عدت من السودان. تجارب ومواقف. سودانير.رجل مرور. طالبة جامعية. قندهار.عوضية.المغتربين (صور)

Quote: الاخ الاستاذ خالد الجزولي حمدلله علي السلامة بس ما تكون مشيت عشان مبارة هلال x موردة الاخيرة

Quote: على أن يكون الإقلاع الساعة الحادية عشر مساء ولكن كعادة سودانير تم تعديل مواعيد الطائرة على أن مواعيد الإقلاع الجديد الساعة الثانية عشر مساء ، ولكن حدث ولا حرج الطيارة تحركت الساعة الثانية صباحاً

Quote: على أن يكون الإقلاع الساعة الحادية عشر مساء ولكن كعادة سودانير تم تعديل مواعيد الطائرة على أن مواعيد الإقلاع الجديد الساعة الثانية عشر مساء ، ولكن حدث ولا حرج الطيارة تحركت الساعة الثانية صباحاً

Quote: بحري لم اقطع لها كبري

Quote: خالد الجزولي ... حبيبنا الف حمدا على السلامة Quote: بحري لم اقطع لها كبري اجازتك ناقصة وعليك ( هدي ) بشرط لازم يكون خروف سليم سواكني

Quote: تعرف زكرتني حاجة مره ناس سودانير ديل ادونا مواعيد كانت الطائرة الساعة الرابعة عصرا جينا المطار قالو تجو الساعة 11 ليلا رجعت بي اولادي مكة جينا جدة نفس المواعيد قالوا الطائرة جاءت 7 مساء ولقت بعض الركاب وشالتهم ووعملت شتات . شفت المحن دي كيف

Quote: ياخي دي قمة الإلتزام ،، وتعتبر محظوظ جدا ،، 3 ساعات تأخير !! ولا في الأحلام .. عادي شديييييد ،،

Quote: السهل الممتنع ياجزولي وابداع في سرد معاناة الناس مع الرشوة القهرية مع ناس المرور واصل ياحبيب والحمد لله الجيت لي أهلك سالم اقصد العودة للحجاز

Quote: ياكابتن حمدلله علي السلامة انا اعرف ان ناس المطار شالو منك 7 يوم والفواتح 3 يوم والمغتربين يوم والثمانيه الباقية مجاملات ويوم السفر يوم براهو: وين الاجازه ياخالد( يعني ما استمتعتا بي اكل السمك .. ممكن تكون جبتوا معاك فسيخ جاهز انا يوم قابلتك في المطار ضربوني بي مخالفه زي الترتيب الحزام ما مربوط لكن الاجاويد فكوني منهم بعد ما عمتي املت تراب حمدلله علي السلامه

Quote: بس لمن نجي لي قندهار بنطلع الصور

Quote: دي بالذات كتر لينا منها بالله لانو عندنا فيها شجون وشجون

Quote: ياخي بحري ما مشيتا لأنه مافي سبب يوديني ليها ما عندنا فيها أهل وما عندنا فيها اصحاب حتى وأهلنا قالوا شهراً ما عندك فيه نفقة ما تعد أيامه ولا كييف

Quote: ياراجل بالغت كدى نذكرك وعندك فيها عز الدين الصبابي دفع السيد منقستو شكوكو كاوندا هيثم السعودي والمشجع ( شقر ) الموردابي العيان ودا براهو بكل مشجعي المورده

(عدل بواسطة خالد حامد الجزولي on 10-14-2010, 07:48 AM)

Quote: " الحبوش أو الأحباش ناس تلهاسي ديل ياخي ملو علينا البلد بصورة ما عادية ، زمان من ما قمنا عارفينهم في الخرطوم وبالذات في الديم يعني عند (الديامة حطب القيامة) ، الآن أصبح تواجدهم في كل مكان بالعاصمة ، وفي أم درمان حدّث ولا حرج ، خد مثلاً في بيتنا عندما رجعت من السفر ، أعرف أن عندنا ثلاثة نسوان بالبيت أختي و زوجتي أخواني الاثنين ، تفاجأت برابعة أخرى ، فركت عيني مرة وإثنين وثلاثة دي منو الرابعة دي ، يمكن واحد من أخواني دبل في مرتو؟ طيب على الأقل بسكنها في بيت تاني ، يمكن مرة الجيران ، لكن البجيبا في وكت زي دا شنو (الساعة الخامسة صباحاً) ، المهم قدر ما وديت الموضوع يمين وشمال مانفع طبعاً الشمار كتلني ، وقمت سألت ليك الجماعة ، يا خوانا دي منو دي ، قالوا لي دي ما الشغالة بتاعتنا وأردفوها بكلمة حبشية. أها في بيتنا حبشية إذن ؟ حكمة الله . أنا : بس قبل كدة ما ونستونا بيها حتى في التلفون ما أديتونا الشمار دا باقي اختي بتفيدنا بالأخبار أول بأول سوى برسائل أو مس كولات وما تبقصر أبداً أبداً الجماعة : لا .. طبعاً دي ما حاجة عادية. أنا : لا ماعادية.. زمان كان عندكم شغالات محليين يعني من البلد أسى بقيتوا تستوردوهم؟ بعد كدة اصبح منظرها مألوفاً لدي بالمنزل والظاهر عليها وارد أديس أبابا جديد (كرت كرتوت) لأنها ما بتعرف كلمة واحدة بالعربي ... بس ابتسامة وترد بالإيجاب كل شي ترد بالإيجاب مع ابتسامة ، بعد كدة وبعد زياراتي للأهل والجيران والمناسبات الإجتماعية المختلفة ، لقيت ليك قصة الحبش دي منتشرة انتشار النار في الهشيم .الظاهر عشان أبو الرخا وكدة ، فقد عرفت أن الرواتب الشهرية لهن خاصة للجديد وارد بلدو ولسه ما اتعلم عربي ما بين 200 إلى 250 ألف جنية ، وبعد أن يتعلمن اللغة العربية بيرتفع سعرهن ويذهبن للخرطوم مدن العمارات والطائف والمعمورة حيث الأجور المرتفعة، يعني بجو عندنا في ام درمان يعملوا كورسات اللغة العربية وكيفية التعامل مع السودانيين ودراسة سلوكياتهم بعد كدة بمشوا للجماعة اصحاب المصارين البيض والأجور المرتفعة. ياخي أي بيت خشيتو ليك لقيت ليك فيه حبشية وبعد مرات حبشتين أو ثلاثة وفي المناسبات الإجتماعية تحرص ربة المنزل أن تأخذ معها الشغالة بتاعتها ، لييييه ما عارف ..!؟ يمكن عشان تعمل (أحمد مظهر) للجماعة رغم أننا قلنا أن تلك الظاهرة صارت متفشية في معظم البيوتات حتى اصحاب الدخل المتوسط والعادي . من الأشياء التي لفتت نظري ، أنه الشغالات لمن تحصل مناسبة اجتماعية (فرح ، كره) بتلموا كلهم مع بعض ويعملوا شلة ويتبادلوا الأخبار والونسة وإمكن الشمارات كمان. الملاحظة الأخرى أن كل هؤلاء الشغالات صغار وصغار جداً في أعمارهن يعني لم يتخطين العقد الثاني من العمر (نظام ركشات وكدة) وأغلبهن جميلات وفي ساعة الفراغ يقضين وقتهن في الاعتناء بنفسهن من تسريح ومراجعة اللبس وطلاء الأظافر وغيره ، وأغلبهن جميلات (إلا الشغالة معانا بالبيت دي ) ما عارف جابوها من وين ، ياخي دي تقطع الخميرة من البيت ، لكنها والنصيحة لله نشيطة وشغيله يعني من تقوم من الصباح لا يهدأ لها بال حتى المساء ، نظافة الحيشان والغرف وغسيل الملابس ومسح المشمعات والسيراميك والبلاط والكلام دا ، باستثناء الطبخ ليس لها أي علاقة بالمطبخ إطلاقاً ، تعمل كل ذلك وليس في فمها سوى الإبتسامة والرد بالإيجاب ، لكن سماحة نهيي – سألت الجماعة لييه جايبها (شانكنري)كدة ما تشوفوا ليكم حاجة ترد الروح ، قالوا لي بالعكس نحن دي كدة كويسة معاناً جداً جداً. هههه وأنا مسافر أردت إكرامها نقدياً ولكن الجماعة قالوا لي دي مابتعرف القروش ولا توديهم وين ، قلت ليهم وراتبها ، قالوا أن هناك متعهدة حبشة كبيرة (الظاهر دي السينير بتاعهم ) بتجي كل أول شهر تقبض الراتب بتاع الشغالات ، ولو الشغالة مريضة أو هناك إجازة عيد عندنا أو عيد عندهم بتجي تاخدهم وترجعهم تاني ، المهم الجماعة قطعوا نصيبها ورزقها. هذه قصة الحبشيات العاملات بالمنازل ويمكن هناك العديد من الأسرار والأشياء الأخرى الخافية علي ، ولكن لقصر فترة الإجازة لم ألم بأكثر من ذلك. نواصل ..."

Quote: كنت ماشي كويس لحدي قبل هنا..

Quote: وبعدييييين ؟؟؟؟؟

Quote: ده المخوفنا زاتو من لاجازات

Quote: يا خالد حمدا لله على السلامة

Quote: اللخو دخلنا البوست دا قايلين القبة تحتها فكي... وكتبنا ليك مداخلة فوق مجاملة ساكت كدي لي وجه الله ,وقت ما رديت عليها مسحناها وكتبنا واحدة تانية قلنا ماخسارة فيك الزمن الغالي دا وكت مارديت عليها,,,,قت الزول دا خبارو ؟؟؟ مالو مابيرد الا بعد شفت صوانيك دي ... عذرتك تب واتحسرت علي دقايقي الراحت في كتابة المداخلة ودعتك الله

Quote: إجازة قصيرة قضيتها بالسودان (أم درمان) فقط

Quote: يا زول حمدا ع السلامه

Quote: لك العتبى حتى ترضى لم نقصد ذلك وتلك ليست شيمنا نرجو أن توجد لنا العذر مع الصواني اللافة دي عزيز مودتي أبو الجزل

Quote: سماح تب يازول عشان خاطر الموردة

Quote: كنت اجوب في أزقتهاوأتأمل في ناسها واتذكر الماضي ، ويصيبني الضجر والملل عندما اتذكر أنني راجع مرة أخرى لديار الغربة .... خليط متناقض من المشاعر تجتاح دواخلي أأفرح أنا لأني حيث ولدت ونشأت وترعت وكبرت ودرست وتزوجت أم حزين لأنني سوف أفارق هذه الديار بعد أيام معدودة كان شعور غريب مختلط (مرة أضحك ومرة أبكي) ومرة أتحمل أساياومرة أهرب من نواحي ياخي أم درمان بين الحنايا وشعور جميل لا يوصف وحنين لماضي حلو ومستقبل زاهر بإذن الله يا الله .... ياجعفر لله درك يأ أم درمان والله عليك يا موردة

Quote: ديدن المحبين الحُنان أخي خالد، فالشوق قتَّال والمحبة بائنة... وهكذا دواليك، من أمدرمان لبقية الوطن الكبير... متابعين بمحبة، فواصل واصل..