|
كلاب البورض
|
يقال عند تقسيم اعمار الخلائق كان متوسط الاعمار 25 سنة لكل مخلوق فقال الحصان هذا العمر طويلا تكفيني 15 سنة . وقال الحمار وانا ايضا كذلك تكفيني 15 سنة خاصة وانا مخلوق شواقة كدا كفاية 15 سنة خدمة شاقة . الكلب طلب 5 سنوات بس وكذلك القرد وجاء الانسان الفالح وقال ادوني الاعمار الزائدة دي كلها واضيفوها على عمري وبعد دا كلو ياريت اقدر اكون نفسي وقد كان فصار الانسان يعيش الخمسة وعشرين سنة الاولى حقتو اروع ما يكون يحمل كل الصفات الجميلة براءة ولطافة وذوق وادب جم واحترام وتقدير فرحا بالحياة متفتحا متطلقا لمستقبل زاهر يحب كل الناس ويحبوه وبعد انتهاء الخمسة وعشرين سنة الاولى حقتو يدخل بعدها في سنين الحصان العشرة ويبدأ يبرطع زي الحصان .... لو سمع قالوا ليبيا فتحت كربت كربت كربت بمليط سنة سنتين وخفس على ايطاليا وبرطعة جد هناك الاقيهو ليك حصان تاني واقول ليهو يلا يا فردة على لبنان حيث الرقيص الهورص وركبو موجة البحر لحدي محل الحفلة وتنتهي سنوات الحصان بقاهرة المعز والهز وفي العتبة لاقى حمار في بداية عقد الحمير ولايدري صاحبنا بان عمر الحصان انتهي وقد تجاوز الخامسة والثلاثين ودخل عقد الحمير ووقف حمار الشيخ في محطة القطار وحرن قبلو لحدي ما قطار الشوق دور وركب الى الســــــــــــــــــــودان محل الوتد ونواصل
|
|
|
|
|
|
|
|
Re: كلاب البورض (Re: عبدالله ود البوش)
|
وبدأ في سنين الحمار اذن من عمر 35 وحتى 45 سنة وهذه الفترة من عمر الانسان تتميز بالركود وعدم المخاطرة وصاحبها يسلك طريق واحد رايح قاااااااااااي من المربط لمحل الشغل للمربط مرة تانية طالع شايل نازل شايل ويهنق بس
| |
|
|
|
|
|
|
Re: كلاب البورض (Re: عبدالله ود البوش)
|
وبعدها يدخل الانسان في عمر الكلب وهي عشرين سنة من عمر 45 وحتى 65 سنة نبحي جد يا ولد اطفي اللمبة دي الماسورة دي شغالة في الفاضي ساااااي شيل المسمار الواقع دا أسع يوقع ليهو زول التراب دا الكباه هنا منو لاحولاااااااااااااااااا هو هو هو وفي هذه الفترة من العمر يكثر الكلام عن كنا وكنا وانتو سمج رماد ساي ثم تاتي سنين القرد من 65 وحتى 85 سنة حككة ساااااااااااااي ونواصل مزيدا من التفاصيل
| |
|
|
|
|
|
|
Re: كلاب البورض (Re: عبدالله ود البوش)
|
وعليه صنف نفسك لترى في اي عمر تعيش ؟ 25 سنة عمر الزهور عمر المنى 26 الى 35 عمر الحصان عمر البرطعة والجقلبة 36 الى 45 عمر الحمار عمر الشيل والدرب العديل 46 الى 65 عمر الكلب عمر النبحي وتكره الناس حياتن 66 الى 85 عمر القرد بدون نبق زول بشتغل بيك مافي تتحكحك بس
| |
|
|
|
|
|
|
Re: كلاب البورض (Re: omer osman)
|
Quote: حمار بوليسي بالمعاش. |
يا جنابو معناها ات لو لاقتك حيطة في طريقك بنوها جديدة عندك واحد من حلين اما اهدوها ليك عشان تمشي او تكس ارجع
| |
|
|
|
|
|
|
Re: كلاب البورض (Re: عبدالله ود البوش)
|
اقول ليك حاجة يا ود الصائم انا كنت حمار من الثانوي العالي ؟ ولابريطيعاية واحدة ما ضقتها ولا عنفضة حتى من وتد لوتد لحدي ما جاتني الشيخوخة المبكرة ومن اسع بقيت احب الانكراشة والكاروشة واحبك ات ذاتك اها شنو ليك ... لووووووووووووول
| |
|
|
|
|
|
|
Re: كلاب البورض (Re: عبدالله ود البوش)
|
قبل قليل اتصل علي أخونا يوسف ابو سنينة وفأجأني : يا كلب داير اقول ليهو يا حمااااااااار لكني تذكرت باننا كلاب اولاد حفرة واحدة
وبهذه المناسبة اخونا يوسف ابوسنينة باسويردتو وقعت منو وارجو من الاخ بكري ابوبكر يرجعا ليهو دا لو كان بكري بقرأ كلامي الفاضي دا
| |
|
|
|
|
|
|
Re: كلاب البورض (Re: عبدالله ود البوش)
|
Quote: من المربط لمحل الشغل للمربط مرة تانية طالع شايل نازل شايل ويهنق بس |
يعلم الله ياهو الحال ..
ياود البوش ينفع حمار وحصان سوا برطعة ونهيق
| |
|
|
|
|
|
|
Re: كلاب البورض (Re: الطيب رحمه قريمان)
|
عزيزي الطيب قريمان المحترم جدا البغل ببراي الخيل والخيل ما رضيانة بيهو وهو ما رضيان بالحمير حصل شفت ليك بغل صهل ؟ هل حصل سمعت ليك بغل هنق ؟ وانصحك بالرجوع للاخ سجيمان عشان يوريك كيف ولد البغل ؟ ولشنو البغلة ما بتلد ؟ ولشنو البغلة ما تدخل في اللبريق ؟
ات يا الطيب حمار ولا كلب زينا كدي ؟ لووووووووووووووووول
| |
|
|
|
|
|
|
Re: كلاب البورض (Re: السيد أحمد إبراهيم)
|
الاخ السيد أحمد ابراهيم ات يا اخوي عمر الحصان ودرتو في شنو ؟ لو لم تبرطع في تلك الفترة فانه يستحيل البرطعة في عمرالحمار انفزر وشيل في الدير وما تميل عرت وابشر بالخير قربت تنبح معانا انا وابو سنينة وود الصائم اخوك الاكبر منك الكلب
| |
|
|
|
|
|
|
Re: كلاب البورض (Re: عبدالله ود البوش)
|
سائق هندي جهجه ليك مصري في الشارع خلاه ليك ما قادر امش يمين ولا يسار والمصري زعلان لحق الهندي في الاشارة ودارت بينهم الشتائم التالية : المصري وهو يزبد ويرقي : يا هندي يا حماااااااااااااااااار مين اداك رخصة السواة ديت يا حماااااااااار ؟ الهندي وبكل برود : انا في همار انا في كلب انا خربااااااااااان مرة ... بس ات في مسري
| |
|
|
|
|
|
|
Re: كلاب البورض (Re: عبدالله ود البوش)
|
أخواني الكلاب ارجو منكن ان تنصحوا بعضكم بعضا كي لاتكرهوا اسركم حياتهم وكذلك العاملين تحت اداراتكم ومن جانبي اقدم لكم النصائح التالية : عندما تشعر بحالة نباح كد ليك عضم لمن تشوف الشباب اضحكو رسل واحد بس منهم ماترسلن كلهن لمن تشوف واحد طول في الحمام والموية شغالة شووووووووووووووووو ... قول لاحولة ولاقوة الا بالله العلي العظيم واطلع الشارع انبح برة لان برة الجمال ماشة . لمن تلقى المكوة مولعة ومافي زول بكوي تش بيها ضنبك شوفا ما حارة ؟ ماتبح في الفاضي ساي يعني شنو مولعة من الصباح الجنا كوا هدومو ومشى المدرسة نساها اتو ما تبحو في الكفلاء ديل مالن ما كلاب زيكن ؟ جرت انبح برة .......
| |
|
|
|
|
|
|
Re: كلاب البورض (Re: محمد عبد الماجد الصايم)
|
والله يا ود الصائم من قبيل كيبوردي حارقني وداير ارشح لي قردين تلاتة لكن الله لاوراك شكلة القرد مع الكلب لان خوة الكلاب اولا تحانيس واخرتا مجابدة ونسبة لانك حمار وفي بداية عقدك وبكل سهولة يمكنك رفس القرد وتجدعو هناك اترك لك هذه المهمة وانوبك ثواب عشان علي الاقل نعرف اسلوب القردة في التخاطب معنا نحن الكلاب
| |
|
|
|
|
|
|
Re: كلاب البورض (Re: ياسر بيناوي)
|
Quote: للاسف باقي لي فقط اسبوعين برطعة |
ياسر بيناوي في الاسبوعين ديل اول حاجة تعملا غير معلومات الحصان الفي بروفايلك لمعلومات حمار في مقتبل العمر واخد ليك عنفضتين تلاتة وتعال على الرباط وفيك سماحة شدة .. عري ساااااااي وقربة جد في البداية لكن بعد شوية بتباري الحيطة وتقول ودوني الضل كااااااااااااااااااك اتمنى لك حياة حافة بالشيل والخت وابقى نجيض ماتنفزر نحن كنا حمير دبزاوية حرانة لكن ما بنفزر تب وتقبل تحياتي وامنياتي
| |
|
|
|
|
|
|
Re: كلاب البورض (Re: SHIBKA)
|
Quote: يا عمكـ .. الزول ما بشوف الفاتورة إلا بعد التلتين ياخ! |
أها يا ود الصائم ....... شبكة شافتا
Quote: انا غايتو بشوف لي كترة فواتير كهرباء ومعاها نهيق تكون دي ياتو مرحلة ؟؟ |
شوفي ليك حمار سريع ..... سريع .... عشان تجيبو ليكن دحش تتطيعو وتشولوا فوقو الحمار ولد واستراح ...... مثل ابن كلب
| |
|
|
|
|
|
|
Re: كلاب البورض (Re: عبدالله ود البوش)
|
Quote: من عمر 35 وحتى 45 سنة وهذه الفترة من عمر الانسان تتميز بالركود وعدم المخاطرة وصاحبها يسلك طريق واحد رايح قاااااااااااي من المربط لمحل الشغل للمربط مرة تانية طالع شايل نازل شايل ويهنق بس |
الحبيب /عبد الله ود البوش يعلم الله ياهو الحال (هههههههههه) أنا غايتو لقيت نفسي هنا...والحمير الزينا احاحي ليهن رب العالمين تعبنا من عتالة انبوبة الغاز وأكياس الزبالة ما في طريقة مخارجة ياااااااااخ
مودتي التي تعرف
| |
|
|
|
|
|
|
Re: كلاب البورض (Re: وليد محمد المبارك)
|
Quote: وانا اقول مالي جاري شددددددددددددددددددددددددددددددييييييييييييييييييييييييييد كده |
وليد الحصان ولكل حصان كبوة وبعد تبقى حمار مافي كبوات ولا حاجة تفوووووووووز طوالي ما أصلوا الفازوا ديل كلهم حميرررررررررر .... وكلاب كمان .. اها ... اصبر بس بعد تبقى حمار ات شفقان مالك ؟
| |
|
|
|
|
|
|
Re: كلاب البورض (Re: الامين موسى البشاري)
|
Quote: : من عمر 35 وحتى 45 سنة وهذه الفترة من عمر الانسان تتميز بالركود وعدم المخاطرة وصاحبها يسلك طريق واحد رايح قاااااااااااي من المربط لمحل الشغل للمربط مرة تانية طالع شايل نازل شايل ويهنق بس
الحبيب /عبد الله ود البوش يعلم الله ياهو الحال (هههههههههه) أنا غايتو لقيت نفسي هنا...والحمير الزينا احاحي ليهن رب العالمين تعبنا من عتالة انبوبة الغاز وأكياس الزبالة ما في طريقة مخارجة ياااااااااخ |
أخوي اللمين يا اخوي ات حماري بشاري ممتاز مازينا نحن كنا حمير حلبة ما بنمشي الا بعصرة الحديدة على الدبرة اها واصل مشوارك كويس لانو ما في طريقة مخارجة طبعا ات يا حمار ماقريت العقد الكتبو ليك ... كدي ارجع فتشو كويس هل فيهو تاريخ نهاية ؟ شفت ليك عقد في الدنيا دي مافيهو تاريخ نهاية ؟ اها لو ما انت حمار تمضى ليك عقد عامل تحميل وتفريغ ما فيهو تاريخ نهاية وتجي اسع تفتش للمخارجة اسع لووووووووووووووووول صحيح حمير ما تفهمش حاقة؟ اخير نحن الكلاب اتخارجنا من مرحلتكن الزفتة دي وبقينا في النبحي بس يا ربي القردة كيف ؟ ودي الشديد يا البشاري اخوك الحمار ومتوجه علي القردة
| |
|
|
|
|
|
|
Re: كلاب البورض (Re: عبدالله ود البوش)
|
مافيها اي حاجة لو الواحد وصل مرحلة القرد وجا عبر عن مشاعرو وطبعا مافي حمار ولا ابن كلب اتكلم معاهو لانو بعرف حركاتهم كلها ومرت عليهو من زمان الاعمار بيد الله لكن لو ربنا مد في العمر ودخلت المرحلة دي طوالي بوريكن كيتا على القردة الحاليين يا قردة نحن الكلاب في طريقنا اليكم ورونا ما يحدث في عالمكم قبل الدخول معكم وفضحكم امام الحمير والحصين والبني ادمين والساكت عن الحق قرد اطرش
| |
|
|
|
|
|
|
Re: كلاب البورض (Re: عبدالله ود البوش)
|
Quote: ما أصلوا الفازوا ديل كلهم حميرررررررررر .... وكلاب كمان .. اها ... اصبر بس بعد تبقى حمار ات شفقان مالك ؟ |
هاهاهاهاهاهاهاهاهاها
حلوه وملعوبة
| |
|
|
|
|
|
|
Re: كلاب البورض (Re: وليد محمد المبارك)
|
أخي العزيز وليد المبارك المحترم والله كل مافي هذا البوست عفو الخاطر دون تخطيط مسبق ودون خبث فقط حاولت ان اصنع بسمة على وجه اخ عزيز او اخت عزيز ة مل وكل من الواقع المرير . . وكل التعقيب لحظي مرح . اتمنى تفهم حسن نيتي ولك ودي وتقديري الذي تعلم
| |
|
|
|
|
|
|
Re: كلاب البورض (Re: هاشم نوريت)
|
Quote: اتارى انا اقول حبى للفول السودانى والموز دا جاى من وين! لله فى خلقه شئون ا كان كدا الواحد باقى ليه يطلع الشدرة |
. . كبيرنا نوريت الذي طلع الشدرة نحن من قبيل منتظرين لينا قرد شجاع عشان اورينا مشاعرو بكل شفافية اصو المرحلة دي ماشين عليها يعني فضول ساهي كدي دايرين نعرف عالمكم الجميل دا فيهو شنو ؟ وطبعا مافي حمار ولا كلب بقدر اغالتك اندااااااااااااااااااح وفضفض والله اقول ليك حاجة حقيقية انا الايام دي من كترت حبي للموز بقيت ادس لي انتين تلاتة في الدرج الجنبي ... شفت ليك كلب بدس ليهو موز الله استر فالايام تمر سريعا
| |
|
|
|
|
|
|
Re: كلاب البورض (Re: جعفر محي الدين)
|
Quote: المرحلة الكلبية دي ما لها طويلة كدا |
يا جعفر ات يا دوووووووووووووب دخلت بسنة وااااااحدة نبيح مش تحمد ربك من سنين الحمار وشيل الضهر فوق الدبر انبح نبيحك ساي والجماعة ماشييييييييييييييين
| |
|
|
|
|
|
|
Re: كلاب البورض (Re: عبدالله ود البوش)
|
علقت بتنا شبكة وتسآلت :
Quote: انا غايتو بشوف لي كترة فواتير كهرباء ومعاها نهيق تكون دي ياتو مرحلة ؟؟ |
وبكدا يا شبكة شربكتي علي الخيط دا من اولو لاخرو خيطنا بقول في حالة فاتورة الكهرباء اذا مرت على الشاب دون الـ 26 سنة كأن شيئا لم يكن واذا مرت على من هو في مرحلة الحمار طوالي اشيلا وامش عديللللللللللل ادفع المبلغ واجي راجع بدربو واقول مشيت دفعت الفاتورة وجيت راجع دايرين حاجة تانية ؟ بركة الجيت سريع الغاز كمل ........ واذا مرت هذه الفاتورة على الكلب .... الله اعينك على النبحي .... لاحولاااااااااا الليل كلو مساهرين واللمبات مولعة في الفاضي ... ويوم داك لقيت المكوة شغالة في الفاضي وعليه ات يا شبكة قلت لمن تشوفي فواتير الكهرباء بتهنقي مفروض ما تهنقي صاح ؟ لو بتنبحي معليش ...... لكن تهنقي ما جاية .. قولي لي ليه ...... لان البهنق هو الحمار وفي الحالة دي الحمار بشيل الفاتورة وبدفعا وهو ساكت بدون تهنيق التهنيق دا بقولو ليك لبعدين .... لان الحمار بهنق في حالات معينة سوف اتناولها بالتفصيل لاحقا ولكن ات بتهنقي في غير ما يجب التهنيق فيهو بل يصح النباح ولذلك انصحك بمراجعة بطري اختصاصي لغات لوووووووووووووووووووووووووووووووول
| |
|
|
|
|
|
|
Re: كلاب البورض (Re: عبدالله ود البوش)
|
Quote: يا اخوي ات حماري بشاري ممتاز |
عبد الله ود البوش غايتو انا جريت لي عنقريب هباب واتحكرته في وسط بوست ده حالة صعبة (خلاث)
شوف الحمار ده طلع اذكى مننا واستغاث بالشرطة لتخليصه من سارقه
Quote: تسبب حمار بإحدى القرى المصرية في إلقاء القبض على سارقه بعدما استغاث بالشرطة مطلقا "وصلة" من النهيق المتواصل والرفس بقدميه لنجدته من بين أيدي شخص كان قد قام بسرقته وأفادت جريدة الاهرام المصرية الأحد "بأن الحمار ما أن شاهد سيارة الشرطة حتى أطلق نهيقه بشكل مزعج ما أربك السارق ودفعه للفرار تاركا الحمار". وبملاحقته تم كشف السارق أن الحمار ملك شخص آخر وأنه أضطر لسرقته. وبدأت الواقعة أثناء مرور دورية أمنية حيث فوجئ رئيس الدورية بحمار يطلق "سلسلة" من النهيق المتواصل. وعند الاقتراب من الحمار وصاحبه الذي يمتطيه فوجئ بالشخص يلوذ بالفرار.
|
أها نحن بس قاعدين ننهق ... حتى الرفس دا غلبنا لوووووووووووولز
ودي
| |
|
|
|
|
|
|
Re: كلاب البورض (Re: الامين موسى البشاري)
|
ياخ بوست عسل بس الله يديك العافية وبالله كلم معاك أبو سنينة رد الله باسويردو قول ليه صاحبك أول ما يصل مرحلة الهوهوه بنرسلو ليك كل شئ ولا رأسنا دا ياهو رأس مالنا
| |
|
|
|
|
|
|
Re: كلاب البورض (Re: وجن)
|
عسل شنو يا وجن بترفعي في معنويات الكلاب كمان بوست كلو بعر ونبيح تقولي عسل
Quote: وبالله كلم معاك أبو سنينة رد الله باسويردو قول ليه صاحبك أول ما يصل مرحلة الهوهوه بنرسلو ليك كل شئ ولا رأسنا دا ياهو رأس مالنا |
زولك دا لو دفعة ابوسنينة رسليهو ليهو طوالي اتبالي بيهو وكل واحد بعرف نبيح التاني لكن كمان انا خائف اجيك اتحكحك لانو ابو سنينة مسكو الزهايمر وفط مرحلة الكلابية ونزل قردية طوالي بقوم اعاديهو ليك علي كيفك اخير تصبري علي النبحي واتبعي النصائح التي ننزلها تباعا في هذا البوست لعلاج كل حالة على حدا وانصح اخواتي وبناتي بالتحوط باخذ حقن السعر في حالة عدم النبيح ..... لوووووووووووولزين
| |
|
|
|
|
|
|
Re: كلاب البورض (Re: الامين موسى البشاري)
|
شفت يا اللمين اخوي الحمير دي كيف ؟ ياخي دا سرقوه وممكن حالو اتغير شوية برضو ما رضيان داير ارجع للصعيدي العارفو انو معذبو برضو راجع ليهو اشيل فوقو قال ذكي قال ......... شفت ليك حمار ذكي يا البشاري اخوي اخير نحنا الكلاب منكن اتو الحمير الواحد كانو فكوه ما اعير وكان عار اهنق ليهو هنقتين تلاتة واجي راجع لمحل رباطو ابعر واقيف لوووووووووووووولز
| |
|
|
|
|
|
|
Re: كلاب البورض (Re: عبدالله ود البوش)
|
غايتو الليلة نبحت نبحي يريح اسرتنا الكريمة الليل دا كلو امشي البيت ساااااااااااكت لمن احتاوروا في الكلب الساكت دا ولكني اخاف عليهم من العضعضة لان الكلب النباح ما عضاي اذن الكلب الما نباح عضاي اها بطيرن وين يا نسواننا اخير النبحي ولا اخير العض ؟
| |
|
|
|
|
|
|
Re: كلاب البورض (Re: عبدالله ود البوش)
|
حمودي ولدي ( اسع ود البشرى بجي جاري ) وداني محل حيوانات وقال داير قرد والوكت داك كنت حمار طوالي مشيت معاهو اها لقيت الككو العبلانج بخمسمائة ريال قمت فجأة كدا اشتريت سلحفاة بعشرين ريال وطبتينا وكشيتو قدامي قال يا بابا القرد وينو ؟ قلت ليهو امسك السلحفاة دي وخلينا نصل البيت وليك علي اعمل ليك حركات القرد كلها ات مش داير حركات القرد وهو في قرد احسن من ابوك دا ...... ات يا الشافع فنن السلحفاة هناك وقال لي ديور راجع علي المحل وحركاتك دي اعمل لشافع اصغر مني شوية ولابد مما ليس منه بد ....... شغل حمير اها اقدر اسلعني اسع ؟ مع الهوهوة دي .... مرحلة الكلوبية هي مرحلة التوفير
| |
|
|
|
|
|
|
Re: كلاب البورض (Re: عبدالله ود البوش)
|
بعد جولة مكوكية على البروفايلات لقيت ليك كترة قرود ضاربة الشدر ولابدة وجن القرود ختن قدورن وجا القرد الكبير خت قدرو فوق قدور القردة الصغار خاتيات القردة الصغار الختن قدورن ولا خاتي القرد الكبير الخت قدرو فوق قدور القردة الصغار ؟
| |
|
|
|
|
|
|
Re: كلاب البورض (Re: عبدالله ود البوش)
|
Quote: 36 الى 45 عمر الحمار عمر الشيل والدرب العديل |
رغم (حموريتي) لكن برضو با ودالبوش مرحلة القرود دي أخوك حاسي انو بينطط فيها ليهو مية سنة.. بالله افتينا في الحالة العجيبة دي ، واجرك على الله.
| |
|
|
|
|
|
| |