|
|
 الاخوة المغتربين الاهل بلغت اللهم فاشهد
|
لكل المتواجدين فى دول المهجر لاتعودوا الى ارض الوطن الان، ورغم اشتياقنا اليكم وتمنياتكم انتم بحضوركم هنا الا انكم ستصابون بنوع غريب من الهيستريا بعد مرور اسبوع واحد فقط من حضوركم انها هيستريا الاحباط والزهج والملل وده كلو كوم والزهايمر كوم براهو فنوعية هذا المرض للاخوة المغتربين نوعيه خاصه تجعلك خارج نطاق الزمن طاشى شبكه وتبتسم بدون سبب هذا بالنسبه للاخوة المغتربين مابين عامين الى خمسة اعوام ام الذين تخطوا حاجز العشرة اعوام فسيصابون بمرض الزهول والزغلله وهو مرض خطير جدا يجعلك غير قادر على الجلوس فى مكان واحد وفى حالة اندهاش دائم ، وبحسبان عوامل الطقس الحار جدا والذى يشابه الى حد كبير طقس الابل فى الصحراء ستجدون انفسكم غير قادرين على الكلام وبعد خمسة ايام فقط ستتحول تلك الربربه فى الكلام والضحكات المجلجله الى اشارات فقط، مع ظهور تلك التجاعيد على الوجه ومن حين الى اخر تحتاج ان تمسح على وجهك ذلك العرق الغزير بكلتا يديك وفى نفس الوقت تحتاج ان تتكلم فلا تستطيع، حتى الاشارة انعدمت بعد ان تكبلت يداك ولن تجد سبيل غير ان تطلق صرخه قوية جدا تخفف عنك وطأة ماانت فيه...
فى الاسبوع الاول ستكون مبتهج فى المساء بلمة الاهل والاصدقاء وذلك الحبور الذى يملأ المكان وشاى المغرب وناس الحلة الحلوين ولو مامتزوج سيتاهفت عليك الجكس من كل جهة وكل واحده تجى وامها معاها ويرسمون على وجوههم ابتسامة عريضه ويغمرونك بوابل من التحايا والتمنيات والاشواق فى محاولة لتقريب المسافات ، والامور ستكون كلها على مايرام خصوصا انك لسه مافتحت الشنط التى ترقد داخل تلك الغرفه المطرفه والابواب مغلغه والكل يترقبونها ويمرون من امام الغرفه يتنسمون تلك الروائح المنبعثه منها لذلك ستحظى بمزيدا من الاهتمام الى حين ان يأخذ كل زول نصيبو، وستقضى معظم الثلاثه ايام الاوله فى سمر يمتد الى مابعد منتصف الليل اوربما الى مشارف الفجر يكون وقتها الباعوض قد ارتحل ولكن خبر وصولك الى ارض الوطن لابد انه قد وصل الى اسراب الباعوض المرابطه فى مكان ما بالقرب من منزلكم فيدور بينها همس وتقترب من بعضها البعض وهى تبتسم فهاهى باعوضه صغيره تتحفز بشده وهى تهمس للبقيه وتقول لهم والسعاده تغمرها (حسب السمعتو صاحبنا ده جاى من السعوديه ليهو سنين ماجا السودان) فترد عليها باعوضه اكبر حجما (ده بكون عندو دم صاح و...... ) وقبل ان تكمل حديثها تقاطعها باعوضه متوسطة الحجم وتقول(انا شفتو سمين وامين) وهكذا تكون خيوط المؤامرة قد اكتملت وفى مساء اليوم الرابع تداهمك اسراب من الباعوض تفشل معها كل المحاولات واود ان احيط سيادتكم علما ايها المغتربين ان باعوض هذه الايام هنا فى السودان يختلف عن باعوض زمان فهو لايتأثر بكل انواع البف باف ودواء الباعوض وتلك المساحيق وله مقدره عجيبه على تخطى كل الحواجز من بطانيه الى ملايه الى توب وله مقاومه عجيبه لكل التيارات الهوائيه من مروحه الى مكيف والله العظيم لن تستطيعوا معه صبرا ومع طلوع شمس يوم جديد يغادر فى هدوء تام ويتركك وانت فى حيرة من امرك تسال نفسك ده شنو ده وتلعن ابوها اجازة...
وفى الصباح ستحاول ان تخرج مبكرا لجهاز شئون المغتربين للقيام ببعض الامور وستحاول ان تبحث عن الماء الذى سيمنحك النشاط فى ذلك الصباح ولكن هيهات فالماسورة تصدر صوت اشبه بالشخير والجرادل فاضيه وعندما تسأل اين الماء حايقول ليك( دقيقه خلى واحد من الشفع يجى عشان يملى ليك الجردل ده من ناس خديجه) ياالله هذه هى العبارة التى ستجد طريقها الى لسانك فى هذه اللحظه وستنظر ساعات اخرى لحدى مايجيبو المويه وملعونه دى بلد مويه مافيها
وفى جهاز شئون المغتربين ستتنقل بين تلك الصفوف الطويله وستدفع فى كل شباك تمر به وهى اكثر من خمسه شبابيك وفى كل مرة ستندهش وانت تردد( قلت كم)؟ ويجيبك الموظف( مليون انت ليك سنين ماجييت) وفى اخر شباك وبعد ماتتنفض تمام من القروش ورجلينك تكون ماشايلاك و مع ارتفاع درجات الحرارة و العرق يتصبب من كل جزء فى جسدك، تسأل الموظف المتواجد وفى الغالب ماتكون موظفه زهجانه وجنبها كميه من السندوتشات وخشمها مليان اكل (كده خلاص مش) وترد عليك بكل استهتار (الخلاص شنو؟باقى ليك الضرائب امشى صالة 2) يادينى النبى ياخى هو ده اصلو شنو ان والله حق الموصلات بقى ماعندى ملعون البجيك يابلد ....
وتعود ادراجك الى المنزل والساعه قاربت الثانيه منتصف النهار طبعا الجو ذى ماقلنا جو ابل ولا اقول ليكم حاجه والله جو غنم عديل كده والناس ماتزعل ولا اعتراض على حكم الله ولانساله رد القضاء ولكن اللطف فيه هى عبارات ترددها وانت تبحث عن حافله تعود بك الى المنزل بعد ان ضاع حق التاكسى فى دهاليز جهاز المغتربين ومع ذلك الزحام والازدحام تعود وقد تملكك تعبا رهيب وتمنى نفسك بنومه حلوة كده وجو بارد وتحلم بذلك المكيف الذى جلبته معك قبل ايام ليقلل من سخونة المنزل وعندما تدوس على جرس المنزل لا احد يفتح لك الباب فتحاول مرات ومرات لكن لا احد يفتح وتقول بينك وبين نفسك(ياربى الجرس بايظ ولا شنو) ؟ فى محاولة لتطرد تلك الفكرة السخيفه التى بدأت تنتابك وعندها تحاول ان تستمع لصوت الجرس لكن صوته لايصل اليك فتطرق الباب بشده بعد ان تفقد الامل فيه فيفتح لك الباب ويطل عليك احدهم فتساله ( الجرس بايظ صاح؟) فيقول لك ( لا لا الكهربه قاطعه) ..............ياخى انعل .......استغفر الله العظيم يارب.. لا اله الا الله ... لاحوله ولاقوة الابالله .... وبعد مرور اسبوعين من الاجازة حضر بعض الاقارب ليسلموا عليه وعند السؤال عنه وجدوه قد قطع اجازته وعاد... اما اخوانا المغتربين الذين ينتابهم جنون الاستقرار النهائى والحركات بتاعت قرفنا من الغربه وكده ،وعايزين اولادنا يتعودوا على اهلهم، وماعارف يشوفوا البلد، والاوهام التجاريه دى ،فهؤلاء عندما يعودون سيركبون التونسيه وهى خطوط داخل السودان تذكرتها ذهاب فقط دون رجعه لانها تذهب الى الآخرة وهى خيروابقى ولاحوله ولاقوة الابالله.
............ ايها الاخوة المغتربين انه وطنا يعكر صفو المجى لزيارة الاهل والحبان وطنا يفقدك بهجة ذلك الاشتياق، يجعلك تتلو من فرط الألم ،وطنا يصادم احلامك التى حلمتها قبل المجى، يمزق احشائك، وهو يفتقر لابسط مقومات الحياة، وطنا يحول مشاعرك واحاسيسك الدافئة التى جئت تحملها اليه، الى فواتير تدفع ثمنها من جيبك ومن دمك ومن منام عينيك، لذلك لاتحلموا بوطنا سعيد الى حين ان يذهبوا عنه هؤلاء، ،،عشان كده اوعكم تجوا وتعملوا فيها مفتحين تقولوا اجازة سريعه كده ونرجع ستعودون بعد الاجازة لكن اشلاء،، تحتاجون شهورا طويله حتى تلملموا انفسكم من جديد وتنمحى عنكم اثار معركة داميه خضموها اثناء الاجازة.. والغريبه انها معركة ليست مع الاعداء انها مع الوطن!!!!
ويابلدى يافردة جناحى التانى وكت الناس تطير لى عالمه.....وا وجعة الزول البجيك مايلقى فيك غير الهجير وناس تواتى مسالمه
كل البشاشات القبيل تلقاها ميته مسممه ...والجاته جاته من الارض...ماجاته من تالا السما
|
|
 
|
|
|
|
|
| العنوان |
الكاتب |
Date |
| الاخوة المغتربين الاهل بلغت اللهم فاشهد | مدثر قرجاج | 08-10-09, 03:39 PM |
| Re: الاخوة المغتربين الاهل بلغت اللهم فاشهد | نوفل عبد الرحيم حسن | 08-10-09, 04:02 PM |
| Re: الاخوة المغتربين الاهل بلغت اللهم فاشهد | مهيرة | 08-10-09, 07:37 PM |
| Re: الاخوة المغتربين الاهل بلغت اللهم فاشهد | عثمان جلال الدين | 08-10-09, 07:49 PM |
| Re: الاخوة المغتربين الاهل بلغت اللهم فاشهد | ismeil abbas | 08-10-09, 08:35 PM |
| Re: الاخوة المغتربين الاهل بلغت اللهم فاشهد | محمد فضل الله المكى | 08-11-09, 05:59 AM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 06:24 AM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 06:36 AM |
| Re: الاخوة المغتربين الاهل بلغت اللهم فاشهد | SHIBKA | 08-11-09, 07:02 AM |
| Re: الاخوة المغتربين الاهل بلغت اللهم فاشهد | حسن طه محمد | 08-11-09, 07:20 AM |
| Re: الاخوة المغتربين الاهل بلغت اللهم فاشهد | فايزودالقاضي | 08-11-09, 07:23 AM |
| Re: الاخوة المغتربين الاهل بلغت اللهم فاشهد | عبدالله كع | 08-11-09, 08:32 AM |
| Re: الاخوة المغتربين الاهل بلغت اللهم فاشهد | معتصم الطاهر | 08-11-09, 08:35 AM |
| Re: الاخوة المغتربين الاهل بلغت اللهم فاشهد | جعفر محي الدين | 08-11-09, 10:51 AM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 01:00 PM |
| Re: الاخوة المغتربين الاهل بلغت اللهم فاشهد | عصام علي أحمد | 08-11-09, 01:22 PM |
| Re: الاخوة المغتربين الاهل بلغت اللهم فاشهد | جلال جبريل | 08-11-09, 01:10 PM |
| Re: الاخوة المغتربين الاهل بلغت اللهم فاشهد | عادل عبدالعزيز عبد الرحيم | 08-11-09, 01:30 PM |
| Re: الاخوة المغتربين الاهل بلغت اللهم فاشهد | البشير دفع الله | 08-11-09, 01:39 PM |
| Re: الاخوة المغتربين الاهل بلغت اللهم فاشهد | صلاح حمد | 08-11-09, 01:51 PM |
| Re: الاخوة المغتربين الاهل بلغت اللهم فاشهد | خالد العطا | 08-11-09, 01:43 PM |
| Re: الاخوة المغتربين الاهل بلغت اللهم فاشهد | nazar hussien | 08-11-09, 03:13 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 04:06 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 04:22 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 04:41 PM |
| Re: الاخوة المغتربين الاهل بلغت اللهم فاشهد | ismeil abbas | 08-11-09, 04:35 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 04:54 PM |
| Re: الاخوة المغتربين الاهل بلغت اللهم فاشهد | عمار زكي | 08-11-09, 05:12 PM |
| Re: الاخوة المغتربين الاهل بلغت اللهم فاشهد | Osman Musa | 08-11-09, 05:20 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 05:36 PM |
| Re: الاخوة المغتربين الاهل بلغت اللهم فاشهد | البحيراوي | 08-11-09, 06:10 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 10:48 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-11-09, 11:14 PM |
| Re: الاخوة المغتربين الاهل بلغت اللهم فاشهد | خـالد سـوميت | 08-12-09, 06:35 AM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 07:17 AM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 07:24 AM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 07:32 AM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 07:44 AM |
| Re: الاخوة المغتربين الاهل بلغت اللهم فاشهد | مجدي عبدالرحيم فضل | 08-12-09, 08:15 AM |
| Re: الاخوة المغتربين الاهل بلغت اللهم فاشهد | وليد عبد اللطيف | 08-12-09, 08:38 AM |
| Re: الاخوة المغتربين الاهل بلغت اللهم فاشهد | عبدالحليم حامد النعيم | 08-12-09, 11:04 AM |
| Re: الاخوة المغتربين الاهل بلغت اللهم فاشهد | محمد عبدالقادر سبيل | 08-12-09, 02:33 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 04:22 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 04:25 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 04:42 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 04:51 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 04:56 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 05:07 PM |
| Re: الاخوة المغتربين الاهل بلغت اللهم فاشهد | جمال السنوسي | 08-12-09, 05:05 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 09:53 PM |
| Re: الاخوة المغتربين الاهل بلغت اللهم فاشهد | Kamal Karrar | 08-12-09, 10:21 PM |
| Re: الاخوة المغتربين الاهل بلغت اللهم فاشهد | Sidgi mattar | 08-12-09, 10:28 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-12-09, 10:30 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-13-09, 05:48 AM |
| Re: الاخوة المغتربين الاهل بلغت اللهم فاشهد | مدثر قرجاج | 08-13-09, 04:06 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-13-09, 04:44 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-13-09, 05:02 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-13-09, 05:07 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-13-09, 05:13 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-13-09, 09:42 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-13-09, 09:50 PM |
| Re: الاخوة المغتربين الاهل بلغت اللهم فاشهد | Kamal Karrar | 08-13-09, 10:13 PM |
| Re: الاخوة المغتربين الاهل بلغت اللهم فاشهد | Kamal Karrar | 08-13-09, 10:16 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-15-09, 02:13 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-16-09, 04:24 PM |
 Re: الاخوة المغتربين الاهل بلغت اللهم فاشهد | lana mahdi | 08-25-09, 08:22 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-26-09, 12:34 PM |
| Re: الاخوة المغتربين الاهل بلغت اللهم فاشهد | مدثر قرجاج | 08-31-09, 08:30 PM |
|
| |
مدثر قرجاج
فيس بوك
تويتر
انستقرام
يوتيوب
بنتيريست