نساء المسيره الرائعات .... برغم انى لست معكم لكنى لست ضدكم

Quote: عارف يا صبرى فى بيتنا عندنا قوانين من وعيت وانا فطريا بنفذها لدرجة كنا لو عايزين نفتح الثلاجه لازم نستأذن من امى الله يديها العافيه كبرت حبه حبه والقوانين ما اتغيرت لكن شويه شويه بقوا يخلونى افتح الثلاجه بدون أذن :)))))) بكون عايزه اشياء معين او مشاوير معين وبطلب التصريح ليها واغلبها بيتم الرفض عليها رفض بائن لا رجع فيه وغير قابل للاستئناف والتداول وبنفذ الامر لاسباب بسيطه لانى على ثقه عمياء انهم بيحبونى وعايزين مصلحتى ولانهم كبارى واكيد ليهم فهم مختلف انا جاهله بيه وما قادره استوعبه اى بكون غضباااااااااااااانه وبضايقه شديد وغير مقتنعه وبتمنى امرق مظاهرات منزليه لكن دا كله بيكون لا حياة لمن تنادى ناس بيتنا كحد السيف وحالتهم بشر اكيد ممكن يكون خاطىء فى تقديره وقراره وحكمه لكن بحترمهم وبحترم قرارهم لانهم كبارى وساسى وراسى وعزتى وسندى تخيل بقى اذا ناس بيتنا مكانتهم كده عندى يبقى ربنا الخلقنى وخلقك وله الفضل كله فى كل نفس بتنفسه وكل نعمه بعيشها وخلقنا لنعبده ونطيعه دى الملائكه بتعبد ربنا بدون ملل وانقطاع وبحب اطيع ربنا ما خوف من العذاب والحساب بس بحب اطيعه عشان بحبه وبحترمه ومؤؤؤؤؤؤؤؤؤؤؤؤؤؤؤؤؤؤؤمنه انه بيحبنى وعايز الخير لى وليك ولكل امته ولمن يامرنى بشيىء بحب انفذه بدون ما اسئل روحى عن الاسباب لانى مؤمنه بييييييييييه وبحكمه عشان كده تدخل لى فى اتجاه تمرق لى من اتجاه حكم ربنا لو هزيت الواطه ما بتهز رائى فى صوابه وصحته الكون خلقه هو والبشر خلقاه هو وهو صاحب القرار ولو ربنا سبحانه وتعالى كان زى البشر اللى بتجبر وبتفرض عنفا الاوامر كان حال الدنيا اتصلح لكن ربنا ادى للانسان حق الاختيار ودى كتير ما قادر يستوعبها وواقفين فى تسائل نحن مخيريين ولا مسيرين ودا اللى للاسف بحسه ضاعفنى ومخلينى احس انى ما عبده صالحه بالطريقه البتفرحه وبترضى عنى رضاء تام واتمنى زى ما انا ما متصديه لفهمك وعايزه اجبرك تغيره ما تجبرنى اغير ايمانى وفهمنى كل زول طرح الفيه وما مفروض علينا نأيده ولا نجبره يكون معانا خلينا زملاء برغم اختلافنا وغير مشحونين بالنار من اتجاه بعض لو سمحت