|
Re: خلو الكمبيوتر البقالكم اهل واقعدو افتحو خشومكم احرسوهو (Re: bint algazeira)
|
عافي منك و راضيه عنك سو رضايا ما بيخيب الرضا والدتو يا جنايا إنت من يا دوب سغير من زمان دايماً معايا إنت ديما أمامي ساير ما بخليك بي قفايا ما بتغيب من عيني لحظه ولا حصل سبتك ورايا لامن الله يشيل أمانتو أنا ببقي خاصاك بالرعايه
ليّ يرعاك البيرعي ليّ بيك يبرد حشايا أصلك إنت هديه منو والله بيك أجزل عطايا جيتني واحد مالو تاني رحمه في آخر صبايا قبل ما أفقد قدرتي و قبل ما تنهار قوايا جيتني زي بدراً منور و فجأه طليت في سمايا
أسا لما خلاص كبرت دار تسيبني أعيش برايا دار تفارقني و تهاجر و الحزن يصبح جزايا كيف يهونلك تحزن أُمك شان تحقق ليك غايه كان مهاجر شان علاجي بلقي في شوفتك دوايا كان عشان تسقينا مالك نحن بي حنك روايا كان عشان كرعينا راحل نحن بي بعدك حفايا كان مسافر شان تعرس خير أبوك مالي التكايا خيرو وافر أبوك يحمدو مراحو مليان بالسعايه و بالقروش الجيب مجكن و لسه برضو الجايه جايا
برضي منك ما بقصر بحفر أديك المعايا كان ده كلو شوي بتلقي في دهبي الكفايا أصلي من سويتو ناذرا يبقى لي أيام قسايا داخره للزمن البعاند و لي سعادتك يا عشايا إنت من شبيت سغير راسي ما بتحتاج وصايا ماحصل خيبت ظني ولا فشل فيك زين غنايا لا تسيب أُمك تهاجر يمه محتاجه الحمايه
لا تسيبني وراك ترحل إنت ياك ضلي و ضرايا إنت فوق الحوبة مقنع إنت للمكشوف غتايا دايره منك تبقي جمبي جمبي في فرحي و بلايا دايره كان قحيت أتبنك أرفع أقسملك غتايا إنت ساعت تبقي جمبي بتبقي ضلي وتوب قفايا و ما بخاف ظلم الليالي و إنت ياك عكاز عمايا
دايره أقضي عميري جمبك أصلو قارب للنهايه خايفه كان سافرت ترجع تلقي فاضي البيت بلايا حينا ما بتنفع قروشك و ما بتجيبلك أُم سوايا ماني عارفه سبب رحيلك يا وليدي شنو الحكايه إلا تبقي براك شايف في فراق الوالده غايه ما بعاتبك و ما بلومك لو رحلت و بلقي في الامثال عزايا علي حجر دايماً قليبك و قلبي كلو عليك جنايا
عافي منك و راضيه عنك سو رضايا و ما بيخيب الرضا والدتو يا جنايا
الاخ الجعلي بدون جرس عشان في ناس كتثره بتجرس معاك استخير الله واليجي من الله يكون في هو الخير
|
|
|
|
|
|
|
العنوان |
الكاتب |
Date |
خلو الكمبيوتر البقالكم اهل واقعدو افتحو خشومكم احرسوهو | WAD ELGAALI#4 | 06-20-03, 00:54 AM |
Re: خلو الكمبيوتر البقالكم اهل واقعدو افتحو خشومكم احرسوهو | Elkhawad | 06-20-03, 01:59 AM |
Re: خلو الكمبيوتر البقالكم اهل واقعدو افتحو خشومكم احرسوهو | WAD ELGAALI#4 | 06-20-03, 05:00 PM |
Re: خلو الكمبيوتر البقالكم اهل واقعدو افتحو خشومكم احرسوهو | PLAYER | 06-20-03, 05:06 PM |
Re: خلو الكمبيوتر البقالكم اهل واقعدو افتحو خشومكم احرسوهو | WAD ELGAALI#4 | 06-20-03, 05:23 PM |
Re: خلو الكمبيوتر البقالكم اهل واقعدو افتحو خشومكم احرسوهو | PLAYER | 06-20-03, 05:31 PM |
Re: خلو الكمبيوتر البقالكم اهل واقعدو افتحو خشومكم احرسوهو | WAD ELGAALI#4 | 06-20-03, 05:52 PM |
Re: خلو الكمبيوتر البقالكم اهل واقعدو افتحو خشومكم احرسوهو | bint algazeira | 06-20-03, 06:20 PM |
Re: خلو الكمبيوتر البقالكم اهل واقعدو افتحو خشومكم احرسوهو | الجندرية | 06-21-03, 08:06 AM |
Re: خلو الكمبيوتر البقالكم اهل واقعدو افتحو خشومكم احرسوهو | WAD ELGAALI#4 | 06-21-03, 06:47 PM |
Re: خلو الكمبيوتر البقالكم اهل واقعدو افتحو خشومكم احرسوهو | WAD ELGAALI#4 | 06-21-03, 06:53 PM |
Re: خلو الكمبيوتر البقالكم اهل واقعدو افتحو خشومكم احرسوهو | tariq | 06-21-03, 07:06 PM |
Re: خلو الكمبيوتر البقالكم اهل واقعدو افتحو خشومكم احرسوهو | bint algazeira | 06-24-03, 09:36 AM |
Re: خلو الكمبيوتر البقالكم اهل واقعدو افتحو خشومكم احرسوهو | انور عمر | 06-24-03, 09:51 AM |
Re: خلو الكمبيوتر البقالكم اهل واقعدو افتحو خشومكم احرسوهو | WAD ELGAALI#4 | 06-24-03, 08:24 PM |
Re: خلو الكمبيوتر البقالكم اهل واقعدو افتحو خشومكم احرسوهو | Shinteer | 06-25-03, 04:51 AM |
|
|
|