|
Re: بالله شوفوا تعليـق السوداني ده !!! (Re: Elhadi)
|
ما هي المشكلة يا الهادي يا اخوي انو ادا نفسو الحق الكامل في احتكار المعلومات. اول شي انو شمالي وله جنوبي دي بالجد شكلها نظام عاينو لي انا الشمالي بقول شنو. شكلها اصلو ما مبرر. لأنو الشمالي زاتو أسود بالنسبة للعرب. لا بنخجل من لونا لا شايفنو عيب. انا مقتنع تماما - و انا شمالي - اني انا حمور زيادة ده عربي .. لكن أسود. الناس ديل لمن شتموهم ما قالو ليهم يا المن غرب السودان .. قالوا ليهم يا سود. فالسواد ده لاحقنا كلنا. فشمالي ما حالاهو و اكيد حيكون عارف كده. اها بعد داك قام يفتي انو اغلبم من جنوب و غرب السودان .. أموت و اعرف دي عرفا كيف ؟ ياخ من قرية بكبول الصغيرة الجمبنا في شمال السودان في عشرات الشباب شغال في لبنان دي. من وين ليو انو الناس دي جنوبية او غرابية ؟ بعد داك شنو عملاء و جواسيس .. عملاء لمنو و جواسيس لمنو ؟ طالما انهم من السودان فمعناها ديل عملاء للسودان في لبنان. هسه في داعي يطلب من الامن اللبناني يتشدد من ابطال الوطن البيتجسسو على لبنان ديل ؟ واضح انو هو ماشي لحتة انهم لاجئين و ده الوصف الراتب للاجئ انو عميل و جاسوس. رغم انو الجاسوس ده بكون قاعد في البلد الداير يتجسس عليها. يعني مافي جاسوس امريكي بيمشي يرطب في امريكا اثناء الخدمة. و مرات بعد الخدمة زاتو.
الشي الاخير انو الناس دي لمن انضربت ما انضربت عشان الاقامات .. ديل انضربو قبل يشوفو اقاماتم. ثم في ياتو قانون او دين او عرف الما عندو اقامة بيدقوهو و يقولو ليو يا اسود و يعفصوهو بالرجلين ؟ ياخ دي ما كانت اقامة دي.
ياخ الزول ده ... الزول ده مؤلم ياخ.
|
|
|
|
|
|
|
العنوان |
الكاتب |
Date |
بالله شوفوا تعليـق السوداني ده !!! | Elhadi | 06-21-10, 05:39 AM |
Re: بالله شوفوا تعليـق السوداني ده !!! | Abureesh | 06-21-10, 05:50 AM |
Re: بالله شوفوا تعليـق السوداني ده !!! | Elhadi | 06-21-10, 06:35 AM |
Re: بالله شوفوا تعليـق السوداني ده !!! | حمور زيادة | 06-21-10, 06:47 AM |
Re: بالله شوفوا تعليـق السوداني ده !!! | Barakat Alsharif | 06-21-10, 06:52 AM |
Re: بالله شوفوا تعليـق السوداني ده !!! | Elhadi | 06-21-10, 07:28 AM |
Re: بالله شوفوا تعليـق السوداني ده !!! | حمور زيادة | 06-21-10, 07:52 AM |
Re: بالله شوفوا تعليـق السوداني ده !!! | Elhadi | 06-21-10, 08:03 AM |
Re: بالله شوفوا تعليـق السوداني ده !!! | Barakat Alsharif | 06-21-10, 10:58 AM |
Re: بالله شوفوا تعليـق السوداني ده !!! | الطيب رحمه قريمان | 06-21-10, 11:13 AM |
|
|
|