|
|
 Re: فتاوى مثيرة للجدل ............. فتاوى مثيرة للضحك (Re: Waeil Elsayid Awad)
|
Quote: استاذ قيقراوى
اذا كنت من المتابعين للشأن المصرى لعلمت بما يسمونه الان السحابة السوداء
فوق سماء القاهرة |
سلام استاذنا وائل
استاذ انت دا ياخ . . قيقراوي دي بقولوها حافة ساي ياخ
اما بعد
اكضب عليك ما متابع الشأن المصري ، هو الشأن السوداني في تولاهو في تلتلة ، ما بقدر ادعي متابعة ليهو و لو بدرجة " مقبول " ساي
لكن ما قلت لي ليه ؟ لو عشان السحابة السوداء ؟ خليني ارد ليك من الجزء النقلتو - مع جزيل شكري على الرابط - رغم انو ما اشتغل معاي ، لكن اعتقد انو الجزء النقلتو مشكوراً - للمرة الالف - يكفي ، حيث ورد ضمنه :
| Quote: والحقيقة أن ظاهرة السحابة السوداء ظاهرة عالمية ولا توجد في مصر فقط |
مشكور اخي ، و خليني ارد على باقي مداخلتك منو كمرجع مقبول و متفق عليهو بينا - ياخ انا كلامي كتير خلاس - يعني اسي مداخلتي الفاتت دي بطولها و عرضها لخصا الصديق محمد الاشرف في تلاتة سطور * :
Quote: ( أ ) الحاجة الما منطقية في الموضوع انه كيف تحال قضايا البيئة و الاحتباس الحراري الي دار الافتاء ؟!
( ب ) و ان دار الافتاء نفسه استند على تقارير علمية لم يتوصل اليها بنفسه !!
هنا تكمن المفارقة |
يلا خلينا نضع كلامك التالي في ميزان الحجج اعلاه :
Quote: هذا التلوث المتهم الرئيسى فيهو هو الدخان الناتج من حرق قش الارز فى محافظات الدلتا حول القاهرة
فى رأى انها فتوى جديرة بالاحترام تتماشى مع الاتجاه الداعى لبيئة نظيفة |
اول نقطة ما عارف استندت على شنو في عبارة " المتهم الرئيسى " بالرجوع للمرجع في جزئية " إجراءات تكنولوجية " - بالمناسبة الباقيات " اقتصادية " و اجتماعية " ما فيهن " اجراءت شرعية " - المهم نرجع للموضوع ، ذكر تلاتة متهمين ( 1 ) عوادم السيارات ، ( 2 ) المخلفات الصلبة ، حتن بعدين " المخلفات الزراعية . فكيف الرقم ( 3 ) بقى رئيسي ؟!
نرجع لـ الفباء اشرف ، الاحالة كانت خاطئة و لا لا ؟ و هل بنفع انتقاء النتائج من البحوث العلمية كما يتفق ؟ و في الاول المنهج العلمي و منهج اصدار الفتاوي واحد ؟
الاهم خالص هل القضية هي " علمية " و لا شرعية ؟
منو البحدد الحرام و الحلال ؟ و هل يجوز ( شرعاً ) لاي بشر انو يحرم حلال ؟
" والحقيقة أن ظاهرة السحابة السوداء ظاهرة عالمية ولا توجد في مصر فقط " طيب كدا مش ممكن يكون الحرام في مصر جائز في السودان ، و مندوب في المغرب ، و حلال طيب بل واجب عديل في مالطة ؟
كل المنقول بتكلم عن حقائق علمية ( عالمية ) و توعية ، و اجراءات مدنية ، طاعنة في فيل الحكومة و المجتمع المدني مباشرة ، مش مدخلة ليها فزعة و شعور تأنيب بالاثم في نفوس مسلمين مساكين .
ليه استسهال و مس قدسية الدين في أمور مدنية ممكن مناقشتها و معالجتها في اطارها العلمي و المدني .
Quote:
في ضوء ذلك وفي إطار حملتنا المستمرة من اجل تفعيل القوانين والإجراءات ودفع المسئولين لمواجهة هذه الظاهرة ، ونظرا لضرورة وجود أوسع مشاركة مجتمعية لبلورة وتفعيل الإجراءات والتشريعات اللازمة لقيام الجهات المسئولة بدورها نقوم بطرح استطلاع الرأي هذا والذي سوف ننشر نتائجه تباعا بين الخبراء والمنظمات الأهلية المعنية
|
السؤال :
ليه من اول ما اؤكلت المهمة للجهة المناسبة ؟ مثلاً " الشبكة العربية لمعلومات حقوق الانسان " دي ذاتا ، او اي جهة اكبر ما دام الظاهرة كونية .
اقول قولي هذا , و ما مستبعد او غائب عن بالي انو تكون اصلاً مافي فتوى زي دي ، و انت سيد العارفين استاذنا بالدسائس في اطار الحرب المذهبية و الطائفية . بس شايفك كررت " فتوى " عنها هل هي صحيحة السند للجهة ؟
شكراً استاذ وائل . . و اعفي لي الثرثرة و التطويل
وتحياتي لصاحب الضيافة
-------------
علامات الترقيم (؟ و ! ) من عندي ، كمان قلنا ما ناكلا باردة مرة واحدة !! 
|
|
 
|
|
|
|
|
| العنوان |
الكاتب |
Date |
| فتاوى مثيرة للجدل ............. فتاوى مثيرة للضحك | محمد اشرف | 12-28-09, 10:08 AM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-28-09, 10:12 AM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-28-09, 10:23 AM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-28-09, 01:36 PM |
| Re: فتاوى مثيرة للجدل ............. فتاوى مثيرة للضحك | قيقراوي | 12-28-09, 10:58 PM |
| Re: فتاوى مثيرة للجدل ............. فتاوى مثيرة للضحك | Waeil Elsayid Awad | 12-29-09, 01:44 AM |
| Re: فتاوى مثيرة للجدل ............. فتاوى مثيرة للضحك | قيقراوي | 12-29-09, 09:07 PM |
| Re: فتاوى مثيرة للجدل ............. فتاوى مثيرة للضحك | Waeil Elsayid Awad | 12-28-09, 08:21 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 07:21 AM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 07:54 AM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 07:59 AM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 08:04 AM |
| Re: فتاوى مثيرة للجدل ............. فتاوى مثيرة للضحك | محمد أبوالعزائم أبوالريش | 12-29-09, 08:13 AM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 12:29 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 12:37 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 12:43 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 12:47 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 12:58 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 01:43 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 01:46 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-29-09, 01:48 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-30-09, 12:29 PM |
| Re: فتاوى مثيرة للجدل ............. فتاوى مثيرة للضحك | بكري عباس علي | 12-30-09, 09:12 PM |
 Re: فتاوى مثيرة للجدل ............. فتاوى مثيرة للضحك | محمد مكى محمد | 12-30-09, 09:56 PM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-31-09, 09:31 AM |
| Re: فتاوى مثيرة للجدل ............. فتاوى مثيرة للضحك | محمد اشرف | 12-31-09, 06:44 AM |
|
| |
قيقراوي
فيس بوك
تويتر
انستقرام
يوتيوب
بنتيريست