فتاوى مثيرة للجدل ............. فتاوى مثيرة للضحك

Quote: مركبات الكلوروفلوركربون: وهي مواد عضوية يدخل في تركيبها الكلور والفلور والكربون. وتصل كمية الإنتاج العالمي من هذه الغازات سنويا حوالي 1400 مليون طن منها 970 ألف كغم من النوع المدمر للأوزون. وتأتي أمريكا على رأس الدول التي تستهلك مركبات الكلوروفلوروكربون حيث تنتج 350 مليون طن سنويا و تدل الإحصائيات على أن كمية مركبات الكلوروفلوروكربون 11 و 12 (و هما الأرخص ثمنا إلا أنهما الأكثر ضررا للأوزون) قد تضاعفت ثلاث مرات أضعاف الكمية المتراكمة بين عامي 1970-1980. وبجانب الغازات يوجد مركبات الهليوم المسببة لاستنفاد الأوزون، وتستخدم مركبات الكلورفلوروكربون في تجهيز أساسيات البيوت وفي العبوات المستخدمة لمكافحة الحرائق وفي مبيدات الحشرات وفي العبوات المستخدمة في تصفيف الشعر و مزيلات الروائح و غيرها من مستحضرات التجميل. كما تستخدم بنسبة لا تتجاوز 10 % في الحاسبات والمرناة (التلفزيون) وأجهزة الإرسال والإستقبال وتستخدم كمذيبات و مبردات. وهذه المركبات تتحلل إلى ذرات الكلور والفلور. وهي قادرة على المساهمة في تحويل الأوزون إلى أوكسجين

بس جات على المساكين ديل ؟

براهم يفلقوا :

Quote: الذي يقوم بحرق قش الأرز يعد مفسدًا في الأرض وبغيًا بغير الحق،

ويداوا براهم :

Quote: وشددت أمانة الفتوي علي أنه لا شفاعة فيمن يفعل ذلك إذا كان يريد قتل الحشرات الضارة بقيامه بحرق القش، وطالبت بالاستعانة بطرق بديلة آمنة.

دي عجيبة دي !
بقت لي زي غلات :
" اوع تقول لي داير اكتّل الحشرات ( الضارة ) . . يا زول مكنتك دي ما بتقسم معانا . . ما بتخارج معانا ذاتو " !!

اسي يعني هم - هواة الحرائق ديل - عندهم القدرة العلمية و العملية للبديل الآمن دا ، و مصرين يحرقوا ، حباً في الدخاخين و الشلوطة ساي و لا كيف ؟!!
ياخ دا ما ياهو مشهادم ، و حظهم في معرفة ( ورثوها ) كابراً عن كابر ، و زرعوا بيها كما وجدوا عليها آباؤهم الاولين . لا جاهم مرشد و لا موعي ، ولا زول مد ليهم يد العون .
بعدين الكلام دا يتقال لي زول ما عندو ركشة ؟! كمان لما جابت ليها حرمة تبقى في ذمة الحيكومة و السلطات و لا يدرعوها ليهم في رقبتم هم ذاتم ؟! طيب القيشورة دي حاكماهم فوق شنو ؟ التخم و تصر ساي .
قبل التحريم مش كان اجدى الفتوى تلزم وتذكر " ولي الامر " بمسئولياتو في التوعية و التطوير ؟ بالمناسبة الفتوى ليه ما اتوسعت و شرحت ( البدائل/ البديل الآمنة ) ، مش هي مستندة على الابحاث العلمية ؟ هل افترضت علم و قدرة الفلاحين بيها ؟ و لا اصلاً ما متأكدين من 0( وجودها ) من عدمو ، و هو من باب رمي الكلام على عواهنة و الاسترسال في الانشاء ؟
بمناسبة " فلاحين " دي ، ملاحظ المفارقة هنا :
{ يعد مفسدًا في الأرض وبغيًا بغير الحق } فتأمل . . كيف فلاح الارض بقى فساد في الارض ؟!


اشرف ازيك ياخ
انت بتجيب الحاجات العجيبة دي من وين ياخ ؟


-------------------

ياخ الناس دي ما تستند - او قول تتكئ وتكوع عديل المرة دي - على (الابحاث العلمية ) و تقوم كدا كف نف كدا تحرم لينا اسباب الامراض الكتيرة ( سرطانات ، فشل كلوي . . . ) الانتشرت دي ، دقة واحدة كدا و يخلصونا منها ؟