جاء في سودانيز اونلاين ان ابن الشيخ مصطفى الامين باع عقار بمبلغ 6.5 مليون دولار لانو متورط في شيكات وقبلها سمعنا عن ناس كباار في دخلوا عشان شيكات وسجن امدرمان مليان سجناء شيكات . وغيرهم كتير ما عليك الا ان تتابع الصحف اليومية تجد اعلانات لا حصر لها عن هاربين مطلوب القبض عليهم في شيكات خلينا من ده كلو ابن الشيخ مصطفى الامين 6.5 مليون دولار طيب القروش دي الشالها شيكات دخل بيها السوق في عمل وحسب فهمي البسيط والساذج ان اي عمل تجاري نسبة الربح فيه لا تقل عن 20% ةفي اسوأ الافتراضات 5% بعد خصم كاااااافة المصاريف المرئية والغير مرئية وفي حالة تناقص عامل المخاطرة قد ترتفع الارباح الى 300% على كل ناخد بادنى الافتراضات انو الرسك فاكتور عالي عشان كدة نسبة الربح 5% يعني استرد راس مالو وربحان ايه البخليه يدخل السجن ويضطر يبيع بيتو بالخسارة ؟ معناه في خلل كبير في النظام الاقتصادي في البلد طيب الراجل ده عندو اصول وسيولة كبيرة جدا ورغم كدة دخل السجن حسب الروايات اها هل يمكن لمغترب يحمل بضعة مئات من الالاف ان يواجه السوق السوداني ؟ ونواصل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
فيس بوك
تويتر
انستقرام
يوتيوب
بنتيريست