فضل الله المكى ..م السنى دفع اللة واخرون ..سوق واقف زاوية اخري..

مرحبا Guest
اخر زيارك لك: 05-27-2024, 07:40 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
11-18-2009, 08:56 AM

sumah
<asumah
تاريخ التسجيل: 08-27-2002
مجموع المشاركات: 1737

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فضل الله المكى ..م السنى دفع اللة واخرون ..سوق واقف زاوية اخري.. (Re: sumah)

    ***
    **
    *



    سوق واقف زاوية اخرى

    زاوية قائمه
    عملية الوقوف عملية صعبه
    عملية متعبة وشاقة
    وتحتاج لتركيز ذهنى وجسدى
    وصعوبة الاستمرار تجعل الواقف دائما
    ما يحتاج لحركة او اخرى يشد جسده او يرتخى ..
    كان يرفع ساق ويحط اخرى كوقفة طائر الكركى
    الذى يقف على رجل واحدة وهو نائم
    واهلينا فى شرق السودان مشهورين بهذه الوقفة ..
    صورها الشاعر صلاح محمد ابراهيم
    فى قصيدته دبايوا من ديوان غابة الابنوس ..
    طاف فى خيالها اوشيك
    بشعره الوديك
    كشجرة الزقوم والظلال
    مرتكز الظهر على عصاة
    كوقفة الكوركى فى المياة
    قد اهلكت المجاعة الشياه
    انها وقفة صعبة
    وقفة زول حالو واقف
    وتقال ايضا عندما يمر الانسان بموقف طارى
    صعب كحالة المرض
    والمواقف المتازمة
    فالاقربين يقولون
    وقفنا على كراع واحدة
    ولكنه اوشيك دايما حالو واقف
    فقد صارت هذه الوقفة سمة مميزه ..
    واقف على فد رجل.
    وقفة اخرى نقولها وقفة ديدبان
    كمثل مصور لاطول وقفة تستمر بالساعات.
    وفى ثقافتنا التعذيبية
    فيها الكثير من صور الوقف
    والتوقيف فعند ناس الامن وبيوت الاشباح
    مرتكزات اساسية للتعذيب
    فى حالة جعل الانسان واقف لساعات طويلة
    ويقولون تهديدا واللة الليلة وقفه للصباح
    عشان تعترفوا ونشوف البيتعب فينا منو ..
    مثل هذه الوقفة والوقفات عموما
    ارتبطت بمواقف البؤس والشقاء
    عند شعبنا ويقولون فلان دة واقف وقفه شينه..
    وقفه شينة كناية على طول الانتظار
    وما صاحبها من عذاب نفسى وجسدى ..
    وفلان وقف معانا وقفه سمحة
    واللة وقفة رجال كناية اتخاذ المواقف المشرفة
    ومواقف الكرامة والسترة ..
    اصلو السترة والفضيحة متباريات ..
    فاجعل مواقفك دائما مواقف رجال..
    وقفة الصفوف
    والتى امتازت بها دواوين الحكومه
    عند اجازة المعاملات وما فيها من عدم احترام للانسان ..
    وعدم تقدير وتجاهل.
    ووقفات من نوع خلانى واقف قدام الباب
    مشحوط عبارة عن عدم الاهتمام
    وحتى ما قال لى كلمة اتفضل ..
    عدم اهتمام بالزائر وعدم اهتمام بالمواعيد ..
    شرانى ليك خلانى واقف قدام السينما منتظرو ليك ساعتين ..
    قبل ميعادنا بيه ساعتين ابيتو انا وابانى البين
    اغالط نفسي فى اصرار
    واقول يمكن انا الماجيت
    بدون تعليق على هذا الموقف .
    ان الغناء السودانى
    والذى ضم قاموسه كتير من الكلمات والمفردات
    الا ان كلمة واقف قليلة جدا
    وحتى انها شبة معدومة
    مقارنة بالمفردات الاخرى
    نجدها فى اغنية او فى اغنيتين ..
    لقيتو واقف منتظر
    تشتاق عيونى ليه طلعتو
    والاخرى بتقول ..
    واقف براك والهم عصف
    زاوية وقوف
    فى السودان كثير من الزوايا
    والاركان يقف بها شباب الحى
    وغالبا مل يكون لها بعد استراتيجى
    واضح فى طريق حركة الحسان ونسميها ..
    زاوية وقوف ركنية يحج اليها الشباب
    من كل حدب وصوب لملاقاة الحبان
    وهم وقوفا وقاشرين على سنجة عشرة
    وسنجة عشرة فى قاموس الشباب
    اناقة ظاهرة لاتقبل الجلوس
    يظل اصحابها وقوفا فى انتظار المحبوب جاء ام لم ..
    ترانا واقفين..
    واظنها ايضا من الاغانى السودانية
    الاصيلة فى عملية الوقوف
    لم تسعفنى الذاكرة بنصها هل من متذكر..
    حاولت جاهدا ان اصيد اى قصيدة
    حتى من زمن المحفوظات كلمة
    او جمله من كتاب المطالعة
    لكننى وجدت انها خالية من حالة الوقف
    الا تلك المكتوبة على ظهر حافلات نقل الركاب
    احذر وقوف متكرر..علامات المنع والتحذير
    والتى لايجدى معها فتيل ممنوع غسيل العربات ..
    عندما كنا صغارا كنا نردد كلمات مسجوعة
    لجارنا خليفه شابو
    والذى يمتلك لورى سفرى
    كان يمنعنا من لعب الكرة بجواره
    ويطلب من المساعد الصغير
    ان يشرف غلى ذلك المنع
    والذى سرعان ما يشاركنا اللعب
    فيخرج شابو ليضع حدا للعبتنا
    بمصادرة الكرة
    وانهاء خدمة المساعد .
    وكنا نردد..
    خليفة شابو
    خليفة شابو
    واقف فى بابو
    نادى المساعد
    اداو حسابو..
    فى ذلك الزمان لاتكرر كلمة الوقوف
    الا عند تتعلم قيادة العجلة والوقوف سدارى ..
    او بذكرى العيدين
    ونقول لليوم الذى يسبق يوم العيد
    بيوم الوقفه..
    حتى فى عيد الفطر
    والذى ليس لة علاقة بوقفة الحجيج بجبل عرفات
    ذلك اليوم المشهود وتلك وقفة المشهودة
    ياتى الحجاج ليحكوا كم المعانة
    التى سامهم لها ذلك اليوم بوقفته الطويلة
    وكثرة الزحام..
    وشدة السخام..
    فسارت به الامثال من زحام
    وزنقة وطوابير ..
    انه حلاق يوم الوقفة..
    او ترزى يوم الوقفة.
    وانطبقت كل هذه الوقفات علينا
    وعلى شعبنا المسكين ..
    ففى عهد الطاعية نميرى
    عرفنا مذلة الطوابير وهوان الوقوف فيها ..
    شظف العيش والضنك.
    رددها مغنواتى بكل صفاقة ..
    ان تلقى الغبش واقفين صفوف ..
    واصل كفاحك وخليك حريص ..
    انت القائد وانت الرئيس ..

    وصدق المسكين.
    وانقلبت الاية ..
    ووقفه الشعب الابى على كراع واحدة .
    بالرغم من معرفتنا المتجزره لكلمة الوقفة
    وإستخداماتها إلا أن مفردة واقف
    مفردة قليلة الاستخدام هنا وهناك .
    غير استخدامها من قبل اخونا
    بكرى ابوبكر سيد الحوش
    من توقيف فلان وسحب باسورد علان.
    لربما اهتم السودانيين بالقعدات
    وعملية القعدة والتحكر والانجعاص ..
    فالثقافة السودانية ثقافة قعدات ..
    واحتلت مفردة قعدة قاموس التجليات والشخصنة
    والاهمية قل لى ماهى شكل قعدتك
    اقول لك من تكون .

    القعدات فى العرف السودانى
    لها ثقفتها ومثاقفيها
    ولها طقوسها وادبياتها فى كل..
    اذا كانت تلك القعدات
    العامرة بالشراب
    من شاى وقهوة وخلافه
    او خالية منه ..
    كقعدات لعب الورق والشمار
    والونسة الدقاقة
    وفى الثقافة هنا يمكن ان نضع تحتها شرطة ونبدأ سطر جديد..


    يقول المادح :
    الشوق علينا اذداد
    والقعدة شينة
    ليه سوحت ابراهيم
    لمتين مشينا ..

    عندما ترنم بها الخالد احمد الجابرى
    جعلتنى ارجع البصر كرتين ..
    نعم هناك مواقيت القعده
    فيها لاتجوز..كمثال:-
    قال الهدندوى لاخيه :
    ( ادروب أخوك عجلتو امبرش والكلب معضعضتو وانت قاعد هنا اخر فنجرتك )
    ساعتها احسست الدنيا دى ما فيها خير
    وصحيح القعدة شينة
    وبعد الحالة الوصلت ليها البلد دى
    يمكن ان نصيح ونصرخ ونصرح :القاعدين ليها شنو ..
    المصرين كانوا دأئما ما يرددونها..
    قاعدين لية ماتقوموا تروحوا ...
    ورردها شبابنا كثيرا
    وخاصة فى منافسات الدورة المدرسية
    كتأكيد للإستلاب الثقافى
    وطغيان المنتج المصرى
    حتى لو مات الشعب السودانى كلو
    فى الميدان الشهير قبايل العيد
    بترسانة الشرطة المصريه.


    ساقنى للحديث عن الكلمة واقف
    ارتباطها بهذا السوق الشهير
    فما ان وطأة قدماى هذا لبلد المضياف
    الا ويسالنى قاطنوا الدوحة هل زرت سوق واقف ..
    كنت قد زرت فى منتصف الثمانينات
    سوق بنفس الاسم بدولة الكويت
    بالقرب من سوق الوطنية
    لا ادرى ان كان لم يزل هناك
    ولكن نجد اسواقنا وبرغم كثرتها
    وتعدد اسمائها..
    لكنها تقف بمناى عن الوقوف
    انها من نوع سوق يمكن
    ان نسميه وبقلب قوى سوق قاعد ...

    فى كثير من اسواق العالم
    نجد ان البائعين كلهم وقوفا
    يعرضون بضاعتهم ويساعدون المشترين
    فى حركة دؤبة لاتعرف الملل
    وفى تؤدة وطولة بال يساعدون على الاختيار
    ويقدمون النصائح
    ويجرون التجارب ليؤكدوا جودة ومنتجاتهم
    الا فى بلدى كان عجبك شيل
    والا فى ستين..
    الف مغفل غيرك
    سوف يشترى اردأ ما نستورد
    وطن مكبات الذبالة فى الصين
    وغيرها..
    وبالفلوس ..
    والعجبو عجبو..
    والماعجبو يشرب من البحر ماء إن وجد..


    تجارتنا ترتبط دائما بالجلوس
    لا يخلو متجر من كم من الكراسى ..
    البنابر ..البروش ..
    الصناديق المعدلة للجلوس
    وخاصة صناديق المياة الغازية
    وكثير من الجلاس والجالسين ..
    لايفوتنى ان اذكر ان اسم جالس
    اسم متعارف فى غرب السودان
    ولى اصدقاء كثر يحملون هذا الاسم الفخيم ..
    كدة اقعد فى الواطة دى وخت الرحمن فى قلبك .

    إن البائع المشترى
    والذين بينهم يفتح اللة ويستر اللة
    دائما ماتنتهي بهم عملية المبايعة
    بالقعاد فى الواطة
    وبداية تدقيق الحساب
    بجرجرة خطوط على الارض بالعصاة
    وقالبا ما يحسم الاصبع السبابة
    الامر قبل تدخل السبابة.
    والسبابه كلمة سودانية قحة تغنى السماسره.

    كل الاعمال التجارية تتم جلوسا
    فنجد هنالك غداء العمل او عشائة
    واجتماعات رجال الاعمال وقعداتهم
    التى تتم فيها الصفقات ..
    ماعدا التجارة الخارجة عن القانون
    والعمليات المريبة كتجارة المخدرات والاسلحة
    وعمليات غسيل الاموال
    فهى عمليات مشبوه
    تفتقد للثقة والطمأنينة
    وتتم فى الخفاء
    وبشكل سريع
    وكل يتربص بالاخر
    فتتم وقوفا..
    وتختتم فى الغالب
    وخاصة فى الافلام
    بتجريدات السلاح
    ويتتدخل الخير (البوليس)
    والذى قالبا ما ياتى متاخرا ..

    فهو ياتى فقد فى الافلام
    لكن فى الحقيقة
    مثل هذه التجارة تتم لاناس عليهم حلل من استبرق
    وهم على الارائك يجلسون
    وفى هدوء تام يوقعون
    وحولهم حور كاللؤلؤ المكنون
    ويطوف عليهم ولدان مخلدون
    باكواب واباريق من فضة
    وكل ما يخطر على البال
    من صور الجمال
    مع اختلاف وجهات النظر
    وكلنا نعلم علم اليقين
    ان اختلاف وجهات النظر
    لايفسد للود قضية..

    وتداعيات فلسفة الجمال..
    ففى اسواقنا..
    والتى تسمى بام دفسو..
    والملجة ..
    وسوق ام سيويقوه ..
    وسوق النسوان والطواقى
    واسواق يجلس فيها المرء
    من صبح الرحمن بجوار ستات الشاى والجبنة
    قعدات والعجاين والمدايد والخبيزه
    واسوق الاكل والشراب
    من سوق منواشى حتى سوق الناقة ..
    وسوق صناعة الجلوس كسوق العناقريب .
    وسوق الصابرين ...
    وترانا صابرين
    وصابرين ياحلم الغنا..

    كلها اسماء ترتبط
    بالصبر القعاد
    وقلة الحيله
    والانتظار فالسوق واقف.

    فوقوف السوق كناية
    على الكساد والبوار
    وان القوة الشرائية ضعيفة
    لشعب حالو واقف ..


    والبنات ايضا سوقن واقف
    وهن يتتطلعن للزواج
    ووقفة السباته..

    وقفة العروس يوم قطع الرحط
    تلك الوقفة التى نجد
    فيها العريس ايضا
    واقف متلش ..
    فى انتظار ان ينفض هذا السامر
    وقد ولجت شباكه كم
    من الاقوان المدبره
    من العروس وصويحباتها
    الا ان هذة الوقفة لن تطول
    فقد سبقتها قعدة الكوشه...
    لتنتهى فى التسلسل الطقسى بقعدة الجرتق ..

    اريتو حالك ..
    وحال وليداتك ..


    انها قعدات وقعدات ..
    سأتيها لاحقا..
    قعدات صنعت..
    وانتجت ابداع طروب ..
    واداب وفنون ..
    قعدات غيرت سفر التاريخ ..
    قعدات ..انقلابات .. وثورات..
    فى تاريخ الوطن الجريح ..


    انها قعدات وقعدات ..
    ..وجلسات ..

    من زاويه ضيقة فى سوق واقف ..

    ...
    ...
    ...

    *
    **
    ***
                  

العنوان الكاتب Date
فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 08:12 AM
  Re: فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 08:18 AM
    Re: فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 09:39 AM
      Re: فضل الله المكى ..م السنى دفع اللة واخرون ..سوق واقف زاوية اخري.. كمال سالم11-17-09, 09:48 AM
        Re: فضل الله المكى ..م السنى دفع اللة واخرون ..سوق واقف زاوية اخري.. عزام حسن فرح11-17-09, 10:07 AM
          Re: فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 10:23 AM
        Re: فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 10:12 AM
          Re: فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 10:27 AM
          Re: فضل الله المكى ..م السنى دفع اللة واخرون ..سوق واقف زاوية اخري.. Azhari Nurelhuda11-17-09, 10:41 AM
            Re: فضل الله المكى ..م السنى دفع اللة واخرون ..سوق واقف زاوية اخري.. جعفر محي الدين11-17-09, 10:55 AM
              Re: فضل الله المكى ..م السنى دفع اللة واخرون ..سوق واقف زاوية اخري.. Muna Khugali11-17-09, 11:40 AM
                Re: فضل الله المكى ..م السنى دفع اللة واخرون ..سوق واقف زاوية اخري.. Rashid Elhag11-17-09, 03:35 PM
                  Re: فضل الله المكى ..م السنى دفع اللة واخرون ..سوق واقف زاوية اخري.. عزام حسن فرح11-17-09, 04:55 PM
                    Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 04:30 AM
                  Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 05:17 AM
                Re: فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 08:15 PM
                Re: فضل الله المكى ..م السنى دفع اللة واخرون ..سوق واقف زاوية اخري.. Muna Khugali11-18-09, 11:00 AM
              Re: فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 07:50 PM
            Re: فضل الله المكى ..م السنى دفع اللة واخرون ..سوق واقف زاوية اخري.. sumah11-17-09, 07:11 PM
              Re: فضل الله المكى ..م السنى دفع اللة واخرون ..سوق واقف زاوية اخري.. haroon diyab11-17-09, 08:38 PM
                Re: فضل الله المكى ..م السنى دفع اللة واخرون ..سوق واقف زاوية اخري.. عماد الشبلي11-17-09, 09:03 PM
                  Re: فضل الله المكى ..م السنى دفع اللة واخرون ..سوق واقف زاوية اخري.. Nasr11-18-09, 05:26 AM
                    Re: فضل الله المكى ..م السنى دفع اللة واخرون ..سوق واقف زاوية اخري.. حسن طه محمد11-18-09, 05:53 AM
                      Re: فضل الله المكى ..م السنى دفع اللة واخرون ..سوق واقف زاوية اخري.. عزام حسن فرح11-18-09, 06:33 AM
                      Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 08:18 AM
                    Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 08:07 AM
                  Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 07:51 AM
                Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 07:31 AM
                  Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 08:56 AM
                    Re: فضل الله المكى ..م السنى دفع اللة واخرون ..سوق واقف زاوية اخري.. حسن طه محمد11-18-09, 09:14 AM
                      Re: فضل الله المكى ..م السنى دفع اللة واخرون ..سوق واقف زاوية اخري.. haroon diyab11-18-09, 09:18 AM
                        Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 09:30 AM
                          Re: فضل الله المكى ..م السنى دفع اللة واخرون ..سوق واقف زاوية اخري.. عبدالأله زمراوي11-18-09, 09:44 AM
                            Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 10:08 AM
                      Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 09:44 AM
                        Re: فضل الله المكى ..م السنى دفع اللة واخرون ..سوق واقف زاوية اخري.. Huda AbdelMoniem11-18-09, 10:21 AM
                        Re: فضل الله المكى ..م السنى دفع اللة واخرون ..سوق واقف زاوية اخري.. Huda AbdelMoniem11-18-09, 10:21 AM
                        Re: فضل الله المكى ..م السنى دفع اللة واخرون ..سوق واقف زاوية اخري.. Huda AbdelMoniem11-18-09, 10:21 AM
                          Re: فضل الله المكى ..م السنى دفع اللة واخرون ..سوق واقف زاوية اخري.. sumah11-18-09, 10:33 AM
                            Re: فضل الله المكى ..م السنى دفع اللة واخرون ..سوق واقف زاوية اخري.. Huda AbdelMoniem11-18-09, 12:25 PM
                              Re: فضل الله المكى ..م السنى دفع اللة واخرون ..سوق واقف زاوية اخري.. Alsa7afa_3011-18-09, 03:24 PM
                                Re: فضل الله المكى ..م السنى دفع اللة واخرون ..سوق واقف زاوية اخري.. عماد الشبلي11-18-09, 03:38 PM
                                  Re: فضل الله المكى ..م السنى دفع اللة واخرون ..سوق واقف زاوية اخري.. عماد الشبلي11-18-09, 03:48 PM
                                    Re: فضل الله المكى ..م السنى دفع اللة واخرون ..سوق واقف زاوية اخري.. Huda AbdelMoniem11-18-09, 05:43 PM
                                      Re: فضل الله المكى ..م السنى دفع اللة واخرون ..سوق واقف زاوية اخري.. ناجية مصطفى11-19-09, 10:06 AM
                                        Re: فضل الله المكى ..م السنى دفع اللة واخرون ..سوق واقف زاوية اخري.. محمد فضل الله المكى11-19-09, 05:10 PM
                                          Re: فضل الله المكى ..م السنى دفع اللة واخرون ..سوق واقف زاوية اخري.. Huda AbdelMoniem11-20-09, 10:47 AM
                                            Re: فضل الله المكى ..م السنى دفع اللة واخرون ..سوق واقف زاوية اخري.. محمد فضل الله المكى11-21-09, 02:38 PM
                                              Re: فضل الله المكى ..م السنى دفع اللة واخرون ..سوق واقف زاوية اخري.. sumah11-23-09, 05:05 PM
                                                Re: فضل الله المكى ..م السنى دفع اللة واخرون ..سوق واقف زاوية اخري.. sumah11-26-09, 07:30 AM
                                                  Re: فضل الله المكى ..م السنى دفع اللة واخرون ..سوق واقف زاوية اخري.. Huda AbdelMoniem11-26-09, 09:52 AM
                                                    Re: فضل الله المكى ..م السنى دفع اللة واخرون ..سوق واقف زاوية اخري.. sumah11-26-09, 02:59 PM
                                                      Re: فضل الله المكى ..م السنى دفع اللة واخرون ..سوق واقف زاوية اخري.. عماد الشبلي11-26-09, 07:58 PM
                                                        Re: فضل الله المكى ..م السنى دفع اللة واخرون ..سوق واقف زاوية اخري.. sumah12-10-09, 06:16 PM
                                          Re: فضل الله المكى ..م السنى دفع اللة واخرون ..سوق واقف زاوية اخري.. sumah12-10-09, 06:55 PM
                                Re: فضل الله المكى ..م السنى دفع اللة واخرون ..سوق واقف زاوية اخري.. sumah12-10-09, 06:25 PM
                                  Re: فضل الله المكى ..م السنى دفع اللة واخرون ..سوق واقف زاوية اخري.. Rawia12-10-09, 07:02 PM
                                  Re: فضل الله المكى ..م السنى دفع اللة واخرون ..سوق واقف زاوية اخري.. Huda AbdelMoniem12-12-09, 08:18 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de