جاليه لاجيء( سان كاثرين )والتطبيع مع (سفارة النظام) الذي ادعوا فرارهم من بطشه!

Quote: عزالدين اخوى سلامات نعم ياسيدى مافى خلاف انو فى ناس عانت من الحكومه ،بس ده ما معناه انو يقاطع اهله وبلده وناسه ويخليها بهذه الصورة الانهزاميه ،والسياسه ياعزالدين مع اتجاه واحد بس كده ،تقوم تسل لسانك على النظام الحاكم ولاى زول قال ليهم السلام عليكم ،مصطفى سيد انسان قائم بى ذاتو وهو مسئول على هو عمله ،اما عن قصتى ملفقه ولا مدوره مابيخص زول ،نعم دخلت بى تكسى ياعزالدين وخلقت لى قصه وهميه عشان اقدر اجيب اولادى والذينا كتير ماعندهم حد وانت واحد منهم ياعزالدين ومافى داعى يااخوى الاشهار بالناس الانت واولادك عشت معاهم وشاركتهم الافراح والاتراه وكنت مدرب فريقهن لمده طويله جدا وكنت عضو فى الجاليه وربما مازلت لانى شفت اولادك فى الحفله وقعدت هنا مده غير قصيره وانت منتظر قرار المحكمه وماخليت شيك طائر ،لغاية ماربنا فتحها عليك ولقيت شغلانه فى السودان ،اسلوبك ياعزالدين اسلوب غير حضارى ولااسلوب سودانيين ،ومافى داعى تجى تكب اسرار الناس بالتعرفه وماتعرفه . لامن قمت بتعبئة الناس ضد قرار المحكمه الدوليه ،ماكان عشان انا كوز ولاكبايه لا ,فقط الشعور بالاهانه ولاننى اعتبرت ان القرار اهانه للشعب السودانى ومازلت مقتنع تماما بان رئيس الدوله المنتخب من شعبنا الابى ،ليس مجرما وبعتبر محاولة محاكمته وراها اجنده صهيونيه خفيه ليست فقط قضية دارفور ،وياترجى اختى انتى لودايره قصتى الاقنعت بيها هيئة القضاء ممكن انزلها ليك هنا وهى قريبه من قصة ود خالتى المرحوم على عبد القادر عليه الرحمه ،وفى الختام ارجو الكف عن اثارة الفتن والبلبله المابيخدم اى قضيه تحياتى Quote: الاخ خيري السلام عليكم اقول ليك عمر البشير تقول لي اهله وبلده وناسه مشكلتك محدودية افقك وعدم استيعابك للانا كتبته يعني لم تقرأه بتمعن..انا لم اقل انني سياسي انا مواطن سوداني لي حق في بلدي منعني من حقوقي دي عمر البشير ومن لف لفه مثل الهالك مجذوب الخليفه.. اتسجنت واتعذبت واضطهدت وفصلت من عملي للصالح العام وحينها كنت مفتش في قسم تحقيق حوادث الطائرات ثم حوربت في رزقي بعد ما اشتغلت في شركة طيران عمل جهاز الامن على ان افصل منها ثم عملت في اخرى فما كان منهم الا ان استدعوني وبلغوني قرار اني ممنوع من دخول المطار وتجي انت تقول اني زي الماعندهم حد دخلوا بي قصص ملفقه ياخي اختشي..اما حكاية الشيك الطاير دي لازم توريني ليها لانه ده كذب وتلفيق منك وانا لم اتعامل باي شيكات في كندا اما اذا كنت بتقصد في السودان فلازم توريني الموضوع لاني ما حا اسيبك..ولمعلوميتك انا لم اجلس في البيت واصرف Ontario Works Assistance بالعكس عندما اكون بدون عمل اذهب للدراسه واحمل عدة شهادات من جامعة بروك وكلية نياغرا ومركز LifeTime Learning Centre اما اني انتظرت عشان الفى شغل في السودان دي ماصحيحه لاني رجعت بقرار ارجاع المفصولين وطلبت انا ذلك عشان آخد حقوقي وحقوق اولادي.. وما داير غير العداله انهاتاخد لي حقي .. اما رئيسك المنتخب من شعبك الابي اطلع ليه براك طالع في الناس مداعي مالك وانت محظوظ لانهم لم يستجيبوا ليك وعرفوا الكان حيحصل ليهم شنو لو طلعوا..نحن مادايرين نقرأ قصتك لاننا عارفينهايعني واحد عايش في امريكا من قبل انقلاب الانقاذ ويقدم لجوء في كندا حيكون كتب شنو غير انه الانقاذ عملت ليه وسوت ليه فما تخمنا ساكت.. اما حكاية اننا نكف عن اثارة الفتن ده قول حق اريد به باطل لان الفتن ماتقومون به انتم في غش الناس وجرهم للتعامل مع السفاره خارج نطاق الخدمات والمعاملات العاديه مثل التاشيره.. 26-05-2010, 02:15 م خيرى بخيت خيرى تاريخ التسجيل: 25-04-2010 مجموع المشاركات: 7 شعورك حيكون كيف وانت ماسك طفلتك ريم الانت شفتها وسلمت عليها في بيتي ..تخيل انك ماسكها وهي بتقند من الحمى وانت لاحول لك ولاقوه لانك ماعندك الف ونص حق بندول شراب تشتريه ليها من اجزخانه خارجيه؟ انا متأكد لو عشت تجربه واحده حقيقية كنت عرفت الاخت الكريمه تراجي ابن عمى العزيز هل الكلام الفوق ده حصل فى السودان ؟ ان كانت اجابة بنعم !!يبقى المشكله فيك انت ،وكيفية تعاملك الاجتماعى مع اصدقائك وجيرانك واهلك ،هسع يااخوى ،كدى قول لى نحن نعمل شنو للجايى لى بلدنا والبيلوح فى الافق من انقسام وخراب ودمار واحتلال مصرى صهيونى وسيبك من القيل والقال تحياتى وكل ودى انت لانك ماعشت في السودان عشان كده ماعارف انه الكلام الفوق ده حاصل ياخي ده اخف من الخفيف من البتعيشه الناس الغلابه هنا كل يوم ..ياخي الناس هنا بتموت قرب المستشفيات لانها ماعندها حق العلاج ولانه طلعوهم من غرفة العمليات لعدم سداد ذويهم لقيمة العلاج ..وانت عايش في بلد اول حاجه بعالجوك بعد داك يرسلوا ليك الفاتوره ده لو ماكان عندك الكرت الصحي وممكن تدفع بالاقساط انشاء الله 5 دولار في الشهر وممكن ماتدفع ومافي اي زول حيجي يسالك حتي مش يسجنك..ولانك انسان ساذج بتقول لي انا ماعندي علاقات اجتماعيه يعني معناة كلامك امشي للناس اشحدهم حق المواصلات والدواء ده فهمك للكلام الانا كتبتوا كله الله يعينك... ولك مودتي