ندوة الدكتورة ناهد في منطقة واشنطن

Quote: السناري بالجد شكلك في البوست دا ذي الطفل الطرشقت البلونة حقتو ياخي اكتب ما تشاء مافي زول حاجر عليك بعدين اي كلام انشائي ما بيقوي اي قضية قضيتي انا الشخصية هي ان تبعث المرأة المسلمة حقوقها وتتمسك بها كل الكلام النظري بالنسبة لي غير مفيد ومعروف بالنسبة لي تماما على ظهر قلب.. انت محتاج تربي نفسك بانك تقبل الاخر وتحترمه بدون مهاترات وبتقدير للشخص الاخر وقدراته ما عايز تعمل كدا عندنا لكل معركة سلاحها التحية لعماد ودكتور الركابي وهاشم كان عجبك Quote: لما يكتب فعل شخصاني ولا تفرق هذه العقليات بين الشخصي والموضوعي ولا تعرف أن الحضور في حقل الحوار الآيدلوجي هو حضور موضوعي ولكن الإلتباس هو صفة آيدولوجيات التغييب والتي في سعيها لتغييب ونفي الآخر تغيب نفسها أول ما تغيب دون وعي .. وهل أنتظر أنا ثناء علي فعل تنوير والثناء خدمة للوعي القطيعي وكذلك الشخصانية... وإلا كيف تنتظر ممن لا يمتلك أدوات الفهم اللازمة للمعاني النقدية لك أو لناهد أن يقيم عملك أو عملها بالله شوف جنس المسكنة الفكرية دي ما تسقط الناس هنا بتتحاور انت عايز تشخصن الموضوع قال حوار ايديلوجي قال انت العايز تغيب صوتنا بالسخرية تارة والتعالم تارة اخرى كلام تنوير وشنو دا كلو كلام نسبي جدا الشايفو انت تنوير انا شايفاه "تظليم" ممكن نعرف الادوات بتاعة الفهم دي بشتروها من وين؟؟؟ فلهمة فارغة _________________ ن هؤلاء النصوصيون سواء أن كانوا في فرع السودان أو مركزهم القصيمي لا يعرفون سوي منهج النقل قال فلان وقال علان أوعن فلان ابن علان والنقل هو آفة الإبداع بل الخصم الأول للإبداع والمستجد وللمفارقة أنه يقبل بالمستجد من أدوات الحضارة والتقنية ويسمي مواكبة ذلك فكرياً بالإبتداع ________________ نحنا نصوصين انت شنو الكلام دا بتجيبو من ياتو نصوص ولا انت مفكر عظيم الكلام دا كلو اسع ساخن من فرن عقلك؟ السناري الان المعرفة متاحة للكل والكتب على قفا من يشيل المثقف الوصي مهمته انتهت فخلى حركات فلهمة المراهقة الفكرية الكانب سائدة في السودان عند بعض المجموعات السياسية خايفين نجيب اسمها هنا تجيك كاروشة متكرين العلم بدا عندهم وانتهى وكذلك الفهم اي كتاب مريت عليه اي زول بيكون مرة عليه ما عندك شي زائد غير انك بتكتب بلغة مقعرة ما بتغلب اي زول وهذه النوعية من االاستخدامات اللغوية ماتت وانتهت فصناعة الاغراب والتغريب بضاعة كاسدة واستخدام المصطلحات الاجنبية بقت حاجة مثيرة للضحك والسخرية واستخدام الكلام المكان مكان للابهار انتهى برضو االبورد دا الناس كلها متعلمة جدا ومثقفة ما قاعدين لينا في برش دكان في قرية نائية نسمع للعائد من المدينة بانبهار وهو يستخدم لينا في خطاب يظنه سيجعل شخصيته مميزة ومثقفة وعلوية نوعية من "المسقفين" كنت اظن انقرضت لكن يبدو لسع في ناس وهمانة بشغلانية الابهار دي