|
Re: لمــاذا يمتطي البعض صهوة هذا المنبر لكسب العداوات ؟؟ (Re: محمد عمر جبريل)
|
الاخ محمد عمر
بعد السلام
لحــدي هسي أنا عنـدي مشكلة ( How to fit in ) في المنبر دا ... احيانا بتحس بي حاجة كدي ما بتشبـهـــــك ... اهدار للنبل بتاعنا في حاصي الفاضي (برغم ديل اقلية )
اسواء حاجة عندي تشيل وش قباحة مع ســوداني ... ناهيك عن تكسب عداوتو ... ليه وفي طين شــنو نحرق في البن ... عشان القهوة ولا حبـاً في الحريق .. ليه نكون ذي
الجـداد اكال مصارين بعضــو .. وفي مليون موضوع بجمعنـا ... وبعدين دي حاجة اتعلمتها زمان .. ما المهم الطرح بتاعـك المهم الطريقة البتتطرحو بيها بنفس ذات الاهمية
يعني عندي الديمقراطية .. كانت وستظل وسيلة وليست غاية فحقو نستعمل البورد دا ... كوسيلة للحوار بي اسلوب حواري لو ما اقنعتا زميلك تنال علي الاقل احترامو
وتبقي ... الصداقة والزمالة والمحنة مع الزمن ... تاريخ حضور ما بتمحـي ...
تشكر يا اخ محمد عمر علي هذه النافذة علها تجدد هواء البورد و تجيب علي تساؤلات الكثيرين من المحاحيين .
Quote: Re: لمــاذا يمتطي البعض صهوة هذا المنبر لكسب العداوات ؟؟ |
|
|
|
|
|
|
|
|
|