|
تاني العصفورة قالت لي و قلت لها
|
نفس العصفور سالتها الحصل شنو في حفلة اخوانا الهواوير بقيادة شيخ العرب محمد الحسن الهواري ؟ قالت لي انتو مافي حاجة بتفوت عليكم ؟ قلت لها اخونا حجر قال انتي كسلانة و نوامة.. قالت لي حجر ياهو النوام و الكسلان .. معلومتو اذا ما مني من بت خالتي او بت عمي .. قلت لها ما علينا الحصل شنو ؟ قالت لي اصبر انا هسع مستعجلة في خبر طشاش طشاش اشوفو وارجع لك ..قلت ليها طيب ما تنورينا حبة .. قالت لي لا تستعجل علي رزقك انا ماشة وجاية ..قلت ليها انتي عارفاني في حب الاستطلاع كديسة عديل كدة ورينا الحصل شنو بسرعة و كدة ؟ قالت لي ما حصل شيء واحد اختارتو قاعدة في حد حيشيلوا غير القاعدة نفسها ؟؟ قلت ليها .. لا .. قالت لي طييييب ..بالنيابة عن صاحبنا. صاحبكم رد لي الجماعة التانين الصاع صاعين .. وطارت .. ولقاية هسع انا منتظر . و لمن ترجع بكمل
|
|
|
|
|
|