|
Re: ايلولة المستشفيات الاتحادية بالخرطوم الي اشراف وزارة الصحة الولائي (Re: معاذ الهادي)
|
Quote: والله يافاتح اخوي كل يوم في قرفة زايدة
قرار رئاسي....؟!!؟
من اين جاءت التوصية للرئيس بهذا القرار
الكوادر الطبية رافضة له تماما
مدراء مستشفيات الخرطوم وام درمان وبحري
وزراء الصحة بالخرطوم والولايات :صرحوا بانه قرار رئاسي واجب التنفيذ
والي الولاية وصفها ب(الكبة)التي فرضت عليه
اذا من اين جاءت التوصية بهذه الكبة
جاءت من الذين يديرون ملف الصحة بالبلاد ناس ال70%من دخل البلاد |
الغالي معاذ الهادي ياخ شي مقرف جدا البيحصل دا وللاسف ح يكون في كتيرين الان بعاينوا وين توكل الكتف من القرار
حجم العمل في المستشفيات دي كبير جدا ....
فيه الجانب الاداري ....
والاشراف المباشر تحت الوزارة الاتحادية وتحمل المسؤلية الكبيرة.. التدريب ايضا....
مجانية العلاج الان اصبحت تحت ظل الولاية رغم عدم توفرها من الاتحادية.....
لا اظن ان والينا المبجل سوف تكون من اولوياته قصة الحوادث دي ....
القرار من رئيس الجمهورية بفهم التمكين لان وزارة الصحة بالنسبة ليهم بزنس ...
ياخ رئيس يمشي لرويال كير ويسحب اشراف المستشفيات من وزارة اتحادية تحت عينو عديل ..
ما اظن في اكتر من كدا قرف زي ما قلت ...
خليك قريب لانو الوضع مفروض نسعي فيه بهدوا احتمال يكون هناك عاقل من الجماعة ...
الامر المهم هو انو الميزانية لعام 2012 بدون بترول مع احتمال اختلاسات كبيرة مع التلاعب في سعر العملة.. ومزيد من السياسات الخرقاء.... اتخيل حكومة في يوم من الايام كانت بتشترط انك لو ما شي مصر لازم تحول هناك 2000 دولار
يعني سجم خشم الراجل البخطط بالفهم دا دا شكل قرارات اقتصادية تضمن لدولة اخري دخل من العملة الحرة..
اتخيل كل يوم بسافروا 2000 الي مصر بمتوسط 2000 دولار للواحد يعني 4000000 مليون دولار لمصر غير انهم لو سافروا بالمصرية ودي الغالبية
ذكرت النقاط دي هنا عشان نفهم كيف قادتنا الان بفكروا في الاقتصاد والشان العام والموازنات والمالية ...
|
|
|
|
|
|
|
|
|