|
بالمناسبه دى .... 3 نكتات
|
بهذه المناسبه السعيده ، و لكسر حدة الأيقاع هذه الأيام :
( 1 )
سودانى قابل لبنانى و إتنينهم يفتشوا عن زوجاتهم الرايحات منهم فى الزحمه ، قال اللبنانى للسودانى : تعال نوحد جهودنا و نفتش مع بعض . السودانى : ما عندك مانع يازول ، أها عشان تسهل علينا المهمه ... إنت مرتك لابسه شنو ؟ اللبنانى : لابسه منطلون جينز ضيق و تى شيرت أحمر فوق السرة و شعرها ذهبى مبعثر ، و إنت مرتك شو عم بتلبس ؟ السودانى : أنا مرتى طايرة ، أرح نفتش مرتك إنت !!
( 2 )
سألو الجعلى : ليه إتزوجت القبيحه دى فوق مرتك السمحه ديك ؟؟ الجعلى : الشينه دى لى حليفة الطلاق !!
( 3 )
رجع الجعلى المغترب لوفاة والده فوجد إنهم دفنوهو فى مقابر الشايقيه ، شال عدة الحفر و بدا ينبش فى قبر والده سألوهو : لييه ؟؟ قال : أبوى الله يرحمو كانت أضانو تقيله و الشوايقه ديل لما القيامه تقوم ما حايكلموهو !!
|
|
|
|
|
|
|
|
|