|
|
 Re: وصية (Re: أبوذر بابكر)
|
سلام يا صديقي العزيز
وشوق ..
قريت من فوق القصيده .. ووقفته مره وقريته تاني .. وحسيت في حاجه جديده بقراها فيك لي اول مره .. نزلته وقريت التعليقات .. وتعليقك عن النص "اتكيفته"
عارف .. زمان شديد كنته بقول انا " قاص" وبحب اكتب قصه قصيره طوالي وخلاص رتبته نفسي زي ما بقولوا على كده .. لكن يوم كده حصلت حاجات جوه وكنته داير اكتب وما طلع غير شعر .. ورغم اني ما بحفظ وده عيب لكن اول واحده حافظه صم
لقيتك
فرح مبتور وشارد
عرفتك
روعه تنساب اندهاش ترسم السريالي وتدي لي عمق البنفسج عمق تاني
لمستك
......
وتمشي طوالي على هادي الوتيره
المهم .. تمر السنين وتمر .. وبحصل لي الحصل ليك .. بضحك .. وافكر فيها .. ومره كده قلته الا اكتبه تاني .. والله جاطت كيف !
يا صاحبي
القصيده ياها القصيده .. بي زمن وبي طعمه .. زي الحله والاصحاب والعشيقات .. يمضي الزمن ونتغير .. ويبقى الاحساس بهم نفس الاحساس ..
"احتفاءا بالنص العتيق .. والعوده للكتابه معك على جدار نقشك الخاص "
لك التحايا
ودالسر!
|
|
 
|
|
|
|
|
| |
Aymen Tabir
فيس بوك
تويتر
انستقرام
يوتيوب
بنتيريست