هل من المعقول أن تتزوج من امرأةٍ ثانية؟ .. دعوة للنقاش

Quote: الأخ الدكتور صلاح بشير السلام عليك انا متابعة الموضوع ده مما نزل وكل مرة اتردد ادخل ولا ما ادخل بصراحة ما كنت عارفه حتى ادخل كيف لغاية ما انت كتبت عنوان الايميل بتاعك صحيح اتشجعت شوية لكن ترددى لسه واقف بيني وبين الكتابة كمان كنت بتابع في الناس البردو ليك وبرضو المواضيع المشابهه حتى موضوع دكتور محمد عبد الله الريح قريتو المهم انا لغاية هسة ما قادره اقرر وقبال ما استمر عايزة احكي ليك قصتي وانت شوف حتنشره ولا لا انا يا دكتور عمري ما كبير بين العشرين والتلاتين محامية وعديت المعادلة وشغالة كويس وبصراحة شايله نفسي وكمان بشارك في البيت بشي معقول جدا باختصار انا واسرتي وضعنا كويس تقدر تقول جيد وكمان الان انا في طريقي اشتري عربية المهم الصدفة جمعتني بي واحد جانا المكتب لقضية وباختصار كده انا لما القضية بتاعتو انتهت بدت قضيتي معاهو كنت حبيته واللي كان كان وما حبيته عشان عندو قروش انا حبيته عشان هو بستاهل ومن كلامي عنه اظنك واظنكم كمان يالبتاوقو برقراق الباب عرفتو انو انسان كويس ما كذب على بل العكس انا البديت اشجعوا عشان يديني من وقتو وقتها انا ما كنت عارفة انو متزوج ولما شعر باني بميل ليهو وعشان ما يحرجني بدا يحكي لي عن زوجته وام اولاده اصلوا عندو منها ولدين وكان بحكي لي عن حبو ليها وبدا شوية شوية ما يجي المكتب وكان بكلم المحامي زميلي وما يكلمني مع انو انا الكنت ماسكة القضيه بتاعتو وانا بطني فايره وما عارفه اعمل شنو انا والله مستعده اكون خدامة لمرتو واولادو وما تفتكر انو انا ببيع نفسي رخيس انا بس بحبو ومستعده احب اي حاجة هو بحبها انسان زي ده يا دكتور يلقوهو وين واحد بحب مرتو زيه انا ما شفته اها زيو نلقاهو وين عندي تعليق صغير على بعض النسوان القاعدين يردو انتوايدكم في الموية والايده في النار زي تعمل شنو يا دكتور لو ممكن بعد ما تنشر رساتي دي لاني عارفه انو في ملايين زيي لوعندك حل خاص بحالتي بس ارجو ترسل لي عن طريق الايميل الانا رسلتا بيهوليك شكرا ليك يا دكتور والله يصلح ليك طريقك م . أ