لن نستثني احدا...من المسئول في كل ما حدث؟؟؟

Quote: والله الواجعنى فى الناس دى كلها هو الحزب الشيوعى كان حزبنا الطليعى الما بتخمه والبعرف يقرا ما بين السطور فى الواقع السياسى السودانى ولما ساعة الصفر تحين بكون فى مقدمة الجماهير ما وراها التاريخ قال لينا كده ده غير الشهدناه بام اعيننا فى مظاهرات ديسمبر تابعنا الحركه وخذلنا الشارع والحزب يعلم تمام العلم بان المقاطعه هى شغل سياسى داير اعداد بتاع شهور وما شغل بتاع يوم وليله انا ما بلوم نقد لكن بلومنا نحنا نقد شيخ فى الثمانين ولما وقفنا خلفه وجبناهو فى الخامس كان فى بالنا نقد بتاع 85 ونسينا انو ده كان قبل 25 سنه ونقد الكانت الناس بتسمع خطابو بتاع الجمعيه التاسيسيه ذى الغنا ما هو نقد اليوم نقد حاضر البديهه الردو زى الرصاص نقد البعرف نبض الشارع وبحس الم الجماهر لما كان شايل اللاود اسبيكر وحايم فى المطره وسط البيوت الايله للسقوط بكلم الناس ويصحى النايمين عشان يطلعو نقد بقى شيخ فى الثمانين والعمر ليهو احكامو الغلط غلطنا نحنا الما وعينا الدرس الدرسنا ليهو يوم ما حكمنا صوت العقل وعاينا للاشياء بعواطفنا.... ما ده ابونا...وابوك كان كبر ما بترميهو لكن فى السياسه الحاجات مختلفه وكان بنكون احترمناه لو ما عرضناهو للوضع ده!!!