاس لما يحدث في شارع الاسبتالية/الاطباء الذي اطلق عليه احد الظرفاء: شارع الهرم للمقارنه في الدخل النقدي لكلاهما
|
كدي أديني إسم طبيب واحد بس في شارع الهرم ده شارك أصلا في الإضراب !! شوف .. لو عندكم مشكلة مع العلاج الخاص و الأخصائيين الكبار أمشوا حلوها بعيد عننا .. أصلا البلد قاعده تفضى من الأطباء بمتوالية هندسية و الما هاجر لسه في الطريق لذلك و كلها شوية و الحكومة حتستفرد بيكم أكتر بعد ما جيل الإضراب ده يغادر لمواطن بيلقى فيها الكلمة الطيبة و حتتحسروا حينها على اللاتعاطف المزعوم ده .. الفرقه السادينها الدكاتره في المستشفيات بتفوق وصفهم الوظيفي بمراحل .. و أي دكتور شغال في مستشفيات الخرطوم دي خليك من الأقاليم بيستحق وسام جدارة عديل !!
قرفتونا عديل كده !! كل مرة عينكم في الفيل و تطعنوا في ضلو !! ما تخليكم شجعان زي الأطباء الأضربوا و تقولوا للحكومة .. دربي و راقبي و حاسبي الأطباء بعد ما تديهم البيسد أدنى متطلباتهم الإنسانية !!
الغطرسة هي ما تصنعه أنت الآن .. لا بتصلح و لا بتغير في الغلط حاجة بالعناويين و المقارنات الساذجة دي !!
محمد قرشي عباس نائب أخصائي جلدية و تناسلية
|
|
|
|
|
|
|
|
|