|
أفتوني يا هلالاب المنبر فقد ضغط محمد عمر الفاروق على زر ال....!!
|
الهلالابي على فريق الفطرة هلال الملايين محمد عمر ومن أول يوم لي ولادته قررنا انا وهو نعمل شفرات محددة بناء عليها بقدر اعرف ليكم الهلال وضعو شنو .. بديناها مع أول يوم ولادة بي تيستا صغيرة كده عبارة عن فتح ااو قفل اصابع اليد الواحدة (اليمين) للهلال (الشمال) للمريخ وكان بحمد الله الاستاذ مودي من اصحاب اليمين .. في الشهر الأول بدينا معاهو النضمي وتووشك السؤال أها يا محمد الهلال بيفوز كم ؟ ويومها حرك يدينو الإتنين وبتذكر تمااماً الكورة إنتهت تعادل في أول لقاء هلال مريخ ومن دييك بديت اعودو إنو يدو الشمال دي حقت الشيطان تاني يحاول ما يحركا .. مشينا لي قدام حبة ولمن بدا اللغلغة (دي غير اللغاليغ) وبقا يبرطم بي كلام خارم بارم إخترنا انا وهو واحدة من كلماتو البيطنطن بيها لتكون شفرة مباريات الهلال فكانت كلمة (كتنغ) وهي كلمة لا انا لا هو ما أظن نكون عارفين معناها لكن محمد بيستخدما لمن مزاجو يكون رايق فقررت اسألو لمن الهلال يكون لاعب أقول ليهو أها يا محمد الهلال الليلة كيف؟ فلو قال لي (كتنغ) معناها الهلال الليلة ميية الميية ولو كمان عمل نايم و قعد يتلفت ويعمل لي رايح فحينها باكلا في حناني .. واصلنا على المنوال ده فترة من الزمن كانت حبااااابا بين الكتنغ واليد اليمين مع بعض الهناك (مازيمبي مثالاً) إلى ان وصلنا لي اخر تقليعة كانت عبارة عن أصبع لاسبابة في النخرة معناها الهلال غااالب غااالب .. أها مع بداية الدوري الممتاز ده وقرب بداية إنطلاقة الهلال الإفريقية قررت تجديد تعاويذ محمد عمر بي طريقة أكثر إبتكار وتاتي نتائج دقيقة مفهومة واضحة وغير قابلة للتأويل .. أها قمت امبارح سوقتو ليكم على العربية وتوووشك للمسجل بتاع العربية لأنو بي بي بساطة مسجل العربية فيهو مفاتيح مرقمة من واحد لحدي ستة .. وديتو هنا وقلت أسألو أها يا محمد الهلال السنة دي كيف ؟ ووضعت نسبة قصاد كل رقم فلو ضغط واحد فالهلال منتهي ولو ضغط إتنين فالهلال تعبان واو ضغط تلاتة فالهلال يا قول السعوديين هاااا (دي معاها حركة اليدين بتاعت غايتو ديك) .. اما لو ضغط الرقم اربعة فالهلال فوق الوسط وخمسة الهلال كويس شديد واخر شي الرقم ستة ودي معناها الهلال ناااار منقد وكاس افريقيا حقنا حقنا.. اها نرجع لي موضوعنا الأساسي وإنو حالياً محمد في مواجهة المسجل والشريط شغاااال وطوالي سألتو ليكم : اها يا محمد الهلال كيييييييييييييف؟؟؟ قووووووووووم يا محمد شيييل أصبعك السبابة وطواااااااالي امشي لي زر ال Mute (أظن ترجمتها كتم الصوت) وطااااااااخ أديها ضغطت طوييييييييييييلة !!!!!!!!!!!!! ياخ انا لمن جسمي إتكهرب !!! اها والله النصيييحة كده الزر ده أصلو ما كان في الحسبان وما كنت خاتي ليهو إحتمال أو تفسير فإحترت في أمري وشلت الأستاذ محمد وقفلت العربية وانا أفكر : ماذا تعني ال Mute ؟؟
فافتوني أخواني هلالاب المنبر ..أكرر هلالاب المنبر لأني عااارف المريخاب حا يجو يدونا تفاسير قاطعنها من كنكوجهم ..
تخريمة : أسة عليييك الله يا محمد يا ولدي عييب لي رقم 6 دي ؟؟؟
|
|
|
|
|
|
|
العنوان |
الكاتب |
Date |
أفتوني يا هلالاب المنبر فقد ضغط محمد عمر الفاروق على زر ال....!! | عمر الفاروق | 02-27-10, 07:34 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | محمد سنى دفع الله | 02-27-10, 07:40 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | khaleel | 02-27-10, 07:43 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | عبد الرحمن حمد النيل | 02-27-10, 07:58 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | خالد عبد الله محمود | 02-27-10, 07:59 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | Yassir Tayfour | 02-27-10, 08:06 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | haroon diyab | 02-27-10, 07:59 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | haroon diyab | 02-27-10, 08:07 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | haroon diyab | 02-27-10, 08:10 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | طارق الكوتش | 02-27-10, 08:06 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | abuguta | 02-27-10, 08:52 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | ismeil abbas | 02-27-10, 09:06 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | حمزاوي | 02-27-10, 09:17 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | على محمد على بشير | 02-27-10, 09:35 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | عمر الفاروق | 02-27-10, 09:38 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | عمر الفاروق | 02-27-10, 09:45 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | احلام وهبي | 02-27-10, 11:46 AM |
Re: أفتوني يا هلالاب المنبر فقد ضغط محمد عمر الفاروق على زر ال....!! | فيصل نوبي | 03-01-10, 06:43 AM |
|
|
|