الاخوان المسلمون ينتصرون ب 14 مليون صوت على شباب الفيس بوك والاحزاب المصرية كلها

Quote: ياهو ده كلام الجرسة ذاتو يا حمور. أفرض انك بقيت ضدهم. الحيحصل شنو؟ برضو حيصلوا الحكم وبرضو حيفرحوا بالنصر!! هذا التحجج بأن الاخوان المسلمين فى مصر معتدلين، والفرحة الشديدة لمجرد انهم اعلنوا عدم رغبتهم فى الاستيلاء على السلطة وكلامهم عن انهم ضد الدولة الدينية ومع الدولة المدنية ذات المرجعية الاسلامية تثير استغرابى. يا جماعة كيزان مصر ناس مخضرمين ومتفتحين وعارفين البير وغطاه وعارفين الكفتة فيها كم رزة. وطبيعى ان يحاولوا تهيئة المسرح السياسى بحيث يتم قبولهم واستيعابهم بشكل مريح يمكنهم من العمل الحر والوصول الى هدفهم فى اقامة دولة الشريعة. هو اساسا فى اسلامى عنده هدف غير اقامة الشريعة؟ هل سمعتوا ابدا بجماعة دينية تتحول الى حزب سياسى رسميا ثم تقول انها لا تهدف الى الوصول الى الحكم؟ وناس كمال عباس وحمور المثقفين يصدقوها؟ دى تبقى كارثة والله!! طيب تهدف لى شنو بالضبط؟ الاحزاب السياسية بتتشكل ليه؟ الغرض منها شنو؟ نعم الجماعات السياسية تتطور وتستوعب تجارب الماضى وتغير لغتها واستراتيجياتها وتعمل السبعة وذمتها من اجل تحسين صورتها ومقبوليتها عند الناس. ولكن الجماعات العندها مبادئ معلنة لا تفارق هذه المبادئ مهما حصل وتظل مستمسكة بها. والاخوان فى مصر الذين اسس حركتهم حسن البنا قبل مليون سنة مبادؤهم واضحة لم تتغير واهدافهم واضحة لم ولن تتغير. فعليكم الله بطلوا الجرسة وبطلوا اغنية "لسنا ضد ان يصل الاخوان الى الحكم عن طريق صناديق الاقتراع" وشوفوا ليكم لحن جديد. الحصل حصل يا جماعة. قدر الله وما شاء فعل. انتو بس صلّوا وادعوا الله وقولوا: اللهم لا نسألك رد القضاء ولكن نسألك اللطف فيه