|
|
 سودانيز أون لاين البي تحت ..!!
|
واحد قريب الرئيس عمر البشير قابلو في مستشفى لزيارة مريض من حوش بانقا بلد الرئيس..
الراجل بعد ما سلم على عمر البشير وحق الله بق الله اخد الرئيس على جمب وقال ليهو :
يا عمر ياخ انا عايز لي بيت في حوش بانقا دي ياخ !!
عمر قال ليهو ابششششششر يا حاج ان شاء الله لمن ترجع شندي هناك ليك علي اشتريها ليك 1000 متر ..
زولنا قال ليهو :
لالالالا يا عمر انا ما داير بيت في حوش بانقا حقت شندي ..عايز بيت في حوش بانقا الفي كافوري..
:D:D:D
دحين يا جماعة نحن خلونا من سودانيز اون لاين البي فوق فوق واللي عنوانها الجديد بينتهي بي 200
لالالا دي كللللللنا شايفنها وعارفنها ...
يوجد سودانيز اون لاين الشغالة بي تحت تحت ..
ناس تلقاهم بي هنا بيتشاكلو وبي تحت مسنجرات الف..
ناس تلقاهم بي هنا معارضين وبي تحت تحت حايمين يشحدو الدعم من الحكومة ..
ناس بي هنا قاطعنو مع الجكس وبي تحت تحت باكنبودر شدييييد وحنااااااان شي ..
ناس بي هنا اصحابك واصحاب اصحابك وبي تحت قطيعة السنين ..
سودانيز اون لاين البي تحت امتع من سودانيز اون لاين ام 200 وعنوانها الجديد ..
بالله العارف العنوان الجديد لي سودانيز اون لاين البي تحت يلحقنا بيهو عشان نقدر نتابع ..
|
|
 
|
|
|
|
|
| |
عمر الفاروق
فيس بوك
تويتر
انستقرام
يوتيوب
بنتيريست