|
|
 سجيـمان مستشـارا لرئيس الجمهـورية.."مبروك"
|
قدر ما قعدت واتعشمت اني ابقى حاجة في الحكومة... بحكم اني مواطن سوداني كامل الاهلية الوطنية...مافي زول جاب خبري وهببو لي.... قلت انشاء الله ابقى غفير في القصر الجمهوري... واللا يدوني يوم واحد انشحط قدام خشم باب القصر مع المساكين المنشحطين ليهم سنين ديك.... كترو المستشارين والمساعدين للسيد رئيس الجمهورية... الله يكتر منهم ويتمردغو في الميري علي قولة اهلنا المصاروة....الاستاذعلي مهدي الممثل القدير.... الساب الثمثيل وبقى مشغول بشنو ما بعرفو؟؟.... غايتو مرة اشوفو قارن الشنب مع الدقن ومرة اشوف الشنب تخطى الحدود الاقليمية للدقن...ومرة لابس اخدر وحايم ومرة لابس بدلة...خبر وردني عن تعين السيد علي مهدي مستشار ثقافي برئاسة الجمهورية......انشاء الله ربنا يعلي مراتبو.. لكن كمان ما لعن كدي....... اظن السيد الرئيس برضو ح يحتاج لمستشار موسيقي... والموسيقى زاتا خشم بيوت... تبدا من الدلوكة لحدي الاورغن... وكل واحدة في دي دايرة مستشار.... غايتو انا ان ادوني مستشار دلاليك انوم هادئ البال مبسوط للطيش وتكون بيضت لي في قفص.....زمان كنت بحاول اتعلم ادق الدلوكة... ولاسباب لوجستية دمستها.....علي مهدي ممثل بارع.... لكن ما اظنو يكون مستشار بارع...الزول البيشاوروهو دا بيبقى عندو راي في شغلتو الاصلية وقلبو عليها..و اصلها ان بقت الحكومة دايرة تساعد علي مهدي وتتفنجر عليهو كانت تساعدو في انو يحافظ على مستواه في التمثيل ويساعد باقي اخوانو الممثلين الحفيانين ومقطعين ديل.......انا ممكن تجي تشاوريني في انك داير تشتري خروف تضبحو..... لكن تكون ضحكت علي وعلي نفسك لو شاورتني في البورصة وشغلة القروش... اولا دي ما شغلتي وما بعرف فيها وثانيا لانو بيني وبين القروش عداء وتار قديم.... ومافي زول مكجني في الدنيا دي قدر الزول المرسوم في الدولار ابصلعة داك...مسكتي لورقة الدولار يمد ايدو ويدني كف ويقول لي حسي في ظمتك دي انا شبهك.......واللا انت شبهي؟..عامل جيوبك المقددات ديل...." والله ما طالبني حليفة اكتر من تلاتة بناطلين جيوبها مقددة"... شوفلك ورقة ام الف جنية ظبط بها بوش....وان شفتو في ايد زول تاني يمرق لي لسانو ويكاوني....شكيتك علي الله يا ابصلعة يا مضر ونسلك كلو مضرين حسي....يا المكجني يكجنك ربي.....وشحدت الله تقع وقعتن تخلينا نشتري بيك فول الحاجات وندفعك لادبخانات السوق العربي عشان تتهان في الدنيا دي.. يا قليل اللدب يا تغيان...يا الللغبش يا شربان زي جلابتي السرقه الحرامي ديك....
ارجع للمستشارية الثقافية..... بكل صراحة وبقلب قوي علي مهدي غير مؤهل لان يكون مستشار ثقافي والله ما حاسدو ولا داير اقطع رزقو لكن كمان ما داير اقطع رزق البلد من ناس مؤهلين للمنصب دا.... في بلد تعج بالمثقفين واصحاب الفكر....وكان خلااااص ناس رئاسة الجمهورية بقو علي الممثلين.... في ممثلين كتار ممكن يكونو مؤهلين.. عبد الحكيم الطاهر.. محمود سراج....مثلا... والله لو انا عندي ايد في الحيكومة كنت رشحت فايزة عمسيب .. او بلقيس عوض....اما لو ثقافة طُلق ساكت... كنت رشحت الكتيابي... او... د.معز عمر بخيت.... ديل عشان اصحابي وبرضو ناس مؤهلين للمركز ويمكن يتوسطو لي القى لي وظيفة اكل منها عيش....... بدل الشلهتة والبشتنة الانا فيها دي....الخلت عيني حمرا علي الخليج بعد ما قلت ختيت لو القدرو....
|
|
 
|
|
|
|
|
| العنوان |
الكاتب |
Date |
| سجيـمان مستشـارا لرئيس الجمهـورية.."مبروك" | سجيمان | 03-16-07, 08:46 PM |
| Re: سجيـمان مستشـارا لرئيس الجمهـورية.."مبروك" | الفاتح يسن | 03-17-07, 00:24 AM |
| Re: سجيـمان مستشـارا لرئيس الجمهـورية.."مبروك" | سجيمان | 03-17-07, 02:33 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-21-07, 05:24 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-21-07, 10:38 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-23-07, 09:09 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-23-07, 10:23 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-26-07, 08:50 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-29-07, 10:20 AM |
| Re: سجيـمان مستشـارا لرئيس الجمهـورية.."مبروك" | سجيمان | 03-29-07, 07:28 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-17-07, 09:40 AM |
| Re: سجيـمان مستشـارا لرئيس الجمهـورية.."مبروك" | Dr. Moiz Bakhiet | 03-17-07, 01:34 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-17-07, 07:21 PM |
| Re: سجيـمان مستشـارا لرئيس الجمهـورية.."مبروك" | عاصم ابوبكر حامد | 03-17-07, 01:43 PM |
| Re: سجيـمان مستشـارا لرئيس الجمهـورية.."مبروك" | Sobajo | 03-17-07, 04:07 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-20-07, 10:06 AM |
| Re: سجيـمان مستشـارا لرئيس الجمهـورية.."مبروك" | سجيمان | 03-17-07, 09:09 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-18-07, 02:03 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-18-07, 08:50 AM |
| Re: سجيـمان مستشـارا لرئيس الجمهـورية.."مبروك" | سجيمان | 03-19-07, 07:03 PM |
| Re: سجيـمان مستشـارا لرئيس الجمهـورية.."مبروك" | الأمين عثمان صديق محمد | 03-20-07, 06:53 AM |
| Re: سجيـمان مستشـارا لرئيس الجمهـورية.."مبروك" | سجيمان | 03-20-07, 03:39 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-20-07, 09:01 PM |
| Re: سجيـمان مستشـارا لرئيس الجمهـورية.."مبروك" | Ahmed Abdallah | 03-20-07, 09:18 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-27-07, 09:00 AM |
| Re: سجيـمان مستشـارا لرئيس الجمهـورية.."مبروك" | سجيمان | 03-22-07, 08:06 PM |
| Re: سجيـمان مستشـارا لرئيس الجمهـورية.."مبروك" | مصدق مصطفى حسين | 03-23-07, 10:45 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-24-07, 09:45 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-25-07, 02:22 PM |
| Re: سجيـمان مستشـارا لرئيس الجمهـورية.."مبروك" | محمد احمد سنهورى | 03-23-07, 11:44 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-27-07, 12:35 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-25-07, 09:18 PM |
| Re: سجيـمان مستشـارا لرئيس الجمهـورية.."مبروك" | محمد احمد سنهورى | 03-27-07, 06:39 PM |
 Re: سجيـمان مستشـارا لرئيس الجمهـورية.."مبروك" | فاروق حامد محمد | 03-29-07, 08:54 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-29-07, 10:51 PM |
| Re: سجيـمان مستشـارا لرئيس الجمهـورية.."مبروك" | سجيمان | 03-31-07, 04:54 PM |
| Re: سجيـمان مستشـارا لرئيس الجمهـورية.."مبروك" | سجيمان | 04-02-07, 06:39 AM |
| Re: سجيـمان مستشـارا لرئيس الجمهـورية.."مبروك" | صديق الموج | 04-02-07, 07:14 AM |
| Re: سجيـمان مستشـارا لرئيس الجمهـورية.."مبروك" | Abd-Elrhman sorkati | 04-02-07, 01:27 PM |
|
| |
سجيمان
فيس بوك
تويتر
انستقرام
يوتيوب
بنتيريست