|
|
 Re: غادة نوري .. شكرا جزيلا .. فقد فتحت باب الأمل على مصراعيه (Re: وليد محمد المبارك)
|
وليد يا شفت..
سلامات ومحبة..
ننتهز هذه السانحة الكريمة، ونفضفض.. ولا يسعنا إلا أن نشكر الكريمة غادة لإتاحتها لنا هذه الفرصة ..
..
تعرف لما كنا في الابتدائي.. كان في أولاد شكلهم أكبر مننا (قريت في مدرسة أولاد عشان مدرسة البنات كانت بعيدة ..).. أها الأولاد ديل عاملين فيها "مقرًمين"، بيعملو صوتهم كيف كيف عشان باقي الاولاد يخافو منهم، وكانوا عصابة عدييل كده. ولما يجي يقنصو لي زول بيرسلو ليه التهديد من طابور الصباح.. إنه الليلة بعد الحصص موتو جاهو. أها كان أثناء الحصص وفي الفسحتين في أجاويد، او ناس المديدة حرقتني وفي ناس القلوب الحارة والدعم اللا متناهي (زيي كده).
كان كل المجموعات دي بتعمل في استعدادها لمواجهة آخر اليوم.. وتلاقي الأجاويد رفعوا الراية البيضا وأصحاب المديدة مشوا يجيبو سيطان النيم وأصحاب القلوب الحارة نظموا صفوفهم ليكونو موجودين مهما حصل..
..
في كل مرة كنت بسأل روحي يا ربي الأولاد ديل "المقرًمين" ليه زعلانيين من الزول ده؟ وبالمناسبة "الزول ده" في معظم الاحيان بيكون مهذب، شاطر، محترم
مرات يتخيل لي هم بيعملو كده عشان يوروا باقي التلاميذ إنه زول "خيخة" ساكت.. وده ممكن لو كان تعريف "الخيخة" إنه زول ما بيعرف الشكل والضرب من غير سبب.
..
بالمناسبة الأولاد "الشرامة" ديل مافي واحد فيهم عنده عمارة مع الرجال.. مشيت حنتوب من فترة ولقيت الزمن أثبت ليهم إنه هم "الخيخة".. والاولاد الكانو بيضربوهم.. بسم الله ماشا الله أسماء تبهج في اي سماء. منهم الطبيب الناجح، والأستاذ الفاضل، والمهندس البيعمًر، والمغترب الشايل أهله وجيرانه.
أنا اليومين دي وكل ما افتح المنبر طوااالي بتذكر ليك الجماعة ديلك..
تعرف أسهل شئ تبقى "شرامي" و"مقرًم".. هي بي فلوس؟
لكن أصعب شئ تبقى زول محترم.
الشئ الجميل إنه في أماكن زي دي أي زول بيعرف: Who is who?
وبقرية سطر بتعرف تميز بين بتاع عضلات الجسم، وبتاع عضلات الدماغ
والأجمل برضو إنو الزول عرف ناس زي بشاشة ومحمد سليمان.. وعرفك أكتر وأكتر..
تخريمة واجبة: الحرف العدلتو ظااااهر في إقتباسك.. شفت الشفاتة دي؟
وتحية لغادة..
ودي
|
|
 
|
|
|
|
|
| العنوان |
الكاتب |
Date |
| غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 01:29 AM |
 Re: غادة نوري .. شكرا جزيلا .. فقد فتحت باب الأمل على مصراعيه | Salah Waspa | 02-06-07, 01:55 AM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 09:20 AM |
 Re: غادة نوري .. شكرا جزيلا .. فقد فتحت باب الأمل على مصراعيه | فيصل نوبي | 02-06-07, 09:53 AM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 10:07 AM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 11:00 AM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 12:15 PM |
| غادة نوري .. شكرا جزيلا .. فقد فتحت باب الأمل على مصراعيه | الفاتح خليل الفكي | 02-06-07, 01:05 PM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 04:05 PM |
| Re: غادة نوري .. شكرا جزيلا .. فقد فتحت باب الأمل على مصراعيه | تماضر الخنساء حمزه | 02-06-07, 04:10 PM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 05:16 PM |
| Re: غادة نوري .. شكرا جزيلا .. فقد فتحت باب الأمل على مصراعيه | عبد المنعم سليمان | 02-06-07, 04:15 PM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 04:48 PM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-06-07, 05:59 PM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-07-07, 08:32 AM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-14-07, 10:32 PM |
| Re: غادة نوري .. شكرا جزيلا .. فقد فتحت باب الأمل على مصراعيه | على عجب | 02-21-07, 03:42 PM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-22-07, 00:59 AM |
| Re: غادة نوري .. شكرا جزيلا .. فقد فتحت باب الأمل على مصراعيه | Raja | 02-22-07, 01:11 AM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-22-07, 02:16 AM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-22-07, 03:34 PM |
| Re: غادة نوري .. شكرا جزيلا .. فقد فتحت باب الأمل على مصراعيه | Raja | 02-22-07, 06:07 PM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-22-07, 07:55 PM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-23-07, 11:09 PM |
| Re: غادة نوري .. شكرا جزيلا .. فقد فتحت باب الأمل على مصراعيه | صالح عبده | 02-24-07, 08:18 AM |
| Re: غادة نوري .. شكرا جزيلا .. فقد فتحت باب الأمل على مصراعيه | وليد محمد المبارك | 02-26-07, 08:03 PM |
|
| |
Raja
فيس بوك
تويتر
انستقرام
يوتيوب
بنتيريست