لوكْ القرَضَة يا ريِّس!

ما قلنا ليك لوك الصبر
لوك القرض وكتين تحرّ
زمان بعيد وكان أغرّ
كان ناس بتاكل في القرض
يسوحوا كم يوم أربعين
من الفجر لين العصر
ومن العصر لين الفجر
كان برد فيها وللاّ حر
شادّين ذِكِر
--
سياحة في عالم المال
وأحلام عالم الزوال
البنيّة قالوا ليها(بعيد عن الشبهة والربا)
بالمعني يعني راجلاً ما بمِشْ على الشبهات المالية
اللي بتجيب حرب من الله ورسوله؛ تعرف يا ريّس
كان ما قطعنا دابر شبهات الرّبا بالمرّة...
أها دا من أسباب الحرب من الله ورسوله
والعجيبة اليومين ديل بعض بني السودان
قايمين جري على الغنى؛ ما مهم حلال حرام
الكد في الدهب ما مشكلة؛ المشكلة اللي وقعنا فيها اليومين ديل
شركات الاستهبال والغرر الهرمية والشبكية
بيتحلوْلى ليهم في الأوّل وبتجيب خبرهم في الآخر
(وإيّاك أعني واسمعي يا جارة)
أحسن قبّال تجيكم غارة
-
يا ريّس إنت الكلام دا ما مسؤول عنه؛ لكن
هو احنا نقدر نحارب الله ورسوله
شوف ليك صرفة؛ مش إنتو ناس السياسة
اللي بتقلّبوا الصاج للعواسة
وإلاّ ساقية جحا حتقعد تشيل وتكب
لامن رقبتها تنكسر كَرْ كَرَبْ
الله يكضّب الشينة
--
--
ويمدّوا لسانهم شبّيحة
ويركب جمله بلطوجي
ونبقى في زنقة في زنقة
لامن تجينا ديك زنقة
وحارة حارة لا من تجينا الحارّة
والحارة ما مرقت
ورمضان شرّف
وسيد الغُنا خرّف
(هل نتهيأ للصيام بأكل مشبوه الربا؟)