جريدة (الصحافة) والسرقة في وضح النهار.. (توجد فضيحة)

Quote: قريت بوستك ده من أول ما اتفتح و ما دخلت الرابط الجبتو أولا لقناعتي الصمديه إنو مافي زول عاقل بكتب ليه بوست عنوانو (جريدة (الصحافة) والسرقة في وضح النهار.. (توجد فضيحة) ) و يجيبو في المكان الجائر ده ما لم فعلا تكون في (سرقه في وضح النهار ) و (فضيحه ) تزكم أنوف الناس البتقرا دي فافترضت إنو الموضوع منقول بضبانتو ( زيو و زي ما ناس كتار بعملو هنا و زي ما جرايد كتيره عملت و جابوهم في المكان ده ذاتو ) !! و لولا إنو فرانكلي نسخ و لصق الموضوعين لظننت إنو جريدة الصحافه فاتت هشام أدم في العليفه !! و الحقيقه هي إنو الموضوعين مكتوبين بصيغتين مختلفتين تماما عدا السطرين الأخيرين : و هذا ليس للتقليل من شان السطرين بقدر ما هو تقليل من شان الكلام الكبير و الكبير جدا بتاع (سرقة في وضح النهار ) و (توجد فضيحة) و(الخبر كلو منحول) و الكلام ده !! بالنسبه للسطرين ففعلا يوجد عالف و معلوف يعني ما شايف لي أي إحتمال إنو الصيغة دي تكون توارد خواطر ! ------ الأخ التكينة ، سلام يا حبيبنا اللينكات الجبتها دي كلها ما بتفتح : اضطريت أمشي كم موقع و أفتش براي : الخبر في كل المواقع دي مكتوب باسم الأخ عبدالفتاح و بنفس صيغتو و من يوم 11/4 بينما خبركم نازل يوم 12/4 : زولكم النزل التقرير ده شكلو علف السطرين ديل من كتابة الأخ عرمان ------- الأخ بكري ابوبكر ، سلام ما قادر أفهم قصة انك تعلق البوست ده في أستار منبرك الله و رقبتو : عندك مشكله مع ناس (الصحافه ) ولا الحاصل شنو ؟!! ----- ختاما : أري - و الراي ما أرى - إنو كاتب التقرير في الصحافه علف سطرين عرمان ، و عرمان زاد المحلبيه جدا ب(سرقة في وضح النهار ) و (توجد فضيحة) و (مقال منحول ) و بكري أبو بكر ما عندو سبب - ما لم يكون ببل في ناس (الصحافه ) - إنو يعلق البوست ده الله و رقبتو !! و للجميع خالص الود و الأحترام