|
Re: نداء عاجل لجميع اللاجئين السودانيين في أو (Re: خضرعطا المنان)
|
بمناسبة الفتة والفول بلد جزمة وبلد باتة وبلد حكموها رباطة وبلد هلكانة تعبانة بلد جاطوها ضباطا الجوا البلد فاتا وجابو البرة قام جاطا بلد والله ما معقول أرخص حاجة فيها الزول وشن الزول ؟ فطورو البوش غداهو جلا وعشاهو بكون بموية فول هو وينو الزول ؟
زول أوجاعو ما بتهدا لو يبلع شريط بندول بلد حكاما دون همة جلابية مكوية ومركوب جلدو نمرية ودقن لكن بدون زمة بلد مليانة بالغلبة بالرمتالة والطلبة
بلد كاشف جنس كشفة وبلد ناشف جنس نشفة عمر ساكت ولا بسأل ومامون باع ليهو مستشفى تبيع مستشفى يا مامون ؟ تضيع ناس ؟ وأولاد ناس ؟ وأرواح ناس ؟ وصحة ناس ؟ وزير قول لي بي ياتو أساس ؟ بلد سايبة وبلد عايبة وبلد نديها ما جايبة وبلد فسدان وفيهو هبوط مئة فنان بلد فيها الفساد الوان ولا نشرح ولا نكتر أكان أصل الفساد كيزان
|
|
|
|
|
|