|
فلانة ..!!
|
فلانة ..!! خفيفة ولفيفة وعاملة فيها تقيلة ! ثقيلة ودمها بارد وعاملة فيها بت قضيم ! شينة وقبيحة وممعطة وعاملة فيها سعاد حسنى ! نمامة وشمامة ! وكضابة ! وهجّامة ! حاقدة وحاسدة ! شفقانة وجعانة ! أكّالة ونكارة ! قوّالة وسوّاطة ! مفضوحة وشيّالة حال .. شنّافة وما فى حاجة سمحة بتعجبها ! لافحة توبها ويابيت فكنى ويابيت أمسكنى ! زى البلوتوث تنقل فى الأخبار ... عشّة طلقوها وسعدة راجلها عرّس فيها ! وناس رزقة تلاجتم باظت ! حتى الأدبخانة الإتملت فى الحلة عارفاها ! تصحى أول زول فى الحلة وتنوم آخر زول ! عرس إلهام ما عاجبها وطهور أولاد الزمزى كلو خمج .. وسراميك ناس حاجة بتول ما أصلى وحيطتم قصيرة ! وحاج سمير مات بالفياغرا بعدما عرس ليهو بت صغيرة !! وسارة تلفونها صينى وبالأقساط ! وحتوتة دهبها فااااااالصو .. هى الإشترتو ليها من أمدرمان ! والسر ما سجّل فى الهلال سجّل فى الأمير ! والقروش كلها شالا أبوهو لأنو أم السر إيدها مطلوقة ! والمهندس عامر العربية السايقة دى حقت خال حبوبتو ما حقتو ! وهو زاتو ما مهندس فنّى ساى ! بعد ده كلو تقول ليك وهى طالعة ... ما عليــنا !!!! عرفتوها ؟؟
|
|
|
|
|
|
|
العنوان |
الكاتب |
Date |
فلانة ..!! | صلاح أبودية | 01-14-10, 11:26 AM |
Re: فلانة ..!! | صلاح أبودية | 01-14-10, 11:51 AM |
Re: فلانة ..!! | عبدالكريم أحمد الامين | 01-14-10, 01:14 PM |
Re: فلانة ..!! | صلاح أبودية | 01-17-10, 07:32 AM |
Re: فلانة ..!! | عماد الشبلي | 01-14-10, 01:16 PM |
Re: فلانة ..!! | وجن | 01-14-10, 01:35 PM |
Re: فلانة ..!! | صلاح أبودية | 01-15-10, 04:41 PM |
Re: فلانة ..!! | صلاح أبودية | 01-17-10, 07:14 PM |
Re: فلانة ..!! | صلاح أبودية | 01-17-10, 09:35 AM |
Re: فلانة ..!! | صباح حسين طه | 01-17-10, 07:33 PM |
Re: فلانة ..!! | صلاح أبودية | 01-18-10, 08:29 AM |
|
|
|