|
|
 Re: هاشم صديق..... هاشم ود امنة.... يتجدع (Re: فيصل محمد خليل)
|
بوح خصوصى...الفواصل و الدواخل
1
شن أديتني يا مالكني
يا وطنا مكثفني ومفتفتني
شن أديتني غير قيدا مونسني
غير أسما بوسوسني
غير ريدا مجرسني
شن أديتني يا كاتمني
غير روحا تتأورني
غير عشما مصحيني ومنومني
زي برقا صبح حزنا مصاقرني
غريبة تكون انت البتسجني
وتفك أسري
عجيبة تكون تداويني وتقطعني
تزيد حزني وتشيل همي
تجرجر فيني لي جني
وتنجدني وتطب عقلي
شن أديتني يا مالكني
غير انك مرسيني ومطوطحني
غير انك عديل يا سيدي تلبسني
من رأسي لحد قدمي وتقلعني
غير انك بتحضني وتشوكشني
تجدعني وتلم فيني
سألتك بالذي سواك
يا مالكني يا مولاي يا بعضي ويا كلي
أسجني وقيدني في نارك وفي تارك
وفي دارك ولا لوما تفك أسري
|
|
 
|
|
|
|
|
| |
خالد حامد الجزولي
فيس بوك
تويتر
انستقرام
يوتيوب
بنتيريست