أكتوبر 1985م - الميدان الشرقي، جامعة الخرطوم

Quote: ياخي معقولة تنساني :). غايتو ما مذكر الحصل شنو بالضبط لكن it happened انه جمعية حقوق المرأة كان عندهم احتفال وكانوا عايزين يقدموا كورال في يوم الاحتفال، المهم انه تم اختياري او انا اسلبطت في الموضوع لي سبب ما، ما عارف والله، المهم بقيت من ضمن الكورال والبذكركم في الكورال داك غايتة منال عبد الرحمن وهند بشير ووصديقي محمد عثمان (دريج) وبقينا كل يوم ماشين وجايين معهد الموسيقى وآخر تدريبات واذكر كان بدربنا عبداللطيف (وردي الصغير) وبيعمل تمارين في الصوت وتمارين في الاداء فلما بقينا جاهزين، قام بعض الزملاء بلاعزاء بنوع من اللؤم :) يقولوا لي"آ ؟!! تمشي تغني في كورال جمعية المرأة؟؟؟" " وانت مالك ومال كورال جمعية المرأة؟؟" و" انت عضو في جمعية المرأة؟؟؟" طبعا المسئلة ما كانت تخلو من هظار ومزاح لكن بيني وبينك لما كلام كتر انا بديت اتعقد جد جد فما كان مني الا ان اختفيت في صبيحة ذلك اليوم ولم اظهر للوجود الا بعد انتهاء الاحتفال بساعة او اكثر ولما سالوني وينك كنا نفتش عليك قمت اخترعت لي قصة بررت بيها الاختفاء، هذه كانت تجربتي المتواضعة مع الكورال، وطبعا بعدها لي يوم الليلة ما فكرت اشترك في اي كورال :). فهذه القصة اذكرها رهاب رهاب، لكن اكيد محمد عثمان (دريج) بيكون مذكر