مدارس القبس للاساس في معسكر صيفي بكوالالمبور بالصور

Quote: عندك مايثبت بأن المدارس دى ولا المدارس الخاصة الأخرى تابعة لجهاز الأمن ..؟ ولا هو بس كلام والسلام ..؟ انت لوقعدت تنسب اى شئ للجهاز ولا للمؤتمر بتلقى نفسك بدون ماتحس بتدي الجهاز والمؤتمر احجام هم ذاتهم ماقادرين يبقو يقدرها.. يعنى ممكن بعد شوية اى حاجة فى البلد دى تكون للجهاز ولا للمؤتمر ( المدارس ، المشافي ، الاسواق ، الجامعات ، رياض الاطفال ووووووو) وكدة من حيث لاتحتسب بتكون لغيت جهد المجتمع ونسبت اى جهد للجهاز والحزب ( يعنى دعاية بالمجان لمن لايستحق ، ونكران جميل البعض ) افرز الكيمان رعاك الله ، ماللجهاز للجهاز و ما للناس للناس .. متفق معاك فى الشق التانى من كلامك ( رحلات الى دارفور ) و غيرها .. ما القبس براها ، كل المدارس الخاصة والعامة فى أطراف الخرطوم تلاميذ احوالهم ليست باحسن حال من تلاميذ دارفور والزيارات المتبادلة ذات فائدة لكل الطبقات بيرسخ روح التواضع والتراحم والتآزر فى نفس طالب الطبقة الغنية ، وبيزيل مايسمى بالحقد الطبقى من طالب الطبقة المتعففة وفوائد اخرى .. فالمرء لن يستطيع ان يسع الناس بامواله مهما كثرت ولكنه يستطيع أن يسعهم باخلاقه ولوكانت بفضيلة التبسم فى وجوههم والاحساس بالامهم و دى القيمة المفروض يتربوا عليها الصغار