|
Re: صوره زوجتي المفقوده في الانترنيت و(الخروف الضاحك) (Re: محمد زكريا)
|
تنهدت قليلا وتململت في مقعدي واسردت.. - يعني هسع خلاص هه؟ - شنو الخلاص ؟ انت لسه بتفكر في السودانيه وما ادراك.. يا عم جلٌي - ياخ لكن والله انا الشفتوا من النرويجيه بتاعتي الفاتت دي تاني توبه من الخواجات ديل - يا عم انت الجاب ليك سيره نرويجيه منو؟........ بقول ليك شرق اوربا فاهم يعني ايه شرق اوربا.. انت عارف ديل طبعهم زي طبايعنا واحسن مننا زاتوا, ياخ انا لمن ارجع من الشغل بلقي اي حاجه تمام التمام’ الاكل النضافه , ال.....ياخي دي الواحده من الصباح لحدي ما ترجع ما عندها هم غيرك بعدين الواحده تلقاها عندها شغلها ووظيفتها لكن البيت اصلوا ما بقصروا فيه ده غير الحنان واللطافه والتعامل الراقي والزوق والاحترام وعييييييييك بس خليها ساكت .. ياخ عليك الله انت اكتر من كده داير شنو تاني. - لكن زوله زي دي ما بتتلقي بسهوله بعدين الزواج قسمه ونصيب ياخ - قسمه ونصيب ده كان زمان دلوقت ابحث وبس - ما هو البحث ده زاتوا المشكله .. ده ما عندنا وقت ليه عشان كده الواحد احسن يخلي اهله يفتشوا ليهو والقسمه بتحكم - عشان بعدين لم تتطلقوا تقول انا ما اخترتها .مش كده ؟ يا معلم خليك واقعي , سفر رجعه تاني مافي, وبعدين زمنك ضيق ده لو.. لو سافرت, وقصه اهل دي يمين صدقني اهلك ما بكونوا دايرين منك غير الدولارات البترسلها ليهم ياخ شوف ليك شرق اوربيه و انسي - هسع الشرق اوربيه دي زاتها يلقوها وين عليك الله , انحنا زاتنا جينا لي بلد في اقصي الكره الارضيه ينعل ابو دي بلد ياخ..فقر - اقول ليك حاجه ابحث في الانترنيت بتلقي ليك واحده بس اتاكد من الصور ممكن تكون مسروقه ضحكنا من سخريتنا لوضعنا الذي يحسد عليه ولكننا نتذمرمنه بالرغم من ذلك, وتحدثنا عن الفرق بين النساء وكان هنالك وصف وتقييم واختلاف وجهات نظر, وضربنا الامثله وحكينا بعض قصص. تضايقت حين القيت نظره سريعه علي مرأة القياده ولمحت سياره تسير ليس علي بعد كبير من خلفنا وكانت قد ظلت علي هذا الحال لوهله فازداد قلقي, لربما سياره شرطه مدنيه... ظننت وصدق ظني, ولكن لماذا تتابعنا الشرطه ؟ هل خالفنا قانوناً للمرور او تجاوزنا الحد الاقصي للسرعه
ونتابع البحث
|
|
|
|
|
|
|
العنوان |
الكاتب |
Date |
صوره زوجتي المفقوده في الانترنيت و(الخروف الضاحك) | محمد زكريا | 09-12-09, 06:45 PM |
Re: صوره زوجتي المفقوده في الانترنيت و(الخروف الضاحك) | محمد زكريا | 09-12-09, 06:50 PM |
Re: صوره زوجتي المفقوده في الانترنيت و(الخروف الضاحك) | محمد زكريا | 09-12-09, 06:59 PM |
Re: صوره زوجتي المفقوده في الانترنيت و(الخروف الضاحك) | محمد زكريا | 09-12-09, 07:07 PM |
Re: صوره زوجتي المفقوده في الانترنيت و(الخروف الضاحك) | ناصر احمد الامين | 09-12-09, 11:14 PM |
Re: صوره زوجتي المفقوده في الانترنيت و(الخروف الضاحك) | محمد زكريا | 09-13-09, 02:31 AM |
Re: صوره زوجتي المفقوده في الانترنيت و(الخروف الضاحك) | Hatim Elmaki | 09-14-09, 04:33 PM |
Re: صوره زوجتي المفقوده في الانترنيت و(الخروف الضاحك) | خالد العطا | 09-14-09, 07:46 PM |
Re: صوره زوجتي المفقوده في الانترنيت و(الخروف الضاحك) | محمد زكريا | 09-19-09, 11:10 AM |
Re: صوره زوجتي المفقوده في الانترنيت و(الخروف الضاحك) | haroon diyab | 09-19-09, 11:14 AM |
Re: صوره زوجتي المفقوده في الانترنيت و(الخروف الضاحك) | Elkhawad | 09-19-09, 12:10 PM |
Re: صوره زوجتي المفقوده في الانترنيت و(الخروف الضاحك) | محمد زكريا | 09-19-09, 10:41 PM |
Re: صوره زوجتي المفقوده في الانترنيت و(الخروف الضاحك) | محمد زكريا | 09-19-09, 10:38 PM |
Re: صوره زوجتي المفقوده في الانترنيت و(الخروف الضاحك) | محمد زكريا | 09-27-09, 03:22 AM |
Re: صوره زوجتي المفقوده في الانترنيت و(الخروف الضاحك) | الطيب العامرى | 09-27-09, 09:54 AM |
|
|
|