بورداب الامارت .. طلب مساعدة

Quote: السلام عليكم الاخ حيدر كنت راسلتك من قبل كدا بخصوص بوست اراء قراء سودانيز وانت ما قصرت ونشرت رسالتى كاملة هسى عايزك فى عمل خير لانى قبل كدا قريت طلب "هشام يازول" القال عايزفيهو وظيفه وفعلا من خلال البورد لقوليهو وظيفو مترجم تقريبا. با ختصار انا عندى طلب بحث عن وظيفة فى الامارات تحديدا لاخ عزيز لو بتقدر تنشروا لى فى سودانيز اونلاين هدا النص بتاعو:-: السلام عليكم الاخوة بورداب الامارات عندي صحبي شديد وجاري طوالي شاب عمره 25 وكبير بيتهم ومحمولين وهو هسى معاكم فى الامارات جا زيارة عسى ولعل يلقى شغل بعد اتقفلت كل السبل فى وجهه فى السودان والله هو زول شغل وهميم جدا وامين وعلى خلق عالى ومحافظ على صلاته وعلى ضمانتى انشا الله وهو عندو دبلوم كمبيوتر ووالله بهبش فى اى شى شبكات صيانه فرمته تنزيل وندوز طباعة ببرنامج الوورد ولو ما اتلقى مجالو دا ما عندو مشكلة بشتغل اى شى حارس فى الشركات الامنية بياع فى بقاله المهم اى شغله شريفه ممكن يمشى بيها حالو لغاية ما يلقى الاحسن فلو فيكم زول بعرف ليهو شغله للزول دا ارجوكم ساعدوهو ولكم الاجر انشا الله فهو انسان محمول وعاقدين عليهو امال كبيره فى اصلاح حال اسرته ودا تلفونو و ايميلو للتواصل معاهو فى حالة لقيتوليهو حاجه ت:00971556300383 [email protected] وربنا يجزيكم الف خير يارب