|
|
 Re: قرار وزاري (مجحف ) ايقاف استيراد العربــات المستعملة (Re: صديق الموج)
|
الأخ محمد الحسن
تحية
هذا الخبر يستحق أن نهدي اليك والى ضيوفك الكرام قصيدة الشاعرمحمد أحمد الحبيب ( يا زمن ما كفاية اجحاف):
والاني العذاب لامن بقيت اخـاف
يا زمن ماكفايه اجحـــاف
اه من حظي قبال ابلغ الاهــداف
رجعني الظلام بعد النهار انشــاف
قلبي الفي هواك نشفتي ريقو نشـاف
من غير مايحس نزف القوافي رعـاف
ضارب في عباب ماليها اي ضفـاف
في الموج والرياح قارب بلا مـجداف
لوكان الامور بي ايدو ماكانت معيشتو كفاف
لاكين ده القدر في امرو مافي خـلاف
ردك يوم وصل مجبور شربتو زعـاف
اوردني الهلاك اخ ما حرام يا الطاف
زولا كان معاك يحلم ليالي ظــراف
يسعد بيها تصبح لي جروحو اسعـاف
لاكين للاسف زدتيهو فوق جرحو القبيل انزاف
رقدتيهو فوق جمر احتراقو لحـاف
جرعتيهو من خمر الغرام اصنـاف
وريتيهو شيتا بالخيال ماطـاف
يازمنا علي زايد جفاف وجـفاف
لوفات الخريف انا للدموع مــذراف
عهدتك ديمة يا الجدي النفور خـواف
عفيف الذمه مابترد التر عــواف
لحاظ عينيك لي درع القلوب متــلاف
رشيق المشيه مابتظهر خطاك خفـاف
بديع الخلقه مسرف في الجمال اسـراف
معدوم النظير فايق علي الاوصــاف
منور وجهك الليل علي الاكتـاف
فاق بدرا منير ساطــع علي الارياف
اه من الم صاحبني ضاعفني الهموم اضعاف
حسبني النـجوم عز النهار الاف
|
|
 
|
|
|
|
|
| |
maman
فيس بوك
تويتر
انستقرام
يوتيوب
بنتيريست