كم دفع جمال الوالي في المصري العجوز عصام الحضري؟

Quote: لكن ماذا يفيد المريخ أن الهلال ومنذ تمانين عاما لم يحقق بطولة خارجية ..؟؟؟؟

المشكلة الرابعة ودي الأهم في الزول الإسمو مزمل أبوالقاسم دا ..
عارف مزمل بيقود المريخ بطريقته التضليلية والتطبيلية وللاسف المريخاب كلهم قاعدين يسمعوا ليه إدارة على جمهور ..

نجي لموضوع الحضري كلاعب ما عندنا فيه شك ..
لكن يخدم المريخ ويفيده لا أظن وأتفق معاك في كثير من نظرتك (الفنية) فيه وركز على الفنية دي لأنه موضوع البوست ..
حاجة مهمة ولازم نتطرق ليها ودي عايزه ليها بوست كبير وشحمان ..
وهو موضوع الإحتراف ..
ياخي نحن عندنا مشكلة كبيرة في النظام الكروي بالبلد ودا طبعاً لا يخرج من الحالة العامة للسودان من تدهور في كل شئ ..
نحن ما قاعدين نفرق ما بين نظام الإحتراف وإستجلاب اللاعبين من خارج البلد ..
نظام الإحتراف هو عقد بين اللاعب والنادي الذي ينضم له وهو نظام متبع في العالم كله الآن ..
النظام دا عايز دراسة وتحليل وروئة بفهم إحترافي ومدرك لأهمية كرة القدم والرياضة عامة ..
يعني اللاعب السوداني هو محترف أيضاً طالما بينه وبين النادي عقد ..
لذلك يجب أن نفك الإرتباط ما بين الإحتراف والهواية ..
كرة القدم لم تعد هواية بل إحتراف أو لنقل أكل عيش زي ما بنقول نحن في السودان ..
أكل العيش دا بحتم علينا ضبط الأمر برمته بفهم عالي ومدرك لكل ما يدور حول هذه اللعبة ..
وفي نظري العودة لنظام المدارس السنية والتدرج في كرة القدم من ناشئين وشباب وفق نظام كروي محكم طويل المدى سيقودنا لكرة سودانية حقيقية ..
الفكر الكروي الذي يدار به الرياضة عندنا متخلف جداً بداية بوزارة الشباب والرياضة والإتحاد العام مروراً بالأندية ..
أرجع لمشكلة النيل الحصاحيصا الحالية وعدم قيد اللاعبين علاء بابكر وكاباقام ..
والله مشكلة مخجلة تؤكد تخلفنا ..
نعود لموضوع الحضري لنؤكد أن وجود الحضري في المريخ كسب إداري واعلامي ليس إلا ..
بالرجوع للوراء قليلاً ومنذ تولي الوالي إدارة المريخ يوجد هنالك خلل فني في التسجيل والتدريب وإدارة الكرة بهذا النادي ..
عليه يجب إستقامة العود حتى يكون (الدرب) عدييييييل ..

يا طلحة أحييك على غيرتك على المريخ ..
وصدقني هذا الكلام المفروض أن يتقال والنقد بيفيد أكثر من الهتاف والتطبيل ..

تحياتي لك ولضيوفك ..