على فكره يا جماعة كده خلونا من ده وداك دايرين ندخل في حته الزول يقوم يحكي فيها بصراحة وبحرية شديدة جداً عن موقف أو مواقف الزول بيلقى نفسه غاتس فيها لا بيهو ولا عليهو مع زول يوصلك لحراق الروح لامن تدور كان ما بتعمل العقل متأسياً بمقولة (العقل زينة) تقوم تعضيهو في نص راسو عشان تفش غيظك منه ومن موقفو الما بتلقى منه مخارجه إلا بالأسلوب ده ومع ذلك تقوم تقول لنفسك أكبر يافلان الحكاية مش مستاهله وتأخد حتة الزول المتحضر .. ومع ذلك كلما تتذكر الموقف أو المواقف دي تحوص ليك في مصارينك تقوم تقول ياريت فعلاً لو عضيتو في نص راسو اليوم داك .. وتقوم تأخذ ضحكة ملعلعة من تفكيرك مين فيكم يبدأ ؟؟ الوسطاء يمتنعون!!! ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة