الناطق الرسمي للشيوعي السوداني في الانتباهة.

Quote: بعدين يا قيقراوي شرعية شنو البنديها لجريدة لديها رخصة و قراء و حسب كلام بدرالدين اسحق هي الاكثر توزيعا? انت عارف يا قيقراوي ناسنا هنا-اقصد الامريكان- بدفعوا بالملايين عشان يتنشر ليهم لقاء او مقال في جريدة او مجلة مناوئة! ولو عايزني ممكن اجيب ليك ميزانيات الاعلانات في الصحف, صدقني اكتر من ميزانية جمهورية السودان الشقيقة! وهم ما بحبو بعض زينا تماما, لكنهم يعرفون حاجات اسمها السياسة, و العلاقات العامة, و غيره, التي نفتقر لها و عشان كدة السياسة عندنا زي شكل الشفع حاربني و احاربك. السياسة يا قيقراوي في معناها الصاح هي; ان تقنع الناس بحلول تقترحها لمشاكلهم وبما ان المشاكل لا تحمل لافتات الاحزاب بل تصيب كل الناس, وجب ان تتعامل مع كل الناس عند طرح الحلول ومناقشة المشاكل, ويجب ان تحرص ان تطرح رؤاك على خصومك و مؤيديك, والا فان السياسة تتحول لمسخرة كما لدينا في دولنا الشقيقة و عشان كدة الديمقراطية صعبة التحقيق لدينا! وعشان نعمل ديمقراطية, لازم نخلق مناخ ديمقراطي. و دا ما بكون بغير اننا نبدا نعترف ببعضنا و نتكلم مع بعض, و نفهم ان المشاكل تجمع كل المصابين و عشان كدة الحلول مفروض تطرح عليهم جميعا, ليختاروا احسن الحلول في رايهم!