لبنة الان في قناة العربية بنفس الملابس التي قبض عليها وقالت :

Quote: عارف ياناجي مره حصل لي كيس في الحيقة دي سقت الاولاد عشان يلعبوا وفعلا مشوا يلعبوا قعدنا انا والمدام في النجيلة نتونس ونسامر قريبين من بعض جانا بتاع الامن وقال لي قوموا من هنا قلت ليه ابيت قال لي قوموا معاي قلت انا بقوم ماعك لكن دي ما بتقوم من محلها ومحل ما داير تمشي بمشي معاك وداني مكتب الامن ارغى وازبد وحا اعمل ليكم وحا اسوي ليكم قلت ليه ما تنبح يا زول شوف اجراءك القانوني وسويه لو عندك حاجة تاني عاوز تسويها خلاف القانون حبابك الف جا المسئول منهم وقال ليه ااطلب ناس النظام العام خليهم ينفضحو وبدو تحقيهم اول سؤال سالني ليه قال لي البقعد من البت دي شنو رديت قلت ليه ساكت كده في حاجة بتمنع قال لي لم نجركم للقسم ونعمل ليكم فضيحة انت والمعاك دي بتعرف حاجة وما حا نفكها الا وكت يجو اهلها قلت ليه اهلها قاعدين قدامك قال لي قصدك شنو قلت ليه انا اهلها دي زوجتي وعندي منها 3 شفع وانا المسئول منهم ومنها لو عندك اي حاجة ضدها انقلها لي انا اهلها وارحكاكا القسم عشان نعرف زاتو انتو متعودين هنا تتعرضو للاسر الجاية ترفه ولا كيف ؟ وبقينا في الاعتزار والاسف