|
Re: شريف نيجيريا المبسوط يعتـزم زيارة السودان وسفارة بلاده تحذر!! (Re: احمد محمد احمد عتيق)
|
الأمين البشاري إزيك يا زول
عارف عندي كلام كتير حول الموضوع دا لكن حأختصروا بقد الأمكان.
اولاً: الفنانات ديل (بصرف النظر عن راي البعض فيهم) من حقهن يسافرن ويغنن، وأديك النجيضة، أنا من رائ إنهم كمان يسافرن محل القروش، أنا ما شايف أي مشكلة في كدة، ونيجيريا والخليج وأثيوبيا، في فنانين كتار وكبار سافروا وحصدوا قروش من هناك، وفي فنانين مشوا لبلاد كتيرة (واستمتعوا) فيها. يعنى كم فنان مشي برة السودان وغنى (في قعدات خاصة)، المهم في الموضوع إنو الكلام كلو بشير إنو الفنانات ديل مشن نيجيريا (ومارسن الفاحشة) مع السيد الشريف. طبعاً مافي زول كان عندو (الجراءة والرجولة) يرمي الإتهام عديل. لكن كل البوستات الإتفتحت كانت التلميحات لا تغيب عن أي شخص (متوسط الذكاء) أنه يفهم المقصود.
يا خي الشريف دا بيحب غنا البنات ديل بصفة خاصة، وبيحب غنا السودانيينو وهسه معظم الناس البيكتبوا ديل، في أعراسهم وأعراس أهلهم بيحبوا نوع الغنا دا، وفي بيوتنا وبيوت نص السودانيين ما شفن لينا عروس رقصوها بي (الدمعة السكري) ولا بي (عابر طريق)، يعنى الغنا بتاع الفنانات ديل يا هو الغنا بتاع (الهجيج)، وكل الناس شغالة رقيص فيهو في أعراسم وفي مناسباتم الخاصة، أها الشريف زول بتاع بهجة، وعايز يبتهج عشان كدة بيجيب ناس البهجة وبيبهلا ليهم صاح.
عايز أقول ليك حاجة، أنا في الخرطوم دي حضرت لي أعراس ل (علية القوم زي ما بيقولوا) كان العامل المشترك بين أغلب الأعراس دي الفنانة (قسمة)، وما طالبني حليفة، يا زول النقطة كانت هبطرش (الشريف زاتو لو شافن حيستغرب)، فالقصة أنا شايفة تحامل فقط على هؤلاء البنات فخلوهن في حالهن وإن شاء ربنا يوقف ليهن في طريقن (خرتمية) شريف ينبسط منهن ويكب ليهن القنبز، ويجن راجعات بالسلامة ويصرفن (القنزب) في السودان مما يؤدي إلى تحسن الإقتصاد السوداني ويدفع به إلى النمو ويجعلنا في مصاف الأمم.
|
|
|
|
|
|
|
العنوان |
الكاتب |
Date |
شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-12-10, 02:58 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-12-10, 03:03 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-12-10, 03:06 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-12-10, 03:09 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | حيدر حسن ميرغني | 10-12-10, 03:11 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-12-10, 03:16 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | حيدر حسن ميرغني | 10-12-10, 03:29 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-12-10, 04:15 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-12-10, 04:20 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | احمد محمد احمد عتيق | 10-12-10, 05:56 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الصادق اسماعيل | 10-12-10, 11:48 PM |
Re: شريف نيجيريا المبسوط يعتـزم زيارة السودان وسفارة بلاده تحذر!! | كمال سالم | 10-13-10, 00:13 AM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-13-10, 08:58 AM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-13-10, 08:54 AM |
Re: شريف نيجيريا المبسوط يعتـزم زيارة السودان وسفارة بلاده تحذر!! | الامين موسى البشاري | 10-13-10, 08:41 AM |
Re: شريف نيجيريا المبسوط يعتـزم زيارة السودان وسفارة بلاده تحذر!! | أحمد ابن عوف | 10-13-10, 08:56 AM |
|
|
|