|
Re: وزير الداخلية السوداني: قتلى النزاع القبلي في جنوب كردفان 244 بينهم 75 شرطيا!!!!!!!!! (Re: jini)
|
(يا فيصل اخوى زمان نسمع بى تنظيم او حزب او حكومة فيها طابور خامس لكن اول مرة اسمع لى بحكومة كلها طابور خامس! يعنى الحكومة دى اسمها الانقاذ لو كان اسمها الاهلاك كانت وصلت لى وين! جنى )
الله يجازى محنك يا جنى , فعلا الجماعة ديل أشكالهم بس بتوحى بأنهم طابور خامس . انت عارف يا جنى انا اشتغلت أيام التدريب فى كلية الشرطة لمدة شهرين فى جنوب كردفان السلاح الكان معروف ومستعمل فى تلك المناطق عند الأهالى , بندقية اسمها الداوودى وربما سميت بذلك الاسم نسبة لمخترعها داؤود والله أعلم , الداوودى بصنعوها من مواسير المياه وقطعة من الخشب وفى كثير من الأحيان عند استعمالها الطلقة بتاعتها بترجع خلف يعنى تقدر تقول زى الهجمة المرتدة , وفى كل الأحوال ان ذهبت الطلقة نحو الهدف أو نحو مستعمل البندقية بترقدو سلطة , أسع قال ليك السلاح الموجود فى أيدى القبائل بقى المدافع الرباعية والدوشكا والآر بى جى , أما الكلاشنكوف والجيم سرى دى بقولو عليها سلاح الأين ( الأين تعنى العوين ) ما يسمعونا الجندريات , واضح أنو هناك جهة بتقوم بمد تلك القبائل بالأسلحة المشار اليها , لكن بقصد شنو هذا هو الذى ستفصح عنه الأيامات القادمة , بس حكاية القبائل دى تشتبك مع قوات الحكومة هذا هو الأمر المحير , ياربى يكونوا معتقدين أنو القوات دى قوات الحركة الشعبية وقاموا ردموها .
|
|
|
|
|
|