|
|
 Re: اها ياجماعة انا مغتربة ولميت القروش وجاهزة للعرس (Re: nasmah1981)
|
اها دي القصة كااااااااملة
أول شئ عملته بعدما كملت الجامعة فكرت في الإغتراب لأني عارفة وراي حاتكون هموم الحياة والعرس وتكوين اسرة وتربية عيال، اها جيت السعودية واشتغلت شغل السواد وجريت جري الوحوش ولميت الريالات وحسع مستعدة للعرس.
رسلت لي ابوي يجهز العريس وقال لي اصلو دي مامشلكة يابتي عشان الاولاد راقدين ومالاقيين عروس تمرقهم من هموم الدنيا بس انتي جهزي شيلة العريس، اها قمت مشيت سوق باب شريف وماخليت شئ، خمج شديد، اشتريت شيلة العريس من جلاليب وعراريق وطواقي للعريس وون مان شو الهلال رشو ولي الافترشيف وأمواس ومعجون الحلاقة جبتهم.
ضربت لي ابوي وقلت ليه اها انا جاهزة انت لقيت العريس؟ قال لي انتي كان جيتي ومشيتي ليك عرس وااااحد بس بتلقي ليك عريس ود ناس ومؤدب ومستور، قلت ليه يابوي انا مابقدر اجي انتو شوفوا الولد وكان لقيتوه رسلوا لي الصور وانا كان عجبني بديكم رايي وانتو تعقدوا من هناك وترسلوه لي وانا في المطار بعرفه بالصور.
اها رسلوا لي صور لي كم ولد من اولاد الحلة ورشحوهم لي قالوا اولاد ناس ومن الجامعة للبيت ومن البيت للجامعة وهديين ورضيين ويومهم كله في المطبخ بيساعدوا في ابواتهم ومابيمرقوا من البيت الا مع اهلهم، المهم لقيت الأولاد صورهم حلوة ولابسين لبس حشمة فاخترت منهم اتنين وقلت لي اهلي اسالوا من اهلهم ولو عاوزين يكملوا قرايتهم قبل العرس وكده.
قالوا واحد من الاولاد قال ماعندو مشكلة موافق على العرس وممكن يواصل الدراسة وهو عريس، وانا قلت ليهم انا مابتوقف في الموضوع دا وبديه كامل حريته عشان يواصل دراسته ولو جبنا اطفال بساعده في تربيتهم وفي شغل البيت من طبيخ وغسيل عدة لحدي مايكمل دراسته رغم ظروف الشغل هنا دوامين وجري وبجي البيت هلكانة.
المهم ادوني تلفون اهل الولد قالوا عشان اتعرف بيه وفعلاً اتصلت بوالدته ووالده وسلمت عليهم وقلت ليهم عاوزة اتكلم معاه لو ممكن، قالوا لي والله يابتي نحن مابنحبذ المسألة دي خالص لكن انتي بت ناس واهلك ناس سيرتهم سيرة محترمة فبنديك تتعرفي بيه .
انا طبعاً لقيت الولد ده سمح شديد في الصورة وقلت اركز عليه هو عشان ده اهم شئ طبعاً، عشان مااجيب لي راجل يضحك فوقي الناس ويقولوا بعد فصاحتها دي كلها وفلسفتها دي مشت عرست ليها راجل وشو ينعل قفاه، فقلت اشوف طريقة كلامه واسلوبه عشان مايكون كمان تور الله الانطح ويضحك فوقي الناس.
اتكلمت معاه وانا شايلة صورته واعاين لي سماحته واقول ليه في الكلام السمح واغازل فيه، صوتك حلو، عيونك جميلة، انا من زمان بحلم براجل سمح زيك كده، وهو همه كله في القراية ويسأل فيني، انتي متأكدة موضوع اني اكمل دراستي دا مامشكلة بالنسبة ليك؟ وانا طبعاً بيني وبينكم ناوية ليه على نية، قراية شنو كمان البيكملها؟ انا بس قلت اتم الموضوع باي شكل ولما يصلني هنا بعرف امشيه على مزاجي زي ماكل النسوان بيعملن.
قلت ليه بالعكس، انا من انصار انه الولد يكمل دراسته قبل الزواج وحتى لو اتزوج يكمل دراسته وعشان كده انا ذاتي حااساعدك واقيف جنبك بس انت اهم شئ هسه تقول لي رايك عشان انا مستعجلة شوية في موضوع العرس ده، واحتمال ينقلوني لمدينة تانية ووظيفة جديدة فعاوزاك تكون معاي عشان نختار عفش بيتنا وحاجاتنا كلها مع بعض، ولا انت رايك شنو؟
قال لي والله انا من حيث المبدا ماعندي مانع خصوصاً اني عرفت انك من عائلة كويسة ووظيفتك في السعودية محترمة وانك مع فكرة اكمال تعليم الرجل دي، وكمان عرفت انك جاهزة من كل النواحي واظن ده بيوفر علينا وقت طويل، فماعندي مانع.
قلت ليه خلاص انا بتكلم مع امك وابوك وبتصل باهلي برضو عشان يكملوا المسائل دي بسرعة عشان اقوم اعمل ليك اجراءات الاستقدام عشان بتاخد ليها زي شهرين تلاتة كدي وبتصل بيك عشان نتفق على التفاصيل، يلا اديني الوالدة اتكلم معاها، قال لي كويس واداني امه وسمعت صوته بيتكلم مع ابوه وبعد شوية سمعت صوت زغرودة من ابوه وفهمت انه فرح عشان ولده وافق.
المهم قلت لي امه تتصل بي امي عشان التفاصيل عشان انا مستعجلة، وقفلت منهم واتصلت بي ناس بيتنا وقلت ليهم شوفوا انا ماعاوزة جوطة وصرف في الفاضي انا برسل ليكم الشيلة دي وتشوفوا ليكم اي ولد من اولاد الحلة يغني في حفلة دكاكينية كده وتتموا الموضوع باي طريقة سريع سريع ولو حسيتوا انه اهل العريس عاوزين يبالغوا وروهم اني عندي كم زول اترشحوا لي واني مستعجلة.
وفعلاً اهل الولد طبعاً حسوا اني عروس لقطة وخافوا الولد يبور وسدوا دي بي طينة ودي بي عجينة ورضوا بالمقسوم وعقدوا في صمت وبدون صرف، رغم اني كنت سامعة من اخوي انه الولد كان بيحلم بجلابية زفاف وسيرة وزفة ورقيص عريس زي حق عمر البشير البيعملوا داك، لكن في النهاية رضى بالمقسوم واتوكل على الله وقال اخير اعرس ولا اقعد احلم واطير العروس خالص من يدي واقعد اندم زي اولاد كتيرين.
اها بعد مااتفقنا على التفاصيل والاهل رضوا بالمقسوم حددنا التواريخ للعقد وقلنا حفلة الدخلة ممكن نعملها في وقت تاني لمن الظروف تسمح. ورسلت ليهم توكيل من قنصليتنا في جدة بعدما سلوا روحي وحققوا معاي التقول مجرمة مازولة بدفع ضرائب وبطلب عمل شئ من ابسط حقوقي كمواطنة.
الجماعة في السودان عملوا العقد وبقيت عروس رسمي بس ماشعبي وسكيت موضوع الاستقدام عشان اجيبه السعودية، وطبعاً مع الجري الشديد والصرف والمشغوليات بقيت مابقدر اتصل كتير، اها هو بقى يتصل ويقول لي مالك انتي بقيتي مابتتصلي ومابتقولي لي كلام حلو زي الكنتي بتقوليه لي ايام التعارف؟ ومالك بقيتي مابتشتاقي لي؟ وقدر ماحاولت اشرح ليه الظروف كان بيقول لي برضو مهما كانت الظروف يعني اكيد بتلقي ليك خمسة دقايق تتصلي بي فيها.
اها انا بيجاي قمت فتشت لي شقة براي عشان كنت ساكنة مع مجموعة طبعاً ولقيت لي شقة من غرفة وصالة وحمدت الله عشان الايجارات هنا مرتفعة شوية لو البيوت كبيرة، ومشيت الحراج محل بيع اغلب الاشياء المستعملة اشتريت لي عفش معقول وفرشت البيت بما تيسر، وقلت اخلي عدة المطبخ لمن هو يجي عشان يختار براه الشئ البناسبه.
المهم مرت فترة الاستقدام وادوه الفيزا وقطعت ليه التذكرة بالخطوط السودانية ناقلنا الوطني لانها ارخص من الخطوط السعودية طبعاً وحجزت ليه واخيراً جات لحظة اللقاء المنتظر وشلت الصورة وحفظت تقاطيع وشه سممممممح ومشيت المطار، بقيت اعاين لوشوش القادمين زي الرايح لي شئ واقول بري ده ماهو ده ابيض وده اسود، ده طويل وده قصير، لغاية ماشفت الجلابية واللبسة بتاعة باب شريف المابتغباني وعرفته ده زولي.
رفعت ليه يدي من وسط الناس وشفته مسكين مع الخجل وشيل الشنطة كل شوية الشال يقع من كتفه ويخت الشنطة يقيف يرفعه في كتفه ويصلحه ويدنقر يجر الشنطة تاني، لمن وصلني وسالمني وسالمته وباركت ليه قلت ليه مبروك علي انت، ضحك بي خجل وقال لي الله يبارك فيك، ومرقنا من المطار وركبنا لينا ليموزين على قولة ناس السعودية واتجهنا على الشقة.
جينا البيت وبدينا اخيراً الحياة الزوجية الكاسرين الناس رقبتهم عشان يعيشوها، زارونا زميلاتنا في البيت وبعض السودانيين المعارف والجيران وباركوا لينا، ومشينا السوق اشتريت العدة للمطبخ والملايات واكياس المخدات والذي منه، وبدينا النقنقة من اول ايام في السوق يقول لي الحاجات دي ماسمحة وحاجات رخيصة وهايفة ساي ولو في مراده يشريني الحاجات الغالية السماها اصلية.
بعد اسبوع قعدة في البيت ولاحظوا انا ماعندي اجازة اها قمت نزلت الشغل وبقيت كل مااجي البيت من الشغل القاه بس قاعد يتبكى اها انا انخلع واقول الحصل شنو ياربي ولما اساله يقول لي مافي شئ ولما اقول ليه مافي شئ كيفن مالك بتبكي؟ يقعد يقول لي انا بس كنت متخيل نقعد مع بعض اكتر شوية قبل ماتنزلي الشغل، ومرات يقول هو بس عشان مافارق اهله خالص من صغير ومشتاق ليهم ومرات يقول حاسس اني بعيدة منه.
اها انا بقيت ازهج من جنس الدلع ده ومااستحمل كل يوم بكاء ودموع ودلع وقلة ادب وبقيت اقعد احاول افهمه اني ماعندي اجازة عشان اقعد معاه في البيت اكتر وانه الشغل هنا مابيرحم وانه مفروض يتبسط عشان انا قعدت معاه اسبوع كامل في البيت، وافهمه انه الحياة كده وانه مفروض يستحمل بعده من اهله ويتفرغ لحياته الزوجية، وافهمه برضو انه انا مابعيدة منه.
البيت بقى يزهج من النكد والموبايل كرهته من كترة اتصالاته بي والسؤال، اها جاية متين؟ ماممكن نطلع لما تجي راجعة البيت؟ ممكن تجيبي معاك الشئ الفلاني؟ المكيف ده فوقه مشكلة، الخ... كرهت حياتي من اول شهر وكرهت العرس القايلاه بيريح بالي، وبقيت اجي القاه بس ماسك التلفون، يابيتكلم مع واحد من ازواج السودانيات الهنا الدخلوا علينا وبقوا اصحاب متين مابعرف، ياالقاه ضرب لي اهله يتونس معاهم.
النصيحة انا زهجت من الدلع ده وفصلت تلفون البيت عشان الفواتير كمان ماتعمل لينا هم جديد، وطوالي سالني التلفون ده ماله كضم؟ وقلت اتكلم معاه عشان يفهم الظروف كان يخلي الدلع وعدم المسئولية ده شوية. اها قعدت معاه وقلت ليه التلفون مابنقدر على فواتيره عشان كدي انا قطعته وانه البلد دي مابلد ابوي واني جيت واغتربت عشان نصلح ظروفنا ونرجع بلدنا، وانه لازم يخلي الكلام الكتير في التلفون ده.
قعد يرمي في دميعاته ويقول لي دي ماحياة اصلها وانه بيصحى معاي الساعة خمسة الصباح وانه بعد ماامشي الشغل بيقوم ينضف البيت كله وده بياخد منه وقت طويل وبيغسل العدة والهدوم وبيبدا في عمل الغدا عشان عارفني برجع البيت زي الساعة اتنين وبمرق تاني لدوام المساء زي الساعة خمسة، وانه لما يخلص من الحاجات دي بيكون زهج من الوقفة طول اليوم ومافي زول ينضم معاه كلمة واحدة وقعدة البيت ليه براه بين اربعة حيطان قال حارة شديد عشان كده بيتكلم مرات في التلفون.
وقال ماهو البيضرب كل المرات وانه مرات راجل فلانة هو البيضرب ليه وبيتونسوا، وانه ماقاعد يضرب لي اهله الا مرة واااااحدة كل اسبوعين وبقينا في غلاط انا اقول ليه هسه انت يوم الجمعة الفات ماضربت ليهم وهو يقول لي ااااي لكن ده ماعشان ابوي كان راقد عيان وغلاط ونقة وكل مانتناقش يقول لي حسع انتي مالك بتكوركي فيني؟ والله بيني وبينكم كرهته وكرهت وشه وبقيت كان في طريقة البيت ذاته مااجيه بين الدوامين من عيشة النكد دي وعدم الفهم وعدم الاحساس ده.
اها بعد داك دورنا اسطوانة جديدة وانا قلت اكيد دي من راس راجل فلانة ، بقى يقول لي انتي قلتي انا ممكن اواصل دراستي وانا اقول ليه انا قدمت اوراقك وراجية الرد والناس ديل مابيردوا بالساهل اخير تصبر، اها بقى يقول لي خلاص طيب انا عاوز ذاتي اشوف لي شغل عشان قعدة البيت صعبة وعشان اساعدك انتي ذاتك. واريته ماقال الكلمة دي خلاني انفجر واطلع الحابساه جواي كله من زهجي منه.
قلت ليه والله ياها دي الفضلت انا اتعب اليوم كله في الشغل واجي البيت عشان اخت راسي وارتاح ساعتين واكل لي شئ قبل ماامرق تاني اها اجي كمان القاك انت شغال ولا بتقرا وسايب البيت لا نضافة لا اكل اصله هي القصة كان كدا انا معرساك ليه؟ اسمع ياراجل من الليلة تشيل من راسك فكرة الدراسة دي خالص وماعاوزاك تاني تقول لي عاوز تشتغل واهلك واصحابك ديل كان هم البيملوا ليك راسك بالافكار دي ذاتك تاني ماتتصل بيهم الا مرة في الشهر وقدامي.
اها من اللحظة الوريته فيها العين الحمراء كترت الدموع لكن بقى مابيقول لي اصله بيبكي ماله، بقى الكلام بيناتنا ذاتو بالقطارة وريحني بيني وبينكم من النقنقة ووجع الراس لكن كمان انا المسخرة وقلة الادب مابتنفع معاي كيفن يعني يقعد ساكت وكل ماسالته سؤال يرد علي من طرف نخرتو زي الانا خدامة عنده؟؟
اها اقروا الكلام ده واحكموا براكم على البقت علي انا القلت ارتاح بالعرس وانتظروا اكتب ليك الجزء الجاي وشوفوا جنس الظلم الاتظلمته.
اها بعد الكلام ده كله بقت اسطوانة داير اقرا اسطوانة يومية وانا زولةً عنيدة وعشان كدي اي زول راسه قوي وداير يمشي كلامه ورايه علي مابينفع معاي اصله فقفلت ليه كل الابواب دي وقلت ليه تاني لو قلت دراسة ماتلومني في اي تصرف. اها ضربت لي امه وقالت لي الولد ده قال في بيناتكم شوية عدم تفاهم يااولادي، والحياة دي محتاجة صبر وخصوصاً انتو في الغربة. قلت ليها شوفي ياحاجة لو ماعاوزاني اتلوم معاك ارجوك تاني ماتتدخلي في امور حياتنا الشخصية وزهجت منها وقفلت ليها الخط في وشها من الزهج.
اها اليوم داك ماخليته ينوم من الدروس الاديتها ليه عشان بيحكي بامور حياتنا للناس، وقال لي انا ماحكيت لي زول غير امي والسبب انك اصلك مابتسمعيني وانك زولة متسلطة وانا لو عارف حياتنا كده ماكنت اتزوجتك، وهسه نحن ناس متزوجين لينا شهور اصلك وقت مادايراني اكمل دراستي ولا رضيانة اشوف لي شغل ليه ماحصل قلتي لي دايرة اولاد ولا مادايرة. قلت ليه اصله موضوع الاولاد ده ماتتكلم فيه تاني، انا جيت هنا اكون نفسي ومامتفرغة هسه لصرف على اولاد ولا لتربية اولاد، بس والبكاء بدا.
طبعاً بعد ده بقى ده موضوعنا الجديد الاولاد والولادة وطوالي في لحظة زهج من النقة قلت ليه لو عاوز اولاد امشي الديهم انت براك، ومن اليوم داك بقينا لا انا لا هو طايقين وشوش بعض، وبقيت اقضي يومي كله بره ولما اجي البيت بس اقرا الجرايد، لامن يوم جيت البيت لقيته قال عاوز يرجع السودان وعاوز الطلاق وطوالي بدون ماافكر مشيت قطعت ليه تذكرة السفر للسودان الدايره ده وحجزت ليه وسفرته في ظرف ايام.
اها ولي حسع اهله يضربوا لي في التلفونات عشان نتم الاتفاق على موضوع الطلاق وبقيت مابرد عليهم ذاتي ومخلياه معلق ماعارف روحه لسع معرسني ولا طليقي ولا يسمي روحه شنو، وانا مافارقة معاي وقت اصله الموضوع بتاع العرس ده موضوع شراء وبيع اها لميت القروش تاني وحسع خلاص دايرة اشتري لي عريس جديد غيره.
يلا ياجماعة الحشاش يملا شبكته.
ايمان
|
|
 
|
|
|
|
|
| العنوان |
الكاتب |
Date |
| اها ياجماعة انا مغتربة ولميت القروش وجاهزة للعرس | إيمان صالح | 11-08-05, 04:31 PM |
 Re: اها ياجماعة انا مغتربة ولميت القروش وجاهزة للعرس | على احمد على | 11-08-05, 04:41 PM |
| Re: اها ياجماعة انا مغتربة ولميت القروش وجاهزة للعرس | Hussein Mallasi | 11-08-05, 04:44 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 04:59 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 09:43 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-10-05, 07:33 AM |
 Re: اها ياجماعة انا مغتربة ولميت القروش وجاهزة للعرس | إيمان صالح | 11-12-05, 02:48 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-12-05, 02:51 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-13-05, 05:03 AM |
| Re: اها ياجماعة انا مغتربة ولميت القروش وجاهزة للعرس | ضرغام حسن ابو نورا | 11-26-05, 03:26 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 04:52 PM |
| Re: اها ياجماعة انا مغتربة ولميت القروش وجاهزة للعرس | Kostawi | 11-08-05, 04:54 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 05:05 PM |
| Re: اها ياجماعة انا مغتربة ولميت القروش وجاهزة للعرس | محمد عيد الله | 11-08-05, 04:53 PM |
| Re: اها ياجماعة انا مغتربة ولميت القروش وجاهزة للعرس | الخير محمد عوض | 11-08-05, 05:00 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 05:21 PM |
| Re: اها ياجماعة انا مغتربة ولميت القروش وجاهزة للعرس | محمد الامين محمد | 11-10-05, 08:05 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-10-05, 01:16 PM |
| Re: اها ياجماعة انا مغتربة ولميت القروش وجاهزة للعرس | القلب النابض | 11-08-05, 05:02 PM |
| Re: اها ياجماعة انا مغتربة ولميت القروش وجاهزة للعرس | bint_alahfad | 11-08-05, 05:17 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 05:54 PM |
| Re: اها ياجماعة انا مغتربة ولميت القروش وجاهزة للعرس | عبدالماجد فرح يوسف | 11-08-05, 05:19 PM |
 Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 05:59 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 05:41 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 05:11 PM |
| Re: اها ياجماعة انا مغتربة ولميت القروش وجاهزة للعرس | Ahmed Abdallah | 11-08-05, 05:14 PM |
 Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 06:09 PM |
| Re: اها ياجماعة انا مغتربة ولميت القروش وجاهزة للعرس | saadeldin abdelrahman | 11-08-05, 05:21 PM |
| Re: اها ياجماعة انا مغتربة ولميت القروش وجاهزة للعرس | bint_alahfad | 11-08-05, 05:28 PM |
 Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 06:30 PM |
 Re: اها ياجماعة انا مغتربة ولميت القروش وجاهزة للعرس | القلب النابض | 11-08-05, 05:34 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-08-05, 06:22 PM |
| Re: اها ياجماعة انا مغتربة ولميت القروش وجاهزة للعرس | saadeldin abdelrahman | 11-08-05, 07:46 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:07 AM |
| Re: اها ياجماعة انا مغتربة ولميت القروش وجاهزة للعرس | saadeldin abdelrahman | 11-09-05, 07:55 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-10-05, 07:38 AM |
| Re: اها ياجماعة انا مغتربة ولميت القروش وجاهزة للعرس | saadeldin abdelrahman | 11-10-05, 05:37 PM |
| Re: اها ياجماعة انا مغتربة ولميت القروش وجاهزة للعرس | Eng. Mohammed al sayed | 11-09-05, 06:56 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:07 AM |
| Re: اها ياجماعة انا مغتربة ولميت القروش وجاهزة للعرس | saadeldin abdelrahman | 11-08-05, 05:40 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:09 AM |
| بسم الله | عبدالماجد فرح يوسف | 11-08-05, 06:14 PM |
| Re: بسم الله | إيمان صالح | 11-09-05, 10:10 AM |
| Re: اها ياجماعة انا مغتربة ولميت القروش وجاهزة للعرس | كوليل | 11-08-05, 06:19 PM |
| Re: اها ياجماعة انا مغتربة ولميت القروش وجاهزة للعرس | القلب النابض | 11-08-05, 06:36 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:13 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:12 AM |
| Re: اها ياجماعة انا مغتربة ولميت القروش وجاهزة للعرس | Elmuez | 11-08-05, 06:41 PM |
| Re: اها ياجماعة انا مغتربة ولميت القروش وجاهزة للعرس | bint_alahfad | 11-08-05, 08:39 PM |
| Re: اها ياجماعة انا مغتربة ولميت القروش وجاهزة للعرس | saadeldin abdelrahman | 11-08-05, 08:58 PM |
| Re: اها ياجماعة انا مغتربة ولميت القروش وجاهزة للعرس | عاصم محمد شريف | 11-08-05, 09:22 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:20 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:19 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:16 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:15 AM |
| Re: اها ياجماعة انا مغتربة ولميت القروش وجاهزة للعرس | Hisham Amin | 11-08-05, 09:02 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:23 AM |
| Re: اها ياجماعة انا مغتربة ولميت القروش وجاهزة للعرس | صديق الموج | 11-08-05, 09:27 PM |
| Re: اها ياجماعة انا مغتربة ولميت القروش وجاهزة للعرس | saadeldin abdelrahman | 11-08-05, 09:46 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:31 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:28 AM |
| Re: اها ياجماعة انا مغتربة ولميت القروش وجاهزة للعرس | Mohamed Adam | 11-08-05, 09:55 PM |
| Re: اها ياجماعة انا مغتربة ولميت القروش وجاهزة للعرس | Abureesh | 11-08-05, 10:09 PM |
| Re: اها ياجماعة انا مغتربة ولميت القروش وجاهزة للعرس | عاصم محمد شريف | 11-08-05, 10:30 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:38 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:36 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:34 AM |
| Re: اها ياجماعة انا مغتربة ولميت القروش وجاهزة للعرس | abas | 11-08-05, 10:14 PM |
| Re: اها ياجماعة انا مغتربة ولميت القروش وجاهزة للعرس | محمد عيد الله | 11-08-05, 10:39 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:41 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 10:40 AM |
| Re: اها ياجماعة انا مغتربة ولميت القروش وجاهزة للعرس | domdom | 11-08-05, 10:35 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 02:43 PM |
| Re: اها ياجماعة انا مغتربة ولميت القروش وجاهزة للعرس | luai | 11-08-05, 10:58 PM |
| Re: اها ياجماعة انا مغتربة ولميت القروش وجاهزة للعرس | عبدالرحمن عبدالله أبوشيبة | 11-08-05, 11:17 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 02:49 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-13-05, 05:38 AM |
| Re: اها ياجماعة انا مغتربة ولميت القروش وجاهزة للعرس | عنيده | 12-03-05, 02:53 AM |
| Re: اها ياجماعة انا مغتربة ولميت القروش وجاهزة للعرس | ABDELDIN SALAMA | 11-16-05, 12:17 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 02:47 PM |
| Re: اها ياجماعة انا مغتربة ولميت القروش وجاهزة للعرس | عبدالماجد موسى | 11-12-05, 03:33 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-12-05, 03:56 AM |
| Re: اها ياجماعة انا مغتربة ولميت القروش وجاهزة للعرس | محمود بكر | 11-13-05, 01:55 AM |
| Re: اها ياجماعة انا مغتربة ولميت القروش وجاهزة للعرس | Emad Abdulla | 11-08-05, 11:20 PM |
| Re: اها ياجماعة انا مغتربة ولميت القروش وجاهزة للعرس | nashaat elemam | 11-09-05, 00:15 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 02:53 PM |
| Re: اها ياجماعة انا مغتربة ولميت القروش وجاهزة للعرس | nazar hussien | 11-09-05, 00:18 AM |
| Re: اها ياجماعة انا مغتربة ولميت القروش وجاهزة للعرس | saif massad ali | 11-09-05, 01:01 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 02:59 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 02:56 PM |
| Re: اها ياجماعة انا مغتربة ولميت القروش وجاهزة للعرس | عبدالله وداعه الامين | 11-09-05, 09:27 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-10-05, 07:46 AM |
| Re: اها ياجماعة انا مغتربة ولميت القروش وجاهزة للعرس | showgi idriss | 11-10-05, 01:21 PM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 02:51 PM |
| Re: اها ياجماعة انا مغتربة ولميت القروش وجاهزة للعرس | عمر الفاروق | 11-09-05, 00:58 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 03:01 PM |
| Re: اها ياجماعة انا مغتربة ولميت القروش وجاهزة للعرس | abas | 11-09-05, 01:18 AM |
| Re: اها ياجماعة انا مغتربة ولميت القروش وجاهزة للعرس | محمد حامد جمعه | 11-09-05, 01:23 AM |
| Re: اها ياجماعة انا مغتربة ولميت القروش وجاهزة للعرس | دورنقاس | 11-09-05, 01:32 AM |
| Re: اها ياجماعة انا مغتربة ولميت القروش وجاهزة للعرس | إيمان صالح | 11-09-05, 03:11 PM |
| Re: اها ياجماعة انا مغتربة ولميت القروش وجاهزة للعرس | ابوبكر يوسف إبراهيم | 02-15-07, 07:15 AM |
|
| |
إيمان صالح
فيس بوك
تويتر
انستقرام
يوتيوب
بنتيريست