|
Re: لأول مرة في تاريخ العلاقات السودانية - المصرية: محكمة عسكرية تأمر بترحيل 55 مهاجراً سوداني (Re: بكري الصايغ)
|
وصلتني رسالة من صـديق عزيز يقيم بالقاهرة يقول فيها:
***- ( تحياتي بكري الصايغ، لاحظت انك كلما تطرقت لموضوع ما في العلاقات السودانية- المصرية، او كتبت عن حدث محبـط يقع لسودانيين بمصر تقوم انت طوالي وتكتب عن دور السفارة السودانية وعملت شنو..وهل هي متابعة الاحداث الوقعت للسودانيين ولالا?!!، ياود الصايغ انا لي 33 سنة عايش في القاهرة، والله بالله لابعرف حتي وين السفارة دي واقعة ولا في اي منطقة بالعاصمة?!!،
***- يااخي ماعندنا سفارة ولايحزنون ، ولاتوجد اي هـيئة سودانية تابعة للخرطوم وتشرف علي الرعايا السودانيين!!، ياأخي حتي الحكومة المصرية لما يكون عندها موضوع معلق مع الخرطوم اصلها مابتتصل بالسفارة السودانية ولا بسفيرها، بننتظر وصول وفد حكومي سوداني للقاهرة وبتفتح معاه الموضوع او المواضيع المعلقة، او في حالة الاستعجال بسافر واحد مسؤول مصري للخرطوم وبحل الاشكالات ويرجع لبلده!!، سفارتنا في القاهرة عبارة عن "استراحـة" مؤقتة ينزلوا فيها كبار اعضاء الحزب الحاكم او وزراء حكومة الخرطوم قبل مايعملوا "SHOPPING" بالاسواق القريبةمن "الاسـتراحة"،وهذه الحقيقة المرة يعرفها كل سوداني يعيش في مصر،
***- مرات كتيرة لما اكون عاوز اجـدد جوازي وجوازات الاولاد، بقوم اسافر طوالي علي السودان وانجز كل معاملاتي الرسمية هناك وبعيد عن سفارة السودان، ويرجع السبب الي ان الرسوم البدفعها لتجديد الجوازات بالسفارة اغلي ألف مرة من مصاريف السفر للخرطوم او وادي حلفا وتجـديد الجوازات هناك، يعني لو قمت بالسفر بالقطار لحد اسوان ومن اسوان لحلفا واجدد الجوازات وارجع مرة تانية للقاهرة ارخص الف الف مرة من دفع الرسوم للسفارة السودانية والانتظار كم يوم لحد مايجـددوه، ودائمآ مااقول لنفسي " طالما الجوازات بتاعتنا بتقعد في السفارة كم يوم وادفع فيها الغالي وكمان مرات القي لي حـدرة ولانهرة من المسؤوليين بالسفارة...مااريح نفسي واسافر لحلفا واجدد هناك الجوازات وكفي الله المؤمنيين شر القتال والذهاب لسفارة السودان"!!
***- بالله عليك الله ياصايغ، خلي ومايقال عنها سفارة السودان في حالها وابعدها عن النقد والهـجوم لان...."الضـرب في الـميت حـرام"!!
----------------------------------------
اخي الحبيب الحبوب، جاه الله، تحياتي ومودتي، وسررت بزيارتك الكريمة ومشاركتك المقدرة، واحب اقول لك ياجاه الله، لو انت بتعرف السفارة السودانية من قبل 30 سنة افيدك وانني اعرفها من سنة 1956 ومن هو سفيرنا الاول وقتها، واوافقك بان اسلوب السفارة السودانية بالقاهرة في تعاملها مع رعاياها ومنذ بداية الاستقلال وليوم الليلة ماتبدل ولا اتغير ولا حصل فيه اي تطوير او ترقية، بل زاد الامر سـوءآ بعد عام 1989 بسبب تعينات السفراء والدبلوماسيين علي اساس " الولاء قبل الكفاءة "...وماسفيرنا الحالي الا ابلغ دليل علي ذلك!!
***- لك مودتي اخي جاه الله.
|
|
|
|
|
|